Iris bloggar!!

Jæja...eru ekki allir í stuði????????

2008-10-31T17:19:00.002Z

Ég fór til Berlínar með vinnunni um miðjan október og skemmti mér konunglega þrátt fyrir smá gjaldeyrisstress svona rétt fyrir brottför...en það reddaðist...það gerir það alltaf...það er svo merkilegt.
Nú við kíktum á Hertha Berlin - Stuttgart á Ólympíuleikvanginum og skemmtum okkur konunglega (Sverrisson Sverrisson Sverrisson....hehehehe) og svo var borgin skoðuð og auðvitað sáum við allt það helsta, Sigursúluna, Berlínarmúrinn, Brandenburger Tor, Checkpoint Charlie og ég veit ekki hvað og hvað (myndir á Facebook).

Anyway....sumarbústaðarferðin síðustu helgi var hreinn unaður...líka torfærukeppnin með Finnsa í kolniðamyrkri....frábær skemmtun, myndasýning og þvílík tískuslys, skemmtiatriði, gönguferð, fjórhjólaferð þar sem ég keyrði eins og kjelling...ojojoj....en fyrst og síðast MIKIÐ MIKIÐ HLEGIÐ!!!!!!!!!!!!!!

Miðað við ástandið í þjóðfélaginu í dag er maður bara lánsamur með sína leikskólakennaramenntun, sérstaklega þar sem kreppa leiðir oft til barneigna og einhver þarf víst að gæta allra barnanna (nema atvinnuleysi verði það mikið að allir geti verið heimavinnandi....úffffff....) og þá kemur sér vel að vera kennaramenntaður!!!!!!
Launin eru líka það lág að það dettur engum í hug að fara fram á að við lækkum launin okkar....eða jú kannski...maður veit aldrei hvað þessum stjórnvöldum dettur í hug!!!!!!!!!!!!

Er annars bara hress og kát þrátt fyrir allt saman og vonandi þið líka!!!!!!!!!!!

Minningartónleikar um Vilhjálm Vilhjálmsson

2008-10-11T18:47:00.004Z

Diddi bróðir var svo sætur að bjóða mér með sér á Minningartónleikana um Vilhjálm Vilhjálmsson og þeir voru alveg stórkostlegir.
Ég ólst upp við Villa Vill og ég á svona óljósar minningar þar sem Bíddu Pabbi, Ég labbaði í bæinn, Lítill drengur, Söknuður og fleiri lög ómuðu um Halakot og Steinbæ. Mér datt oft afi minn í Halakoti í hug þegar ég heyrði þessu lög en í seinni tíð verður mér oftar hugsað til foreldra minna þegar ég hlusta á þessi lög.

Ég fór í sumar og keypti mér safndiskinn og hef hlustað mikið á hann. Ég er frekar svona gamaldags og mér er ekkert alltof vel við þegar nútíma flytjendur eru að taka svona gömul, falleg og óðafinnanlega flutt lög og gera þau að sínum. Ég var því lengi að ákveða mig hvort mig langaði á þessa tónleika og tók svo þá ákvörðun að kaupa mér ekki miða. En þegar Diddi bróðir hringdi í gær og bauð mér gat ég ekki annað en að þiggja miðann og fara með honum, og ég sé ekki eftir því!!!
Ég tók eftir því þegar ég sat með tárin í augunum og kökk í hálsinum (já já ég er svolítið viðkvæm fyrir svona tónlist....) hvað Vilhjálmur og þeir listamenn sem unnu með honum voru miklir snillingar.

Textarnir hans og þeirra eiga svo sannarlega við á þessum síðustu og verstu tímum:

Fátt er svo með öllu illt að ei boði gott
það má finna út úr öllu ánægjuvott
þótt suma lang' að detta í lífsins lukkupott
er sagt að fátt er svo með öllu illt að ei boði gott

Þótt ástarsagan oft fari illa með menn
Þeir ætt' að vita að ekki er öll von úti enn
Þeim bjóðast miljón meyjar og þær margar flott
því að fátt er svo með öllu illt að ei boði gott

Fátt er svo með öllu illt að ei boði gott
það má finna út úr öllu ánægjuvott
þótt suma lang´að detta í lífsins lukkupott
er sagt að fátt sé svo með öllu illt að ei boði gott

Ekki þótti Adam gamla eplið sem best
af syndum karlsins súpum við nú seyðið víst flest
En eplið lauk upp augum hans hve Eva var flott
sem sagt að fátt er svo með öllu illt að ei boði gott

Fátt er svo með öllu illt að ei boði gott
það má finna út úr öllu ánægjuvott
þótt suma lang´að detta í lífsins lukkupott
er sagt að fátt sé svo með öllu illt að ei boði gott!!!!

(Lag: Buck Owens)
(Texti: Ómar Ragnarsson)

og þessi líka:

Ég labbaði í bæinn, mér létt í skapi var
að líta inn á búllur samkvæmt vana.
Mér fannst ég vera þyrstur, fékk mér bjórglas inni á bar
og byrjaði að spá í nátthrafnana.

Þá settist hjá mér stúlka, hún sagðist vera sautján.
Hún sagði ei margt að vísu, en fylgdist með.
Ég gaf mér nægan tíma, því oft er það mín áþján
að ætla að gefa ráð og elginn veð.

Við töluðum um bilið, sem byggjum við af hvöt,
um bilið milli aldurs sem er gríma.
Við gefa viljum börnum okkar græna skóga og föt
en gleymum oft því dýrmætasta: Tíma.

Þá kom hún mér á óvart, því er ég fór að inna
eftir hennar skoðunum, ef hefði hún einhverjar.
Það litla sem hún sagði, ég verð að viðurkenna
vakti mig til umhugsunar á því hver ég var.

Ég held við ættum stundum að hlusta aðeins betur
á hugrenningar þeirra, sem erfa skulu land,
því kannski er næsta kynslóð, kynslóðin sem getur
komið fram með svörin, þar sem sigldum við í strand.

Okkur kann að virðast, að ungdómurinn nú
sé einskis nýtur, reki í lífsins gjólum.
En gleymum ekki staðreyndum, því staðreyndinn er sú:
Það vorum ég og þú, sem upp þau ólum.

Ég held við ættum stundum að hlusta aðeins betur
á hugrenningar þeirra, sem erfa skulu land,
því kannski er næsta kynslóð, kynslóðin sem getur
komið fram með svörin, þar sem sigldum við í strand.

Ég hvet alla til að hlusta af athygli á lögin hans Villa, þau láta manni alltaf líða betur!!!

9.október 2008

2008-10-09T15:12:00.004Z

Í dag hefði Kristbjörg mín orðið 33 ára ef hún væri enn á meðal okkar.
Hún var aðeins 24ra ára þegar kallið kom en hafði samt afrekað svo margt fyrir þann tíma, hún var stúdent, búin að trúlofa sig og koma sér upp heimili auk þess að koma í heiminn tveimur glæsilegum stúlkum sem er meira en margur annar hefur gert á þessum aldri.

Kristbjörg mín var ótrúlega falleg og góð sál, hún var trúr og traustur vinur og því gleður það svo sannarlega mitt litla hjarta að í lok október séum við, gamli vinahópurinn, aftur sameinaður og á leið í sumarbústað en það var einmitt Kristbjörg sem hóaði hópinn saman fyrir 11 árum og bauð okkur í bústað. Síðan ætluðum við að gera þetta árlega, misstum eitt ár úr en eftir fráfall hennar ákvað hópurinn að standa saman og við fórum saman í sumarbústað einu sinni á ári en sl. ár hefur þetta því miður fallið niður. En nú er stefnan sett á bústaðarferð í lok október og enn og aftur sameinumst við og minnumst okkar ástkæru vinkonu auk þess að styrkja vinarböndin.

Elsku Kristbjörg mín, minning þín lifir svo sannarlega og það líður varla sá dagur að ég hugsi ekki enn til þín og í góðra vina hópi kemur nafn þitt ennþá svo oft fyrir.
Ég mun taka með mér Kókómjólk og Kit Kat í sumarbústaðinn og minnast þín!!!!!!!!!!
Í kvöld mun ég kveikja á kertum þér til heiðurs.

Ég mun sakna þín þar til við hittumst að nýju.

Hvíta fold!!!

2008-10-04T23:03:00.003Z

ja hérna hér...ég man þegar Spaugstofan gerði grín að því að veturinn kæmi íslendingum alltaf á óvart og svei mér þá ef hann gerir það ekki einnig þetta árið!!!!!!!!!!!!!!!!
Ég skrapp á 3ja tíma foreldrafund í leikskólanum sl. fimmtudagskvöld og þegar ég kom út þá bara hviss búmm bang.....allt hvítt og allar göturnar þokkalega hálar.....hámarkshraðinn á Miklubrautinni var circa 30 sem bendir þó til þess að allir hafi verið varkárir enda áttu eflaust fáir von á þessu...ég meina það var 2.október!!!!!!!!!!!!!!

Ætla samt að drattast með bílinn fljótlega og setja nagladekkin undir....jebbs ég nota nagladekk á veturna, sama hvað hver segir!!!!!!!!!!!!!!!!!
Annars er mér slétt sama um snjóinn þegar veðrið er eins og það var í dag, logn og svakalega bjart, ótrúlega fallegt.....og norðurljósin í gær....váts maður minn....eitthvað það magnaðasta sem maður sér!!!!!!!!!!!!

Vona annars að við þurfum ekki að líða fyrir það góða sumar sem við áttum með köldum og hörðum vetri...meika það ekki, að ég tali nú ekki um kreppuna og yfirvofandi gjaldþrot Íslands...nenni ómögulega að blogga um það!!!!!!!!!!!!!!!

Nýjasta nýtt...

2008-09-14T17:24:00.003Z

...er að börn sem komast ekki inn í frístundaheimilini fari til dagmæðra!!!!!!!!!!!!!!!!!!!!!!!!!
Hvur skrambinn er þetta???? Það fæst ekki fólk til starfa hjá ÍTR til að starfa með börnum í frístundaheimilum og pottþétt er það vegna launanna....og því spyr ég...er til peningur til að borga dagmæðrum fyrir að passa börnin okkar??? Núna þegar dagmæður hafa minna að gera????
Gréta er ekki enn komin inn í frístundaheimilið vegna þess að það vantar enn starfsfólk en glætan að ég fari að senda hana til dagmömmu til að "geta tekið þátt í að aðstoða við yngri börnin og fá að upplifa venjulegt heimilishald eftir skóla" eins og Þorbjörg Helga Vigfúsdóttir orðar það í 24 stundum á föstudaginn!!!!!!!!!!!!!!!!!!!!!
Ég bara á ekki til eitt aukatekið orð...ætlar hún að borga barninu mínu fyrir að aðstoða dagmæður??? Eða ég hætti að vinna kl.14 og hún borgar mér laun milli kl.14-16 og þá fær barnið mitt meiri tíma með mér og upplifir OKKAR venjulega heimilishald.
Er það venjulegt heimilishald að fara 8 ára gömul til dagmömmu með öðrum 6, 7, 8, 9 ára gömlum krökkum og vera þar innan um 4-5 ungabörn??????????

Hvenær ætlar þetta fólk í Menntamálaráðuneytinu og í sveitastjórnunum að opna augun fyrir því að það sem þarf eru BARA betri laun í þessum geira og þá er mannekla úr sögunni og hægt að gera meiri kröfur um hæfara starfsfólk.
Það eru ótrúlega margir sem vilja vinna þessi störf en geta það ekki vegna launanna!!!!

Ég er líka farin að efast um að menntun borgi sig yfirhöfuð...að taka námslán og búa í leiguhúsnæði í mörg ár á meðan maður menntar sig og fá svo skítalaun, líkt og ljósmæður. Ég ætla rétt að vona að þær hafi staðið rétt að öllum uppsögnum og Árni Matt drattist frá embætti sínu með skottið á milli lappanna eins og svo margir aðrir þarna í pólítíkinni ættu að gera!!!

Svei attann segi ég bara!!!!!!!!!!!!!!!!!

Update

2008-09-06T12:06:00.003Z

Úffffff....maður getur gjörsamlega orðið háður Facebook sem er svo sem allt í lagi á meðan maður er í sumarfríi en EKKI þegar maður er byrjaður að vinna og í skólanum!!!

Bloggið hefur svolítið setið á hakanum og ég er enn að velta því fyrir mér hvort ég ætti að hætta þessu eður ei.....eru ekki allir hættir að lesa bloggsíður eftir að Facebook kom????

Anyways......hér er smá update síðan í síðasta bloggi!!!

Kaupmannahöfn var frábær, ofsalega gott veður og alltaf allt fullt af lífi
Íbúðin sem við vorum í var frábær, vel staðsett og auðvelt að taka strætó hingað og þangað. http://atmyhome.dk/ mæli hiklaust með því að þið skoðið þetta ef þið eigið leið til Köben. Það eru íslendingar með þetta og þau eru alveg gasaleg viðkunnanleg og hjálpsöm.
Tívolíið stendur alltaf fyrir sínu!!! Tvennt ólíkt að fara djammferð með vinkonunum eða fjölskylduferð en báðar ferðirnar eftirminnilegar og skemmtilegar á sinn hátt!!
Mér varð ekki að ósk minni um að Gréta myndi ekki vilja fara í rússíbana og þannig tæki því það voru nánast einu tækin sem hún vildi fara í....aftur og aftur og aftur!!!!!!
Bakken er líka frábær staður, mikið gaman og skemmtiatriðin frekar fyndin. Þar fórum við í tré rússíbana sem er síðan 1932...jebbs.....mikið rétt...frekar gamall!!!!!Vatnsrússíbaninn þar var líka gasalega skemmtilegur...nema ég blotnaði svo mikið á rassinu og gekk um Bakken eins og ég væri pissublaut!!!!!!!!!!!!!
Fórum líka í annan rússíbana þar sem ég dó næstum úr hræðslu en Gréta skemmti sér konunglega þar til hún gerði sér grein fyrir að ég var skííííthrædd og spurði þá: mamma ertu að hlæja eða gráta? Í alvöru mamma???" og ég vildi ekki skemma fyrir henni og sagðist bara vera að hlæja!!!! Gréta og Óli fóru 2x aftur í þennan ég beið bara niðri og tók myndir á meðan!!!
Sigling frá Nyhavn er alltaf skemmtileg og maður sá Köben í öðru ljósi.
Fórum út að borða á Custom House http://www.customhouse.dk/uk/customhouse.html á ítalska staðnum Bacino http://www.customhouse.dk/uk/bacino.html sem var alveg hreint geggjaður!!!!
Strikið....úff....þar sem Gréta gekk bókstaflega á strikinu þegar við vorum þar!!!!
Guinnes safnið var mjög skemmtilegt en mér fannst Ripley´s believe it or not! skemmtilegra!!
Experimentarium safnið var stórfenglegt. Þar má koma við allt og prófa allt og það er hægt að eyða heilum degi þar!!! Mæli með því við alla sem fara til Köben, hvort sem þið eruð með börn eður ei!!!! Við sáum hvernig matur myglar, hvernig húðin okkar er, hvernig rúmið okkar er (rykmaurar, húðflögur og annað sem við sjáum ekki með berum augum), upplifðum jarðskjálfta, fellibyl, prófuðum að stýra flutningaskipi og margt margt fleira!!!
Svo er ótrúlega gaman að fara upp í Round Tower og sjá þannig yfir alla Köben!!
Sem sagt....frábær skemmtun allan tímann!!!!

Byrjaði svo að vinna 25.ágúst og Gréta byrjaði í skólanum. Hún er ekki enn komin inn í frístundaheimilið þar sem það hefur ekki enn tekist að manna það!!!
Skelltum okkur á Mamma Mia! Sing A Long og skemmtum okkur konunglega í góðum félagsskap
Mamma fór aftur til eyja eftir að hafa verið hér síðan um miðjan júní og það eru mikil viðbrigði, ég þarf að fara að elda sjálf aftur og svona!!!!!
Ég byrjaði aftur í Ítölskunni í HÍ og líst vel á önnina.....3 fög og verður eflaust bara gaman!!
Á morgun er það svo Sirkus Agora og svo bara ný vinnu-og skólavika!!!!

Góða helgi!!!!

Kaupmannahöfn

2008-08-13T18:44:00.002Z

Já förinni er heitið til kóngsins Köben þar sem við Óli bróðir og Gréta ætlum að njóta lífsins í nokkra daga áður en sumarfríið er búið og vinna og nám tekur aftur við.
H&M, Strikið, veitingastaðir, söfn og auðvitað Tívolí er það sem við stefnum á og auðvitað Litla Hafmeyjan!!!
Ég krosslegg fingur og bið til Guðs að Gréta vilji ekki fara í rússíbana eða einhver svona crazy tæki sem fara upp og niður og á hvolf því hvorki ég né Óli erum gasalega mikið fyrir það....allt í lagi svona tæki eins og Kolkrabbinn í gamla Tívolíinu í Hveragerði var...muahhhhhhh.....held að Grétan sé mest spennt fyrir Build A Bear.....hún er svo yndislega nægjusöm þessi elska!!!
Allavega ætlum við að hafa það gasalega gott og vonandi gerið þið það líka!!!!

Skjótt skipast veður í lofti....

2008-07-29T15:27:00.002Z

...og það er þroskamerki að geta skipt um skoðun var mér einu sinni sagt!!!
Jæja þroskuð eða óþroskuð....ég er að fara á þjóðhátíð!!!
Við mæðgur höfum tekið þá ákvörðun að skella okkur á þjóðhátíð og erum búnar að fara í Partýbúðina og kaupa allskonar fylgihluti!!!!!!!!!!!
Erum farnar!!!!!

Góða verslunarmannahelgi!!!!!

Fríið að byrja

2008-07-21T16:26:00.003Z

...ég fer í fríið, ég fer í fríið, ég fer í fríið...ó já, er komin í sumarfrí og byrjaði á því að bruna á Arnarstapa með Grétu og Birgittu þar sem við fórum í bústað til Ingunnar og strákanna. Harpa og Jón Gunnar voru líka þar með börnin og tjaldvagninn svo það var mikil gleði!!

Veðrið var stórkostlegt á laugardaginn og sést það best á okkur vinkonunum þar sem við erum bleikar á hinum og þessum stöðum!!!!!!

Þvílíkt sem það var huggulegt að liggja á veröndinni með hvítvínsglas og láta sólina skína á sig.

Við fórum með krakkana á gleðibumbuna, fórum að Malarrifsvita og þar niður í fjöru og fengum okkur vöfflur/gulrótarköku/eplapæ á kaffihúsinu að Hellnum.

Á heimleiðinni fengum við okkur nesti í fjörunni á Búðum og smökkuðum vatnið í Ölkeldu sem féll í misgóðan jarðveg.

Þannig byrjaði fríið og hvert framhaldið verður veit nú enginn ennþá nema við ætlum að skreppa til Köben með Óla bróður í ágúst og ég er að velta fyrir mér verslunarmannahelginni!!

Erum boðnar í skírn í eyjum 28.júlí sem er mánudagur fyrir þjóðhátíð og þá yrði þetta 3ja eða 4ða árið í röð sem ég fer frá eyjum vikuna fyrir þjóðhátíð!!!!

Sumir kalla mig klikk en mér er alveg sama, ég sakna ekki þjóðhátíðarinnar og fer létt með að vera í Reykjavík eða hvar sem er á landinu um þjóðhátíðina....ólíkt sumum sem ég þekki sem þjást af sorg og trega og sjálfsvorkun ef þeir hafa tekið þá ákvörðun að vera ekki á þjóðhátíð!!

En ef svo skemmtilega vildi til að ég, Harpa, Ingunn og Birgitta gætum farið saman á þjóðhátíð myndi ég ekki hugsa mig tvisvar um...svo stelpur....koma svo!!!!!!!!!!

Annars eru næstu dagar bara óráðnir og mér er nokkuð sama þótt hann rigni, þá hef ég ekki samviskubit yfir að sofa út!!!!!!!!!!!

Ótrúlegt...

2008-07-13T22:24:00.001Z

...hvað heit sturta og gott body lotion getur bjargað deginum!!!!

Mitt í öllu rykinu barst mér þetta...

2008-07-08T17:42:00.003Z

LADIES!!!!!!!!!

Remember...a layer of dust protects the Wood beneath it.
A house becomes a home when you can write "I love you" on the furniture.
I used to spend at least 8 hours every weekend making sure things were just perfect - 'in case someone came over.
Finally I realised one day that no-one came over; they were all out living life and having fun!

NOW, when people visit, I don't have to explain the condition of my home . They are more interested in hearing about the things I've been doing while I was away living life and having fun. If you haven't figured this out yet, please heed this advice. Life is short. Enjoy it!

Dust if you must ....... but wouldn't it be better to paint a picture or write a letter, bake cookies or a cake and lick the spoon or plant a seed, ponder the difference between want and need?!

Dust if you must, but there's not much time . . . . with beer to drink , rivers to swim and mountains to climb , music to hear and books to read, friends to cherish and life to lead.

Dust if you must, but the world's out there with the sun in your eyes, the wind in your hair, a flutter of snow, a shower of rain. This day will not come around, again.

Dust if you must , but bear in mind, old age will come and it's not kind. . . And when you go - and go you must - you, yourself will make more dust! Share this with all the wonderful friends in your life. I JUST DID. It's not what you gather, but what you scatter that tells what kind of life you have lived.

Jón Bjarni 14 ára!

2008-07-01T21:12:00.005Z

Fyrir tæplega 11 árum kynntist ég Jóni Bjarna en þá var hann bara 3ja ára gamall. Ég hafði heyrt talað mikið um hann og séð myndir af honum hjá Þóri og þegar ég hitti hann í fyrsta skipti var hann hjá pabba sínum um helgina og ég var að koma frá London. Pabbi hans hafði sagt honum frá mér og þegar hann vaknaði var ég sofandi við hliðina á honum. Hann tók mér strax vel og ég man að við horfðum saman á barnaefni fyrsta morguninn okkar saman og hann var mjög hress og kátur og frá fyrstu mínútu náðum við vel saman. Við urðum strax miklir vinir og þegar Þórir var að hringja í Jón Bjarna eða hann í okkur vildi hann alltaf líka fá að tala við mig.

Ég var bara 21 árs þegar við kynntumst og held að mér hafi tekist vel um í hlutverki kærustu pabba hans...hehehheehe...það er ekki alltaf auðvelt að eiga ekki barn og vera að taka þátt í að ala upp barn annarra!! Maður finnur muninn þegar maður eignast svo sjálfur barn.

Þegar ég varð ólétt af Grétu sögðum við honum það ekki strax en þegar hann skoðaði myndir af mér frá jólunum spurði ég hann hvort hann vissi af hverju ég væri með stærri maga en vanalega og hann sagðist halda að það væri af því ég væri með barn í maganum. Hann tók þessu öllu svo vel (enda er mamma hans gift manni sem á 3 börn svo hann er vanur að eiga systkini) og það var svo gaman á meðgöngunni að hann vildi alltaf vera að skoða barnafötin og meðgöngubókina og svo spurði hann svo margra skemmtilegra spurninga um barnið og það sem hann sá í bókinni.

Hann fékk að koma með í sónar hjá Einari Jóns í eyjum og Einar spurði hann hvort hann vildi systur eða bróður og sagði svo að það væri eflaust betra fyrir hann að fá systur því þá gæti hann haft allt Batman dótið sitt í friði fyrir henni, hún hefði pottþétt ekki áhuga á því!!!!!

Jón Bjarni var svo stoltur þegar hann sá systur sína í fyrsta sinn, hann var í sveitinni þegar hún fæddist en kom nokkrum dögum seinna. Svo var hann hjá okkur í heilan mánuð það sumar og hann var svo góður og duglegur, bara 6 ára gamall.

Hann kom með okkur á spítalann þegar Gréta fór í 5 daga skoðun og Gestur barnalæknir skoðaði hana. Þegar við komum inn leit Gestur á Jón Bjarna og sagði: Jæja, ertu kominn til að skila henni? Ég vissi það, og hvað viltu í staðinn? Hvolp? Það kom hér strákur í gær og skilaði systur sinni og fékk hvolp, viltu það???

Jón Bjarni starði furðu lostinn á lækninn og stamaði svo nnnneeeeiiii!!!!!

Gestur leit þá enn alvarlegri á hann, beygði sig að honum og sagði: Þegar hún verður stærri, þá verður þú sko að passa hana og kenna henni umferðarreglurnar svo hún hlaupi ekki út á götu og verði fyrir bíl!!!! (þeir sem þekkja Gest lækni vita hvernig hann getur verið!!!!)

Síðan skoði Gestur Grétu og sagðist svo skilja Jón Bjarna vel að vilja ekki skila henni því þetta væri frábært eintak sem hann hefði fengið fyrir systur!!!!!

Jón Bjarni hefur greinilega tekið lækninn mjög alvarlega því hann hefur alltaf verið svo góður við Grétu, það hálfa væri nóg. Hann er alltaf að passa hana, að hún heyri ekki ljót orð, sjái ekki ljótar, bannaðar myndir og hann gætir hennar alltaf svo vel og er alltaf tilbúinn að gera allt fyrir hana og með henni. Þau heyrast oft í síma og heimsækja hvert annað mjög oft og hann hefur oft komið hér og gist og hún gist hjá honum og þeim þykir svo óendanlega vænt hvoru um annað.

Jón Bjarni er 14 ára í dag og við fórum í afmælisveisluna hans áðan. Margt hefur breyst frá því við Jón Bjarni hittumst fyrst en það sem hefur ekki breyst er hversu mér þykir vænt um hann og hversu Grétu þykir vænt um hann og honum um hana. Systkinakærleikurinn þeirra á milli er yndislegur og ég mun gera allt sem ég get til að hann haldist óbreyttur um ókomna tíð.

Elsku Jón Bjarni okkar, til hamingju með daginn.....við elskum þig eins og þú ert!!!!!!!

Náttúru-tónleikar

2008-06-29T17:05:00.003Z

Ég er ekki að fara á goslokahátíðina og ekki á Þjóðhátíð svo ég held ég hafi misst réttinn á að segjast vera eyjamaður, held ég afsali mér honum hvort eð er þar sem ég hef búið lengur í Reykjavík en í Eyjum og er þar afleiðandi bara orðinn reykvíkingur. Kórónaði það með því að fara á tónleika Bjarkar og Sigur Rósar í gær. Fannst hálf-hallærislegt að hafa þessa tónleika í bakgarðinum og fara ekki auk þess sem margir erlendir vinir mínir eru hrifnir af þessum tónlistarmönnum og því fannst mér ég verða að fara, þeirra vegna, og gera þau græn af öfund..muahhhhh. Ég hef aldrei verið hrifin af Sigur Rós en í gær fannst hún meiriháttar, það er ótrúlegt að sjá hvað þeir gera við hljóðfærin, hvernig þeir spila á þau á óhefðbundinn hátt og Gréta er enn með eitt lagið þeirra á heilanum. Ég held svei mér þá að ég verði að hlusta betur á þessa hljómsveit!!
Björk var líka góð, hef aldrei séð hana á tónleikum og hún var ótrúlega litrík og frábærir tónlistarmenn með henni og gaman að hafa þessi blásturshljóðfæri, gera ótrúlega mikið.

Ég rölti oft um svæðið þar sem tónleikarnir voru og þegar ég vissi að þessir Náttúru tónleikar ættu að vera á þessu svæði runnu á mig tvær grímur, er þetta ekki svolítil andstæða, að vera með tónleika til að minna á hvað náttúra Íslands er dýrmæt en á sama tíma standa, sitja, liggja 30-40 þúsund manns á fallegu grænu svæði og henda rusli út um allt, skilja stóla og annað eftir auk þess sem margir komu á bílum og leggja þeim UPP á grasið og fara svo á NÁTTÚRU tónleika...hummm?????
Mér finnst það allavega svolítið hallærislegt og þrátt fyrir að þvottalaugarnar hafi verið afgirtar þá var ekki fallegt að sjá myndir af svæðinu í fréttunum kl.12.
Ég veit vel að það er enginn skaði skeður, grasið verður jafngott og áður en samt...finnst mér þetta stangast svolítið á. Ég meina oft hefur grasið í dalnum verið hræðilegt á mánudagsmorgni eftir þjóðhátíð og maður hélt að það myndi aldrei ná sér en svo var það hrikalega grænt vorið eftir!!
En myndirnar úr kvikmyndinni Draumalandið voru ótrúlegar og það er hræðilegt að sjá hvernig ráðamenn og konur vilja fara með landið okkar, það hlýtur að vera önnur leið en að fórna náttúruperlum!!!
Held að ráðamenn/konur ættu að staldra aðeins við og spyrja sig hvort þau vilji virkilega að þeirra verði minnst sem þeirra sem gerðu Ísland að Állandi?????

GRÉTAN MÍN 8 ÁRA

2008-06-21T00:09:00.016Z

Þann 21.júní 2000 kl.16:15 fæddist þessi frábæra stelpa sem er hér á myndunum.
Hún er ótrúlegur karakter eins og myndirnar bera með sér. Frá því hún fæddist hefur hún verið mikill gleðigjafi, Grétan mín er ótrúlega skemmtileg og fyndin stelpa, henni datt og dettur enn margt sniðugt í hug og hún er afskaplega klár og dugleg stelpa.

Hún var snemma mikil mömmustelpa og er enn. Hún var mjög ung þegar hún fór að gera mannamun og var meira segja talað um það þegar hún byrjaði á leikskóla, bara 14 mánaða gömul. Þá strax gerði hún upp á milli fólks. Hún hreinlega leit framhjá fólki sem henni féll ekki við og þetta ágerðist þegar hún varð eldri og enn í dag er hún svona. Kostur eða galli???

Gréta er oftast nær hjálpsöm og dugleg að gera það sem hún er beðin um...nema kannski að taka til í herberginu sínu!!! Undarlegt hvað börn eru viljug til að vaska upp, taka til, sópa og ryksuga þegar þau eru of ung til að gera þessa hluti en þegar þau svo hafa getu til þess nenna þau því ekki nema fá borgað fyrir!!!!!

Í dag er aðalsportið hjá henni að fara hjólandi út í búð og í hvert sinn sem ég segist ekki eiga eitthvað býðst hún til að skjótast í búðina og kaupa það!!!!!

Gréta er mjög dugleg að skrifa og var bara 3ja ára þegar hún las fyrsta orðið sitt. Það var í Krónunni í Vestmannaeyjum og hún leit upp og svo heyrði ég bara o s t u r...ostur!!! Þegar við svo komum heim til mömmu náði hún í matreiðslubók og las 1 p e l i r j ó m i og a s p a s!!!!!

Síðan þá hefur hún verið óþreytandi við að lesa og skrifa og gerir það með stakri prýði. Hún er farin að lesa "unglingabækur" sem eru alltað 200 bls!!!

Hún hefur líka skrifað mér heilan helling af bréfum og miðum sem ég geymi í náttborðsskúffunni minni!!! Fallegri bréf hef ég aldrei fengið en frá henni dóttur minni!

Þegar hún var lítil var ég mjög dugleg að leika við hana og fékk hún oftast að ráða öllu. Þegar hún varð svo eldri velti ég því fyrir mér hvort ég hefði gert rétt með því að vera svona mikið með henni og leika svona mikið við hana því í dag þá hreyfi ég mig varla innandyra né utan án þess að hún sé á eftir mér. Hún þarf alltaf að vita hvar ég er og hvert ég fer, jafnvel þegar ég fer á wc!!!! Þá á hún það til að vera svolítið stjórnsöm og vill stundum ekki vera með ef það er ekki farið eftir því sem hún vill....er það mér að kenna eða er hún bara svona karakter????

Jah maður spyr sig!!

Ég er svo fegin að Gréta var aldrei með snuð og aldrei með pela heldur. Hún var á brjósti þar til hún var rúmlega 11 mánaða og svo drakk hún bara úr glasi. Hún var heldur aldrei með eitthvað eitt dót sem hún þurfti alltaf að vera með nema þegar hún var 3ja ára fékk hún dúkku frá Dóru frænku sinni og hennar fjölskyldu og dúkkan fékk heitið Bleika dúkkan. Sú dúkka hefur farið til Vestmannaeyja, Ítalíu, Lanzarote, Mallorca og Tenerife auk þess að hafa ferðast um Ísland. Gréta var samt aldrei neitt ómöguleg þótt dúkkan væri ekki alltaf til staðar.

Við höfum eytt mörgum stundum með mömmu minni og pabba og eru Gréta og amma P miklar vinkonur og í mörg ár hafa þær verið í "systuleik" og er hann enn í fullu fjöri. Pabbi flutti til okkar þegar Gréta var bara 4 ára og hefur verið nálægt okkur síðan og hann og Gréta hafa farið margar gönguferðirnar og enn fleiri fjöruferðir. Gréta hefur án nokkurs vafa athyglisgáfuna frá afa sínum. Hann hefur lesið fyrir hana Sálminn um blómið og þau hafa líka hlustað saman á sömu sögu á geisladisk og hún getur vitnað í ákveðin atriði og gerir það þegar henni dettur það í hug.

Gréta er alger engill, hún hefur alltaf verið ótrúlega þægilegt barn og sl. 3 ár höfum við farið með Óla bróður í 2ja vikna ferðir á sólarströnd og það er mjög þægilegt að ferðast með Grétu. Þá hefur hún farið með mér í lengri og styttri ferðir sl. 2 sumur þar sem við vorum með ítali og hún var svo stillt og góð og dugleg allan tímann. Enda elska ítalarnir hana út af lífinu og vonast til að verða svona heppin með barn þegar þau eignast sjálf börn!!!

Gréta hefur alltaf verið frekar fyndin og sett upp marga ótrúlega fyndna svipi. Hún er aldrei jafn lík pabba sínum og þegar hún grettir sig!!!!

Sl. ár hefur Gréta verið að breytast heilan helling, hún er auðvitað að þroskast og fá meira sjálfstæði og frumkvæði...aðeins og mikið á köflum!!!!

Fatasmekkurinn er líka að breytast og eru gallabuxur allra mest inn og helst bolir og klútur. Hún hefur alltaf átt alltof mikið af fötum og er það mest Óla bróður og ömmu Þórey að kenna og jafnframt er það þeim að kenna/þakka hvað Gréta er farin að spá mikið í föt og hvernig hún lítur út í hinum og þessum fötum. Ég er um það bil að missa völdin og það styttist í að ég missi fötin mín líka!!!!!

Þá er hún líka mjög upptekin af hárinu á sér núna...hvaðan skyldi það koma...hummmm?????

Það hefur alltaf verið mikið líf og fjör í kringum Grétu og erum við, foreldrar hennar, frekar miklir spaugarar og því hefur alltaf verið mikið um grín og glens í kringum hana. Amma P, Diddi og Óli eru líka miklir spaugarar og Diddi er alltaf að pína hana og atast en Óli meira að grínast. Pabbi hennar og Jón Bjarni bróðir hennar er líka mjög miklir spaugarar og afi Sigþór segir lygasögur hægri-vinstri. Þannig að það er ekki nema von að það leynist spaugari í barninu mínu!!

Hún man ótrúlega margt og þar á meðal brandara sem henni þykir gaman að segja. Hún getur nefnilega verið ótrúlega fyndin!!

Hún er líka ótrúleg með það að finna sér alltaf undarlega staði til að dvelja á og hugsa og íhuga. Þegar pabbi bjó í Garðabæ var hún alltaf inni í skáp í forstofunni og núna er það fataskápurinn í herberginu hans. Hérna heima er lítið skot í fataskápnum í herberginu hennar og ég mátti ekki setja neitt þar inn þegar við fluttum og þar var hún alltaf þegar hún talaði í símann!!!!!

Gréta er mikill karakter, hún er ljúf sem lamb en getur líka verið gasalega þrjósk og mikill besservisser. Hún er samt oftast blíð og góð og það er ofsalega gott að vera nálægt henni. Hún er nautnaseggur og þykir afskaplega gott að láta gera gott við bakið og láta lesa fyrir sig áður en hún fer að sofa. Hún er mikil kelirófa og kemur oft til mín bara til að knúsa mig, kyssa og faðma og segja mér að hún elski mig. Ég get ekki annað en þakkað þeim sem öllu ræður að hafa gefið mér svona dásamlega gjöf og ég reyni allt hvað ég get að vera henni góð móðir.

ELSKU ELSKU GRÉTAN MÍN, TIL HAMINGJU MEÐ 8 ÁRA AFMÆLIÐ ÞITT.

ÉG ELSKA ÞIG MILLJÓN, TRILLJÓN, BILLJÓN ENDALAUST!!!!!!

ÉG ER HEPPNASTA MAMMA Í HEIMI AÐ EIGA ÞIG FYRIR DÓTTUR!!!

Sittlítið af hverju

2008-06-18T18:18:00.003Z

Gréta komin heim frá eyjum eftir vikudvöl, gerði okkur báðum mjög gott. Mamma kom með henni og verður hér uppi hjá pabba í sumar að passa Grétu og eyða tíma með okkur. Gaman saman í sumar!!
Fór með Herdísi og Ingunni í bíó að sjá Sex and the city-frábær skemmtun og bara sæt mynd...ef maður er aðdáandi.
Bíð enn eftir að vita hvort ég fæ styrk frá Félagi Leikskólakennara vegna ferðarinnar til Michigan, eitthvað klúður hjá þeim þarna í félaginu!!
Íþróttavikan og sumarhátíðin í vinnunni er búin og allt tókst einstaklega vel.
Ítalía komin í 8 liða úrslit á EM...jabadabadú.........
Vinkonuafmæli Grétu Daggar á morgun, 19.júní og svo fjölskylduafmæli á afmælisdaginn hennar, laugardaginn 21. júní
Er að verða búin með Yacoubian-byggingin og þegar komin með tvær aðrar bækur á náttborðið...spennó spennó.....
Ég, Gréta og Óli erum að hugsa um að sleppa sólarlandarferð þetta árið og fara í viku til Köben, í Tívolí, dýragarðinn, H&M og eitthvað chilllllllll...........
Búin að borða allsstaðar annarsstaðar en heima hjá mér þann tíma sem Gréta var að heiman, þakka þeim sem sáu til þess!!
Hjólaði heiman frá mér, upp Kringlumýrarbrautina, Fossvoginn, Nauthólsvíkina, meðfram flugvellinum, Ægisíðuna, Seltjarnarnesið, út í Gróttu, Grandann, gegnum miðbæinn, Sæbrautina, Laugarnesið og heim!!!!!!!!!!! Með i-podinn í eyrunum (nema úti við Gróttu þar sem fuglasöngurinn var himneskur) og þetta tók ekki nema 2 klst og 10 mín....næst ætla ég að taka nesti og góða bók því það eru margir frábærir áningastaðir á leiðinni. Ætka með Grétu í Nauthólsvíkina, hjólandi!!!! Frábær hringur í frábæru veðri og jeminneini hvað þetta var gott.......nema fyrir rassinnnnn.....þarf að fá mér gelpúða!!!!!!!!!!!!!
Kíkti rétt aðeins á bjórkvöld ´75 árgangsins úr eyjum á Oliver á mánudagskvöldið. Fámennt en góðmennt og gaman að sjá þá sem mættu, hef ekki séð suma í allmörg ár og frábært að sjá hvað við erum enn ung og fersk og andskoti skemmtileg!!!
Sjónvarpið SÖKKAR BIG-TIME á sumrin....ji minn eini!!!!!!!!!! Eins gott að EM er í gangi, er strax farin að finna fyrir tómleikatilfinningunni sem kemur þegar EM er búið!!!!

Rúntur og EM

2008-06-12T18:41:00.002Z

Ég fór til Tallin með vinnunni fyrir 2 árum og á bjórhúsi þar hitti ég tvo ítali og fór eitthvað að blaðra við þá og svo skiptumst við á e-meil addressum og höfum stundum verið að spjalla á msn og svona og svo endaði það með því að þeir áttu 5 daga frí og komu hingað fyrir viku síðan!!!
Ég, Ingunn og Birgitta tókum þá að okkur og sýndum þeim rúntinn (sem var það eina sem þeir vildu gera...hehehehehe), bæði bílandi og gangandi, fórum með þá út á lífið og auðvitað skrapp ég með þá á Þingvelli og að Gullfossi og Geysi.

Þeir voru himinlifandi með ferðina og Ísland og okkur vinkonurnar að sjálfsögðu og voru mjög daprir þegar þeir voru að fara, þeir voru búnir að velta því fyrir sér hvað þeir gætu gert til að vera hér áfram og komu mörg ný störf til greina...hehehehehe...þeir eiga eftir að koma aftur eins og allir hinir ítölsku vinir mínir því allir vilja koma aftur um vetur og sjá norðurljósin!!!
Það er ekki laust við að það hafi verið hálf-tómlegt þegar þeir voru farnir því Gréta fór til Vestmannaeyja á mánudaginn og kjellan því ein í kotinu!!!!

Ítalía byrjaði EM hræðilega illa, með 3-0 tapi fyrir Hollandi....ég var búin að setja trefilinn minn á sófaborðið og derhúfuna á sjónvarpið en allt kom fyrir ekki. Það var því frekar fúlt að sitja hér í stofunni með tvo ítali og Ítalía að tapa....úfffff...lærði nokkur ljót orð sem ekki verða endurtekin!!!!
Vonandi að mínir menn taki Rúmeníu í bakaríið á morgun!!!!
FORZA AZZURRI!!!!!!

Framtakssemin í mér!!

2008-06-03T22:32:00.002Z

Ég er bara alveg að koma sjálfri mér á óvart þessa dagana...fer bara út að hjóla, búin að kaupa blóm og plöntur og planta í beðin meðfram húsinu, vökva það á hverjum degi, þvoði 5 vélar um helgina og hengdi út á snúru....jiiiii...mikið sem það er dásamlegt að geta þurrkað þvottinn úti!!!
Búin að taka aðeins til í geymslunni til að koma hjólinu hennar Grétu betur fyrir og henda fullt af drasli...enn og aftur!!!!

Nú, svo koma svona kvöld hjá mér (eins og núna) þar sem ég bara kveiki ekki á sjónvarpinu (enda ekki rassgat merkilegt í imbanum sum kvöld) heldur hlusta bara á tónlist og vinn í tölvunni, var t.d. að klára að þýða útvarpsviðtal af íslensku yfir á ítölsku og það var mjög gagnlegt og gaman.

Nú, ég fór til Tallin fyrir tveimur árum síðan og á bjórhúsi þar lenti ég á spjalli við tvo ítali sem eru núna á leiðinni til Íslands...hehehehe..koma á fimmtudaginn og verða í 4-5 daga svo ætli maður neyðist ekki til að fara með ítali á Gullfoss og Geysi og í Bláa lónið eina ferðina enn..heehhee....það er bara gaman!!!

Ætla að skella mér í leikhús með vinnunni á föstudagskvöldið, að sjá Ástin er diskó-lífið er pönk, það verður eflaust gaman þrátt fyrir misjafna dóma....dæmi hver fyrir sig!!

Hreinasti unaður

2008-06-01T17:48:00.003Z

Ohhhh....hvað ég elska að horfa á íslenska landsliðið í handbolta þegar það spilar eins og það spilaði núna rétt áðan!!!!
Strákarnir voru svo vel stemmdir og maður sá einbeitinguna og leikgleðina sem hefur vantað svolítið undanfarið finnst mér. Nú koma strákarnir okkar tvíefldir til baka og sanna sig eftir hörmungarnar í síðustu stórkeppni!!!!
Og auðvitað fórum við fjallabaksleiðina enn og aftur....gera þetta enn meira spennandi!!!

Leikurinn í gær gegn Pólverjum var ekki alslæmur en það sem vantaði í gær gekk upp í dag, svona er það bara. Pólverjarnir voru gasalega sterkir og höfðu yfirburði og voru að skora úr ótrúlegustu færum. Sem handboltaáhugamaður var gaman að sjá þennan leik en sem íslendingur var það pínu fúlt!!
Meðan ég horfði á þann leik var ég alltaf að velta því fyrir mér af hverju við gætum þetta ekki líka en í dag þurfti ekkert að velta því fyrir sér (nema kannski langskotum sem vantar svolítið hjá okkur). Markvarslan til fyrirmyndar en vantar svolítið að hirða fráköstin!! Svíagrýlan er greinilega dauð þar sem þetta er í annað sinn sem við komum í veg fyrir að svíar komist á stórmót!!

Ég held að það sé rétt að veita mönnum annað tækifæri og Guðmundur Guðmundsson ætlar greinilega að nýta sitt tækifæri og sýna hvað býr í honum og strákunum!!

Jiiiiii hvað ég hlakka til og er meira að segja að spá í að fara á landsleikinn gegn Makedóníu 15.júní!!!!

Jáh...nú er gaman að vera íslenskur handboltaáhugamaður.....Peking....here we come!!!!

Einkunnir, ofnæmi ofl

2008-05-31T17:06:00.002Z

Haldiði ekki að stelpan hafi bara fengið 9 í lokaeinkunn í ítalskri málfræði.....hef greinilega engu gleymt..hehehehe...þetta er fjórði málfræðiáfanginn sem ég hef tekið og ég er búin að fá tvisvar 9 og tvisvar 9,5. Þokkalega sátt núna sko!!!!
Kennarinn sagði að þegar við værum búin með þennan áfanga værum við svo gott sem búin að læra alla málfræðina í ítölsku en svo er náttúrulega að halda þessu við og rifja upp og svona.

Á enn eftir að fá einkunn í hinum áfanganum sem ég var í, hann var próflaus og mikil verkefnavinna bæði í tímum og heima....dúddírúddí....bíð spennt!!!!

Annars erum við bara ferskar mæðgurnar, ég verðlaunaði sjálfa mig með því að kaupa mér hjól og í gær fórum við mæðgur í hjólatúr í Laugardalnum. Það var meiriháttar geggjað, logn og smá úði og yndisleg angan af gróðrinum........dásamlegt, dásamlegt!!!

Gréta hefur annars verið frekar slæm af ofnæminu, fór með hana til ofnæmislæknis í fyrra og þá kom í ljós að hún er með ofnæmi fyrir fíflum, já believe it or not...hehehe..nei það er sko blómið fífill sem hún er með ofnæmi fyrir....hehehehe. Ég gæti samt trúað að það væri að þróast út í eitthvað meira (frjókorna eða grasofnæmi) því hún passar sig að koma ekki við blómið en er samt búin að vera ferlega slæm og tekur orðið 2 ofnæmistöflur á dag!!!! Annars er allt vaðandi í fíflum (fólki og blómum) allsstaðar svo það er kannski ekki að furða þótt hún sé slæm.
Ætti kannski að fara með hana aftur til læknisins.......hmmmmm?????

Þegar ég fór til USA tók ég i-podinn minn með og ég hafði ekki hlustað á hann lengi og í morgun var ég að hlusta á hann aftur og er komin með nýtt uppáhaldslag.....

http://www.youtube.com/watch?v=vPwPkNanHsU

Damien Rice hefur komið til Íslands en einhvern veginn hefur hann alltaf farið fram hjá mér þar til Svana Lilja frænka mín skrifaði fyrir mig disk með honum og ég er alveg að fíla hann.....

Góða helgi!!

Jarðskjálftar

2008-05-29T22:53:00.003Z

Enn og aftur verð ég ekki vör við jarðskjálfta!!!

17.júní 2000 var ég með Óla bróður í bíl og við vorum að leita að bílastæði við bryggjuna til að sjá víkingaskipið Íslending leggja úr höfn og við fundum hvorugt fyrir jarðskjálftanum þá. Þegar við komum svo á bryggjuna voru allir að tala um þetta og við stóðum bara á gati. Ég var kasólétt og með símann á mér til öryggis, en hann var voða mikið bara í veskinu mínu og ég heyrði ekkert í honum og þegar ég loks tók hann upp voru endalaust missed calls þar sem allir voru skíthræddir um ólétta konuna!!!
Þegar ég kom svo heim og sá fréttirnar skildi ég fyrst af hverju allir voru að tala um þetta, það var ótrúlegt að sjá hvernig skjálftinn hafði farið með jörðina og skiljanlegt að mamma mín hafi orðið skít-logandi hrædd í Eyjum, það var lyginni líkast að sjá myndirnar þaðan sem og annarsstaðar af suðurlandi.

Þann 21.júní 2000 kom svo annar jarðskjálfti og ég man að ég lá í sófanum í Eskihlíðinni, kasólétt, komin á tíma og þá fann ég sko jarðskjálftann. Mamma hringdi strax og mér fannst svo merkilegt að hafa loksins fundið það sama og allir hinir!!!!
Nú, nokkrum tímum seinna vakna ég svo með hríðir og um morguninn fylgist ég með aukafréttatímum og svo fæðist Gréta bara í eftirmiðdaginn...þannig að það þurfti tvo jarðskjálfta til að koma henni í heiminn...hhehehe..

Í dag fann ég ekki heldur fyrir jarðskjálftanum, við vorum með Rokk-og sápukúlusöngfund í leikskólanum og vorum börn og fullorðnir í brekkunni okkar að syngja saman. Söngkonan sem stjórnaði söngfundinum var að rokka og stappa niður fótum þegar jarðskjáftinn var og ég var að taka upp á videó á meðan og gjörsamlega missti alveg af þessu...og hún líka!!!! Fyrr má nú stappa en stappa!!!!

Það er misjafnt hvernig heimili þeirra sem við þekkjum á Selfossi eru farin og vonandi er þetta nú allt yfirstaðið.

Arfaslök í lestrinum....eða hvað?

2008-05-19T22:00:00.003Z

Renndi aðeins yfir listann með þeim bókum sem ég ætlaði að lesa á árinu og mér miðar bara ekki rassg...með hann!, af 35 bókum sem eru á listanum er ég bara búin með fimm!!!

En það er eins með þennan list og aðra...þeir eru ekki heilagir og það hafa dottið inn bækur sem ég hafði ekki hugmynd um að væru til og hafa því bæst á listann eða ekki einu sinni komist þangað þar sem ég hef bara tekið þær upp og lesið þær nánast í einum rykk.

Las yndislega bók eftir Haruki Murakami sem heitir Norwegian Wood. Átakanleg saga um ástir sem ekki geta orðið, missi, söknuð, þrá, langanir, vináttu, tryggð og margt margt fleira. Mæli hiklaust með henni, hún er svona sykurpúði!!
Las svo The Lover, sem er flókin ástarsaga, enn og aftur um forboðna ást sem ekki getur orðið...ji hvað ég er eitthvað deprimeruð!!!!!
Byrjaði á bók í gær og kláraði hana í dag...hehehehe....James Patterson, Sjortarinn. Þetta er svona bók sem maður les á ská og er enga stund með, spennandi og góð flétta, góð afþreyging!!
Er svo að fara að byrja á Yacoubian byggingin eftir Alaa Al Aswany og hlakka bara til.
Allar þessar bækur voru ekki á listanum mínum svo ég kem kannski samt til með að ná 35 bókum á árinu!!!

Annars erum við mæðgur bara sprækar, Gréta og vinkonur hennar voru með í hæfileikasýningu á vorhátið Laugarness og stóðu sig eins og hetjur og svo er stelpan mín loksins búin að læra að hjóla, alger hetja!!!
Svo við erum bara í góðum málum...meira um það síðar!!!!

Lítill frændi

2008-05-13T22:49:00.002Z

Við eignuðumst lítinn frænda í nótt, Elva frænka og Höddi eignuðust lítinn strák í nótt svo Ester og Einar fengu eitt barnabarn í viðbót og Birta og Hekla lítinn bróður...til hamingju elskurnar. Erum búnar að fá sendar myndir og hann er alger dúlla með gasa mikið hár!!!!
Ætli maður verði ekki að skella sér í eyjarnar fljótlega og knúsast með hann og stelpurnar!!!
Nú bíð ég bara eftir fréttum af Gunnsu frænku...spennó spennó!!!!!

Annars var fyrsti vinnudagurinn eftir vikufrí bara ansi notalegur og gott að koma til baka. Eftir vinnu skelltum við Gréta okkur í Bónus því heimilið var eins og þrotabú og ákváðum svo að bregða okkur í sund, þar sem veðrið var og er svo gasalega fallegt. Gréta hefur tekið svo miklum framförum í sundi að það hálfa væri nóg, nú æðir hún út um allt, enda heimvön þar sem hún er í skólasundi í Laugardalslauginni, og það er alveg magnað að sjá hvað hún er orðin dugleg og óhrædd.

Diddi og Óli komu svo í mat og við borðuðum pönnukökur og svoddan, sem ég nenni aldrei að elda nema þegar einhver kemur í mat!!!!
Óli færði mér tvær rósmarín plöntur og ég hafði ekkert að gera við þær báðar svo ég rölti með aðra yfir til Gumma og Guðmundu sem tóku henni fagnandi!!! Svo er bara að finna út úr því hvað má gera skemmtilegt við þessa plöntu...........kartöflur, lambakjöt, kjúklingur....nammi nammi namm!!!!

Annars hrúgast hér inn afmælisboð til mín, sem er óvanalegt þar sem þau eru oftar en ekki til Grétu. Er að fara í fertugsafmæli á laugardaginn og á boð í annað 31.maí, brjálað að gera bara!!!

En það er nú það skemmtilega við lífið er það ekki?????

Komin heim!!

2008-05-12T22:44:00.002Z

Mikið er nú gott að vera komin heim og fyndið hvað við Sigga upplifðum þennan tíma ólíkt!!
Þegar við vorum búnar að pakka niður og stóðum fyrir utan hótelið að bíða eftir leigubíl á flugvöllinn fannst Siggu hún bara búin að vera þarna í 3 daga á meðan mér fannst ég vera búin að vera þarna í mánuð!!!!

Ráðstefnan var frábær í alla staði, vel skipulagt og ákaflega fróðlegt. Hugarfarið er líka mikilvægt því ég var þarna af opnum hug og tilbúin til að taka allt inn. Það er samt ótrúlegt hvað maður getur orðið þreyttur bara af því að sitja allan daginn frá 8-16 og hlusta á fyrirlestra!!! Auðvitað er maður að taka inn heilmikið af nýjum upplýsingum á öðru tungumáli þannig að það er um margt að hugsa. Ég er svo gasalega ánægð með að við skyldum hafa komist.
Ekki skemmdi svo fyrir að fá fréttir út um að við skyldum hafa fengið styrk frá Menntamálaráðuneytinu fyrir High/Scope þróunarverkefni.....hipphúrrey!!!!!!

Ameríka er samt ótrúlegt land og ameríkanar yfirmáta kurteisir....bara fyndið að skreppa út af hótelinu og fá sér "ferskt" loft og koma inn 2-3 mínútum seinna og allir í lobbyinu bjóða mann velkominn aftur!!!!!!!!!
Og hvað þá afgreiðslufólk í búðunum....Hi how are you? Found everything alright? Found everything you needed???? Og svo rullan þegar maður borgar...má bjóða þér að skrá þig hjá okkur? Afsláttarmiða? Kvittunina í pokann eða til þín??
Ó mæ god....hvað þetta var skondið!!

En nú er maður sko reynslunni ríkari og þetta var stórkostlega gaman, Shelley, fyrirlesarinn sem kom til okkar í febrúar reyndist okkur svo vel og við skemmtum okkur konunglega!!!
Nú er bara að skella sér í vinnuna á morgun og byrja svo að melta og deila upplifuninni með öllum hinum.....hlakka bara til!!!!

Amerika

2008-05-06T12:27:00.002Z

O my god segi eg nu bara....amerika er svaka stor og her er allt til!!!!!
Ferdalagid gekk allt vel, allar velar a rettum tima og allt bara aldeilis fint. Eg las i Norwegian Wood, hlustadi a tonlist og timinn leid bara tokkalega hratt.
Shelley tok a moti okkur a flugvellinum med spjald tar sem stod Velcome to Michigan Sigga and Iris aka two crazy people from Iceland!!!!!!
Hun var svo med okkur allan fyrsta daginn og for med okkur i verslunarleidangur.....gud minn godur....tad er ALLT til her i amerikunni...mamma mia!!!!!
Vid nadum ad versla heilan helling...en ekki hvad og tad var bara fint tvi nu erum vid fra 8-16 a namskeidum og fyrirlestrum svo tad var eins gott ad nota timann!!!!!

So far hefur allt verid frabaert og tad verdur eflaust engin breyting a tvi....vedrid er geggjad, sol og hiti, og svo kemur Anna i dag tannig ad tad verdur bara gaman afram. Mer finnst eg buin ad vera her svo lengi en samt eru tad bara 4 dagar og enn eru 4 eftir!!!!

Skelltum okkur a italskan veitingastad i gaer, gasa gott eins og alltaf og ekki skemmdi ad fa limoncello i desert!!!

Well well...best ad skella ser a fyrirlestur!!!

Ypsilanti, Michigan

2008-04-30T19:45:00.002Z

Je beibí...kjellan á leiðinni til Bandaríkjanna í fyrsta sinn OMG!!!!!

Skrapp meira að segja í klippingu í gær, Óli bróðir vildi ekki senda mig svona lufsulega til USA en ég veit ekki hvort hann gerði mér neinn greiða því hann klippti mig stutt eins og Katie Holmes svo það er eins gott að paparazziarnir og Tommi (Tom Cruise) verði ekki að þvælast þar sem ég verð!!!!!!!

En ástæðan fyrir ferðinni er sú að við Siggan ætlum að bregða okkur á International Conference hjá High/Scope og mikið sem ég hlakka til.
Fljúgum til Minneapolis og þaðan til Detroit...hef aldrei komið til Bandaríkjanna áður og veit ekki hverju ég á von á...spennó spennó!!!!
Ypsilanti er reyndar bara um 23.000 manna bær, vagga menntunar og góðrar uppeldisstefnu og það verður gaman að hitta Shelley, fyrirlesarann sem við fluttum inn í febrúar, aftur.
Anna ætlar að koma og vera með okkur í 4 daga og það eykur enn frekar á spenninginn!!!!
Siggan búin að tékka á mollum og outlettum....treysti gjörsamlega á hana hvað varðar verslunarferðir, dollara, farentheit og tímamismun.....jidúddamía!!!!!!!!!!!

Við Siggan tókum annars generalprufu á Akureyri á því hvernig herbergisfélagar við verðum og okkur mun eflaust ganga vel að vera saman í herbergi...ef við munum eftir tannkremi, sjampói, bursta, náttfötum og öðrum nauðsynjum....heheheehhehee.....vonandi verður hvítvínsflaskan ekki langt undan!!!!!

Grétan mín ætlar að vera á Selfossi hjá pabba sínum og Birnu á meðan og er hún búin að vera með nettan aðskilnaðarkvíða í margar margar vikur....borgaði sig kannski ekki að segja henni svona snemma frá þessari 10 daga ferð!?!?!?!?
Það verður erfitt fyrir okkur báðar að kveðjast á laugardaginn en við höfum báðar gott af því að vera aðeins í sundur!!!

Ætla annars að taka eitt stk. ítölskupróf á föstudaginn og svo er bara að byrja að pakka niður!!!!

Dásamlegur dagur

2008-04-26T23:27:00.002Z

Mikið var huggulegt að vakna í morgun við þessa dásamlegu birtu af sólinni og þetta líka fallega veður...og enn dásamlegra að geta hengt handklæði út á snúru og fá þau þurr inn og með þessari fersku útilykt.......i´m lovin´it!!!!

Gréta fór í afmæli frá 12-14 svo ég plataði Birgittu til að hitta mig í Smáralind og eyða tímanum þar á meðan....borðuðum og kíktum á seinni hálfleikinn Chelsea-Man.Utd. 2-1 heheheheeh
nennti ómögulega að keyra Grétu í Stjörnustelpur og fara svo heim og koma svo aftur...ekki samt gott að eyða svona sólríkum degi í verslunarmiðstöð EN bætti heldur betur úr því seinni partinn!!!

Eftir að hafa sótt Grétu fórum við í bæinn, röltum Laugaveginn og kíktum inn hér og þar, fórum í Kolaportið og skoðuðum íslenska hönnun í Hafnarhúsinu ásamt því að kíkja aðeins á Austurvöll.
Mikið líf í bænum og greinilegt að það er að vora!!!!!

Skutumst svo heim og skiptum um föt og fórum svo í Laugardalinn að líunuskauta....eða sko bara Gréta þar sem ég á enn eftir að fá mér línuskauta (fékk gjafabréf fyrir línuskautum frá Didda bro í jólagjöf).

Við enduðum svo í mat hjá ömmu Þórey og afa Sigþóri!!

Ekki amalegur dagur og mikið sem ég hlakka til sumarsins!!!!!

Nýtt uppáhaldslag

2008-04-25T18:17:00.002Z

Nýjasta uppáhaldslagið mitt - á eftir að sjá myndina samt...ha Herdís!!!!!!!!!!!!!!!!!

http://youtube.com/watch?v=kJB02JWp5Oo&feature=related

Þetta lag smýgur undir skinnið á manni og lætur manni líða undarlega....rödd Eddie Vedder einstök og lagið svona líka mergjað!!!
Get hlustað á þetta lag aftur og aftur og aftur......

Sá á vefmiðlunum að Lára Ómars hefur sagt af sér sem fréttamaður vegna smá mistaka....ja hérna hér...mikið mættu nokkrir af pólítíkusunum okkur taka hana til fyrirmyndar!!
Alveg væri mér sama þótt Lára fengi einhvern til að henda eggi í einhvern eða eitthvað í beinni útsendingu...það er tittlingaskítur miðað við það sem er að gerast á landinu.....er Ísland í dag orðið svona?????

Þá er best að grúfa hausinn ofan í námsbækur og hlusta á fallega tónlist og láta sig dreyma!!!!!

Fram og tilbaka

2008-04-22T22:17:00.002Z

Skrapp norður á Akureyri á föstudaginn, við Siggan brunuðum þetta í einum grænum og skiptumst á skemmtilegum sögum á leiðinni.....munur að vera í góðum félagsskap á svona ferðalagi og ekki skemmdi veðrið fyrir....renniblíða, sól og LOGN!!!!!!
Við skelltum okkur út að borða á veitingastaðnum Strikinu en gömul vinkona mín á þann stað!! Fékk mér ljúffengan silung og hvítvínsglas...mmmm....mæli eindregið með þessum stað ef þið eigið leið norður!!!
Málþingið var svo á laugardeginum, fúlt að hanga inni í þessari bingóblíðu en efnið var áhugavert og málstofan mín gekk framar mínum vonum....var svolítið stressuð allan morguninn en það rann af mér þegar ég byrjaði að tala!!!!
Við brunuðum svo bara til baka seinni partinn á laugardaginn í sömu blíðunni!!!
Merkilegt hvað Ísland er fallegt í svona blíðskaparveðri!!!!

Núna er ég svo viss um að vorið sé komið að ég lét verða af því að skipta vetrardekkjunum í sumardekk...ætlaði að gera það þarna um daginn en nei nei...fór þá ekki bara að snjóa!!!!!!!!!!!

Það er búið að vera svo mikið að gera hjá mér sl.mánuði að ég hef slegið slöku við í lestrinum....verð að bæta það upp ef ég ætla að ná markmiðinu mínu...úffff.....er reyndar að lesa tvær bækur núna....geggjaða bók Viktors L. Franks, Men´s search for meaning (Leitin að tilgangi lífsins) og svo var ég að byrja á Norwegian Wood eftir Haruki Murakami, hún lofar aldeilis góðu svo ég held ég verði fljót með hana!!

Annars á ég að vera að gera fjögur verkefni í ítölsku og svo er lokapróf 2.maí....stanslaust stuð!!!!

Málþing á Akureyri 19.apríl

2008-04-13T00:42:00.002Z

Úffff....innan við vika til stefnu og mér dettur í hug það sem ítölskukennarinn minn sagði við okkur í upphafi annar...þið íslendingar eruð svo skrýtin, þið eyðið öllum vetrinum í næstum ekkert og svo lærið þið eins og vitleysingar nokkrum dögum fyrir próf, drekkið kaffi og orkudrykki til að komast í gegnum próflesturinn í staðinn fyrir að vinna jafnóðum yfir önnina!!!
Jamm...taki þetta til sín þeir sem eiga það....SEK!!!!!!!!!

Málið með mig (og marga aðra) er að ég er alltaf að gera svo margt í einu, ég var að vinna og í námi og að ala dóttur mína upp og eiga félagslíf svo augljóslega er alltaf eitthvað sem situr á hakanum.
Núna er ég líka að vinna, læra, sjá um heimili og barn og reyna að eiga eitthvað líf utan alls þess.
Það líf felst meðal annars í því að vera með málstofu á málþingi á Akureyri um næstu helgi!!!
Ég sendi bara að gamni inn erindi í desember þegar við sáum auglýst eftir erindum á þetta málþing og svo um miðjan janúar kom svar og þeir vildu endilega fá þetta erindi mitt á málþingið. Nú voru góð ráð dýr...ég að vinna, nýbyrjuð í námi og bæta þessu ofan á...vel gert!!
En þetta er skemmtileg vinna og gaman að öðlast þessa reynslu. Ég hef nýtt tímann vel og verið dugleg að sanka að mér efni og lesa mér vel til og núna er ég fram á nótt að koma þessu öllu heim og saman.
Fer norður á föstudaginn og málþingið er á laugardaginn......
Hér er hægt að lesa meira um málþingið fyrir þá sem hafa áhuga
http://vefir.unak.is/skolathroun/radstefnur/april2008/
og hér er hægt að fræðast meira um það sem ég ætla að tala um (klikkið á heitið á málstofunni minni)
http://vefir.unak.is/skolathroun/radstefnur/april2008/abstracts2.html
Hlakka til og kvíði fyrir!!

Loksins loksins...

2008-04-08T20:55:00.002Z

....drattaðist ég í að þrífa bílinn minn að innan. Hann er pínkulítill en það er ótrúlegt hvað ég er löt við að þrífa hann...en ég stóðst ekki mátið í dag þar sem veðrið var svo fallegt að ég lagði alveg við útidyrnar hjá mér og þreif hann allan (lauslega bara...engin djúphreinsun eða neitt sko...), ryksugaði og þreif motturnar líka...nú þarf ég bara að þrífa hann að utan...eða láta gera það!!!!!

Er að hugsa um að skella mér með hann á morgun og taka nagladekkin undan áður en allir fá þessa sömu hugmynd og röðin fyrir utan dekkjaverkstæðið verður orðin margir kílómetrar!!!!!

Lagið á fóninum

2008-04-06T23:51:00.002Z

ANNIE'S SONG

(John Denver)

You fill up me senses

like a night in a forest

Like the mountains in springtime,

like a walk in the rain

Like a storm in the desert,

like a sleepy blue ocean

You fill up my senses

come fill me again.

Come let me love you,

let me give my life to you

Let me drown in your laughter,

let me die in your arms

Let me lay down beside you,

let me always be with you

Come let me love you,

come love me again.

INSTRUMENTAL VERSE

Let me give my life to you

Come let me love you,

come love me again.

You fill up my senses

like a night in a forest

Like the mountains in springtime,

like a walk in the rain

Like a storm in the desert,

like a sleepy blue ocean

You fill up my senses,

come fill me again.

Diddi bróðir sendi mér þetta lag um daginn og ég get ekki hætt að hlusta á það.......ótrúlega fallegt lag og fallegur texti!!!!!

Burt með sorg og sút...

2008-04-05T23:19:00.002Z

Jæja..mikið sem það léttist fljótt á manni lundin þegar sólin skín í heiði, veikindin eru að baki og maður getur farið út og notið þess að vera innan um annað fólks.....frekar þunglyndislegur pistill hér að neðan úfffff...... en nú er öldin heldur betur önnur....við mæðgur vorum svo heppnar að vera boðnar í mat í gær og í kvöld og á morgun er brunch hjá Didda bro þar sem Óli mætir líka og Biggi, Helga og börn...mikið gaman og mikið grín.

Nú, ég fékk 9,3 í ítölskuprófinu (málfræði) sem ég tók í febrúar og er náttúrulega gasa ánægð og montin með það!! Annars eru tvö próf í næstu viku og svo er ég að undirbúa efni fyrir málstofu, en ég verð með erindi á málþingi á vegum háskólans á Akureyri þann 19.apríl. Lokapróf í ítölskunni 2.maí og svo er ég líka á leiðinni á ráðstefnu í Michigan í maí og það verður eflaust gasalega gaman, hef aldrei komið til Bandaríkjanna áður svo það verður gaman!!

Svo það er bara gaman framundan :)

Jiii...þessar færslur eru bara eins og Ragnar Reykás hafi skrifað þær...kannski er ég bara klofinn persónuleiki????????????

Gott eða vont?

2008-04-02T14:57:00.002Z

að eiga ekki íbúð og sjá ekki fram á að eignast hana á komandi árum?
að skulda lítið en skulda samt?
að vera eins og fugl í búri, vilja frelsi en vita ekki hvað maður á að gera við það?
að vera andlaus?
að þurfa að vinna en langa að vera í skóla en langa samt að hafa vinnufélagana nálægt?
að vera einstæð?
að geta ekki leyft sér allt sem mann langar til?
að dóttir mín leikur ekki við hvern sem er?
að leiðast?
að dóttir mín sefur enn uppí hjá mér?
að geta ekki treyst neinum nema sjálfum sér?
að langa helst að fara að vinna á bókasafni þar sem er nánast alger þögn?
að vera heima veik og með veikt barn í samtals 8 daga nánast í röð?
að nenna ekki að elda og leiðast að fara í búð?
að bíða eftir að dagur sé að kveldi kominn svo maður geti farið að sofa?
að dóttir mín er mjög mikil mömmustelpa?

Jæts....hef greinilega verið of mikið EIN og of mikið innilokuð, er að farast úr leti, leiða og andleysi. En allir þessir punktar hér að ofan, við nánari athugun hafa eitthvað gott og eitthvað vont við sig, það er víst þannig með allt í lífinu. Maður hefur gott af því að velta hlutunum fyrir sér og finna nýja fleti á tilverunni.

Væri gaman af lífinu ef það væri alltaf dans á rósum? Nei, það held ég ekki. Ég á ekki heldur í neinum vandræðum, það er bara þannig að stundum er maður á þannig stað að maður er hvorki glaður né leiður, maður bara er. Og þar er ég núna, ég líð um í einhverskonar leiðslu í því sem kallast líf mitt og stundum langar mig til að taka mig til að rífa mig upp og gera eitthvað allt annað en ég er að gera núna en svo fer ég í þann ham að reyna að þakka fyrir allt það sem ég hef og get og á og allt það. Gott eða vont?

Svo er það nú þannig að ég er félagsvera, þrátt fyrir að ég hafi aukna þörf fyrir að vera ein en ég hef gaman af því að vera innan um fólk en ekki bara dauða hluti svo þetta með bókasafnið... ég gæti ekki séð það gerast nema ef hluti samstarfsfólks míns kæmi með mér og þá yrði ekki svo mikið um þögn á bókasafninu!!!!!!!!!!!!

Life goes on and things will change...the sun will come out tomorrow......!!!!

Best að óska sér varlega

2008-03-27T21:39:00.002Z

Be careful what you wish for, you might just get it all!!!!

Ég ætlaði að eyða páskunum uppi í sófa, í náttfötunum og glápa á tv og gerði það svo sannarlega nema með óráði, 39 stiga hiti í 4 daga, beinverkir, skrælnaður munnur og brjálæðislegasti höfuðverkur sem ég hef á ævinni upplifað....ó já...flensan mætti í öllu sínu veldi og ég var sko sófadýr í orðsins fyllsta alla páskana og meira til. Fór fyrst að vinna í gær og var meira að segja enn þá frekar slöpp!!!!
Ömurlegt...búin að missa 2 kíló í staðinn fyrir að bæta þeim á mig með lambalæri og súkkulaði...en það kemur ekki að sök, verð eflaust fljót að troða í mig súkkulaði um leið og lystin lætur aftur á sér kræla!!!

Annars erum við mæðgur bara ferskar, Jón Bjarni fermist á laugardaginn og við erum búnar að kaupa fermingargjöfina, pappírinn og skrautið og dúllan mín að farast úr tilhlökkun og stolt af stóra bróður!!

Annars allt rólegt svo ég bið ykkur vel að lifa!!!!!!!!!!!

Dösuð og hlakka til páskanna!!

2008-03-18T18:09:00.004Z

Það er ekki laust við að maður sé eftir sig eftir atburði helgarinnar.

Á föstudaginn fór ég út að borða með Óla, Bjarna, Örnu og fleirum á Tabasco og svo voru það Sálartónleikarnir....eigum við að ræða það eitthvað???

Ji minn eini hvað það var gaman, mikil og góð stemmning og dásamlegt að vera þarna með bræðrum mínum, vantaði bara Hörpu mína...en ég hringdi nú í hana og leyfði henni að njóta!!!

Heill haugur af minningum flögraði um hugann og ekki laust við að nokkur tár brytust fram....úffff.....minningar tengdar Kristbjörgu, Hörpu, þjóðhátíð, Sálarböllum hér í denn, Diddi bróðir, Gréta mín, Vestmannaeyjar, rúnturinn...úfffff....ég var bara 13 ára þegar þeir byrjuðu að "meika það".....já....tíminn líður hratt!!!

Á laugardagskvöldinu var svo árshátíð í vinnunni og þar var hattaþema. Ég fékk lánað höfuðskratut hjá Berglindi Ómars og var gasa fín í nýja kjólnum mínum og með hárið í hnút a-la Óli bro og make-up a-la Ingunn bella!!!

Takk elskurnar fyrir að gera mig svona fína og fallega!!!!

Árshátíðin var í gyllta salnum, Silfur, á Hótel Borg og Skari skrípó var þar veislustjóri og annað samstarfsfólk mitt var með hin og þessi atriði, svo var bara diskó og gasa geim.

Nú sunnudagurinn var bara sófadagur og nokkuð augljóst að ég er ekki í þjóðhátíðar-formi, er ekki að höndla það að fara út tvö kvöld í röð....kannski ekki það sem er að hrjá mig...en það er annað mál!!!!!

Í gær skellti ég mér svo í leikhús með bræðrum mínum, í Borgarleikhúsið að sjá Kommúnuna, það var meiriháttar gaman og ég hreinlega dýrka að fara í leikhús.

Ef ég ætti fleiri stundir, fleiri mínútur....myndi ég vera á tónleikum, leikhúsi, bíó og annarri menningu að mínu skapi!!!!!!!

Nú, við mæðgur erum búnar að ákveða að vera bara heima hjá okkur um páskana, ætlum ekkert að fara til eyja. Erum búnar að plana kósý sófadag í náttfötunum með páskaegg, gott sjónvarpsefni, góðar bækur og bara vera tvær saman að dúllast!!

Erum meira að segja búnar að kaupa páskagreinar og skreyta þær!!!!!!!!!!

Æ hvað það á eftir að vera notalegt hjá okkur!!

Gleðilega páska!!!!!

Crazy doing

2008-03-07T16:35:00.002Z

Hér hefur bara verið allt crazy doing.....fór með Óla bro norður um þar síðustu helgi og það var nú aldeilis hugguleg ferð (hann er búinn að vera að bíða eftir ferðasögunni hér hahaha).
Við vorum í góðu yfirlæti hjá Beggu og þáðum þvílíku kræsingarnar hjá Heiðu sys auk þess sem Bakaríið við brúna kom sterkt inn sem og Greifinn og Brynju-ísinn!!! Takk fyrir elskurnar!!!

Ferðin var frábær en hún byrjaði nú frekar klaufalega....við Óli vorum bara með flugfreyjutöskur og vorum bara með handfarangur. Hildur Rós var líka að fara og hún var með meiri farangur svo við innrituðum okkur öll saman og fengum sæti hlið við hlið. Svo var kallað út í vél og við leggjum af stað og konan sem skannar miðann ætlaði varla að hleypa okkur í gegn með handfarangurinn!!!!

Svo komum við í vélina og þá voru bara margir með sama sæti og Hildur svo það upphófst svaka rannsókn, Óli var nýbúinn að stinga miðunum okkar í vasann....eða töskuna...eða hólfið....allavega var hann nýbúinn að stinga þeim eitthvað, settist og þá þurftum við að sýna miðana en nei....þá fann Óli ekki okkar miða!!!!!! En það kom ekki að sök því það kom í ljós að einn farþeginn átti pantað með vélinni sem fór 45 mín á eftir þessari!!!!

Nú við tókumst svo loks á loft og svo slokknuðu ljósin og okkur var bent á lesljósin og ég var sko með ítölskubækurnar í töskunni því ég ætlaði sko að nota tímann til að læra því ég var að fara í próf á þriðjudeginum en nei, þá voru lesljósin okkar einu ljósin sem virkuðu ekki!!!!!
Svo ég neyddist til að segja Óla frá því sem var á döfinni hjá mér en sl. föstudag var ég að tala á málþingi sem við hjá leikskólum FS stóðum fyrir en við erum að kynna okkur bandaríska stefnu og vorum hér með fyrirlesara og tengdum þetta málþing því. Svo ég var með stutt erindi þar...rosa fjör!!!

En alla vega...þegar við nálguðumst Eyjafjörðinn byrjaði fjárans vélin að pompa og hristast og hossast og kastast til og ég náttúrulega alveg við það að missa mig af hræðslu, það sem mér finnst þetta óþægilegt!!!!!!!
Ég henti handleggnum utan um handlegginn á Óla og ríghélt mér og henti mér nánast í fangið á honum svo hrædd var ég, og hann bara pollrólegur? Hvað er að þér, spurði ég hann, tókstu eitthvað??? Heheheeh...en hann sagði að þetta væri ekkert því þegar hann fór í nóvember var það hrikalegt...svo þetta fannst honum ekkert!!!!!!!!!!!
En við lentum heilu og höldnu á Akureyri og ég, Óli og Heiða skelltum okkur á Fló á skinni og það sem við hlógum!!! Þegar Heiða fór að hrína jókst hláturinn um 70%!!!!!!!!!!!!!
Á laugardeginum hittum við ættingja og vini, skelltum okkur á listasafnið og dúlluðumst bara.

Nú síðan þetta var hef ég tekið 2 ítölskupróf, gert glærur og texta, talað á málþingi, tekið þátt í work-shop alla sl. helgi, farið í tvö afmæli hjá Sindra Frey, borðað á Þremur frökkum, borðað hjá Siggu og borðað hjá Jóni Bjarna og Jónu ásamt því að fara með Grétu á fótboltaæfingar og horft á hana á sýna atriði í skólanum.

Jamm...það er ekki annað hægt að segja nema það sé búið að vera aldeilis nóg að gera og nú skal slappað af þessa helgi því næstu helgi eru bæði Sálartónleikar og árshátíð FS.

Er svo að undirbúa mig fyrir málstofu sem ég verð með á málþingi á Akureyri í apríl...jidúddamía!!

Góða helgi!!!!!!!!!!!!

Dúllumúsin mín

2008-02-28T00:02:00.002Z

Var aðeins að leita í tölvunni og fann þá myndir af Grétu frá 2002-2003....jidúdda mía hvað mér finnst eitthvað langt síðan hún var svona lítil!!!
Ætla að deila með ykkur þessum þremur myndum sem voru og eru auðvitað enn meðal uppáhaldsmyndanna minn af dúllumúsinni minni!!
Hún er náttúrulega flottust og bestust þessi elska og ég þakka þeim sem öllu ræður að við skulum vera mæðgur. Hún er svo dugleg og klár og fyndin og frábær og ég elska hana endalaust mikið.

Fjölskyldufótboltaæfing

2008-02-26T19:53:00.002Z

Í dag var fjölskyldufótboltaæfing hjá Grétu og hennar flokki. Þá (m)áttu foreldrar, systkini og/eða vinir koma með á fótboltaæfinguna og Gréta bauð Ástu vinkonu sinni að koma með.
Við fórum því þrjár saman og það var ansi fjölmennt á æfingunni, mikið gaman og mikill spenningur hjá stelpunum.
Við byrjuðum á Stórfiskaleik og svo var svona keðjuleikur, bara svona eins og þegar ég var í leikfimi hér í denn!!
Nú svo var bara skipt í 3 lið og við Gréta lentum saman í liði :) og svo var bara spilað. Þvílík stemmning og svaka stuð....sérstaklega hjá fullorðna fólkinu heheheheehe...nokkuð um glæsileg tilþrif og sumir tóku þetta alvarlegar en aðrir!!!
Nokkrar stelpur fóru grátandi af velli en enginn slasaðist alvarlega ;)
Efir æfinguna var gantast með hvort ekki væri hægt að fá salinn eftir æfingu stelpnanna svo við foreldrarnir gætum æft og spilað...hehehe...það væri nú sjón að sjá!!!

Þetta var gasalega gaman og ég öfunda Grétu að eiga þetta allt eftir...ef hún endist eitthvað í boltanum...hún er pínu eins og mamma sín...ekki alveg nógu frek og ákveðin...en það kemur kannski...og vonandi bara á vellinum...hehehheehe

Allt að verða vitlaust...

2008-02-20T21:28:00.003Z

...nóg að gera og nóg um að vera!!

Starfsmannafundur á morgun, afmæli eftir það, námskeið á föstudag, Akureyri eftir það!!!

Heiða "sys" er þrítug í dag...til hamingju með það elskan mín :=0
Við Óli bróðir ætlum að fagna þessum áfanga með henni fyrir norðan!!
Ekki leiðinlegt að skreppa norður og þiggja góðar veitingar að hætti HB...ó nei. Ætlum líka að skella okkur út að borða, kíkja á Helga frænda og tékka á menningunni fyrir norðan meðal annars með því að bregða okkur í leikhús á Fló á skinni...ji hvað ég hlakka til, við Óli höfum þokkalega ekki verið að standa okkur í leikhúsferðum þennan veturinn...iss piss.

Annars er ég á fullu að læra ítölskuna, próf á þriðjudaginn..ú la la auk þess sem ég er að setja saman texta, gera glærur og fá kvíðakast yfir því að þurfa að tala á málþinginu sem við i leikskólanum erum að standa fyrir á föstudaginn næsta, þann 29.febrúar....en meira um það seinna!!

Ciao!!

Á heilann

2008-02-17T20:51:00.002Z

Úffff...ég er svo svakaleg þegar ég fæ eitthvað á heilann....sérstaklega tónlist...þá spila ég lagið bara aftur og aftur og aftur....fyrir tveimur árum keyrðum við á Ísafjörð og þá var bara einn geisladiskur með í för og það var diskur með lögum Vilhjálms Vilhjálmssonar í flutningi ýmissa listamanna. Mér fellur sá diskur ekki sérlega vel í geð, kýs frekar að hlusta á Vilhjálm flytja lögin sín.
En...það var eitt lag sem mér féll sérlega vel í geð í flutningi Stefáns Hilmarssonar og lagið er Það er svo skrýtið og ég hef verið með þetta lag á heilanum svona af og til. Ég keypti mér því 3ja diska safnið hans Vilhjálms um daginn og hef hlustað á þetta lag aftur og aftur og aftur og þess vegna var nú textinn við lagið hér á blogginu mínu um daginn ;)

Nú...svo um daginn heyrði ég lagið sem Einar Ágúst syngur og er geisivinsælt þessa dagana og heyrist mjög oft á Bylgjunni um kl. 6:49 á morgnana (veit ekki alveg hver íslenski titillinn er..held það sé Er ást er annars vegar....enski titillinn er alla vega Right next to the right one) og einn morguninn var ég á leið í vinnuna þegar lagið hljómar og mér finnst þetta svo fallegt lag og hafði aldrei heyrt það áður og fer að velta því fyrir mér hvort hann hafi samið lag og texta sjálfur. En konan í útvarpinu virtist lesa hugsanir mínar því hún var svo indæl að segja frá því þegar laginu lauk að Einar Ágúst færi vel með íslenska útgáfu af þessu danska lagi. DÖHHHH

Nú, á kaffistofunni minni eru margir sérfræðingar og google og youtube koma okkur oftar en ekki til bjargar á ögurstundu því þar vangaveltur voru uppi um hver væri danski flytjandinn og hvert var heiti dönsku þáttanna þar sem þetta lag hljómaði svo oft!!!!
Ég var eins og kjáni, þar sem ég hlusta nú töluvert á útvarp en hafði aldrei, hvorki fyrr né síðar heyrt þetta lag, og meira að segja hefur Celine Dion flutt það!!!!!!!!!!!!!!!

En alla vega....þetta lag á hug minn og hjarta þessa dagana og ég mæli með því að þið farið á youtube og hlustið á það í flutningi TIM CHRISTENSEN á tónleikum og njótið í botn....aftur og aftur og aftur!!!!!!

Var að reyna að setja myndbandið inn en gafst upp......
hér er slóðin....http://youtube.com/watch?v=daEmhWe0euA og lagið er úr dönsku þáttunum Nikolaj og Julia....fyrir þá sem eru að kafna úr forvitni...muahhhhhhhhhhh
Góðar stundir!!!!!!!!!!!!!!!

Flugdrekahlauparinn-bókin & myndin

2008-02-17T00:26:00.002Z

Flugdrekahlauparinn. Ég las þessa bók fyrir 2 árum á Mallorca. Ég hafði mikið heyrt um hana og allir sögðu að ég yrði að lesa hana. Svo ég gerði það og sé sko ekki eftir því. Þarna lá ég á sólbekknum við sundlaugarbakkann og táraðist, dæsti, stundi og pirraðist í gríð og erg og mamma og Óli vissu ekki hvaðan á þau stóðu veðrið, og voru alltaf að spyrja af hverju ég léti svona. Nokkrum dögum eftir að ég kláraði hana mátti heyra Óla stynja, dæsa og pirrast yfir bókinni ;)

Mér fannst bókin ótrúlega vel skrifuð og ekki oft sem maður les bækur sem fjalla um vináttu tveggja drengja, átakanlega saga sem fer með mann allan tilfinningaskalann.

Fyrir jólin kom út önnur bók eftir sama höfund, Þúsund bjartar sólir, og í auglýsingunum var sagt að hún væri betri en Flugdrekahlauparinn. Þar er ég gjörsamlega ósammála og kannski vegna þess að hún fjallar um tvær konur og hversu illa maðurinn þeirra fer með þær, átakanlega saga, því er ekki að neita, en þetta er saga sem maður hefur heyrt svo oft áður ólíkt sögunni um drengina tvo.

En nú er búið að gera mynd um Flugdrekahlauparann og ég fór að sjá hana í fyrradag.

Bókin er auðvitað betri og vissulega var ég búin að ímynda mér sumt öðruvísi, en ég var samt sátt við myndina. Allmörg tár féllu og í lokin var maður rauðeygður og búinn að sjúga ansi mikið upp í nefið.

Mæli hiklaust með myndinni, sérstaklega ef maður er búinn að lesa bókina!!

Vetrarfrí

2008-02-14T21:42:00.002Z

Gréta er í vetrarfríi í dag og á morgun og þetta er í fjórða sinn sem hún er í vetrarfríi frá því hún byrjaði í skóla. Ég er hlynnt því að börnin fái smá hvíld frá skólanum EN mér finnst að það þurfi að vera betur úthugsað til að börnin fái það frí sem er verið að veita þeim og geti verið með sínum nánustu.
Gréta hefur alltaf þurft að vakna og fara með mér í vinnuna og vissulega er ég heppin að því leyti að það er ekkert vandamál fyrir mig að fá að hafa hana með mér þar og henni þykir það gaman. Það eru hins vegar ekki allir í þeirri stöðu og þetta er ekki heldur frí fyrir hana. Það er ekki heldur frí að þurfa að vekja hana og koma henni í pössun.
Mér hefur alltaf þótt fúlt að leyfa henni ekki að njóta þess að vera í fríi og geta ekki verið með henni en í dag ákvað ég að taka mér frí í vinnunni og leyfa henni að njóta þess að vera í fríi og vera með mér.
Við höfðum það mjög notalegt og skemmtilegt, sváfum til kl.10, fengum okkur te og beyglu í morgunmat og skriðum svo upp í sófa að horfa á Bólu. Gréta mín naut þess svakalega að kúra með múttu og þegar við vorum hálfnaðar með spóluna tók hún utan um mig og sagðist elska svona daga!!!!!!!
Ég ákvað að gera bara það sem hún vildi og það sem henni þætti skemmtilegt í dag, og skipulagði smá óvissuferð fyrir okkur. Við fórum fyrst í Perluna því okkur hefur lengi langað á Sögusafnið þar og skelltum okkur því þangað, en fórum hratt í gegn því Gréta varð skíthrædd á fyrsta stoppi svo við kíktum þá bara aðeins á stóra skómarkaðinn og Gréta fékk að velja milli skópars og bakpoka og valdi bakpokann að lokum...bleikan og fínan!!!
Nú síðan lá leiðin í keilu og hún var himinlifandi með það. Við tókum einn leik í keilu og tvo í þythokkí og skemmtum okkur konunglega. Hún fékk síðan þrjár tilraunir til að veiða sér bangsa en þær mistókust allar. Þaðan lá svo leiðin í Hafnarfjörð þar sem við kíktum á Didda bróður og nýja vinnustaðinn hans.
Gréta fór svo til pabba síns og fór með honum á Selfoss þar sem hún ætlar að vera hjá honum og Birnu í nótt og njóta þess að vera með pabba sínum í vetrarfríi á morgun :)
Ég gleðst yfir því að hún fái loks almennilegt vetrarfrí og mér finnst hreinlega að það eigi bara að vera í lögum að maður fái vetrarfrí með börnunum sínum, allavega þar til þau eru orðin nógu stór til að vera ein heima...og þó...þá þarfnast þau manns kannski enn meira???????

Æla spæla

2008-02-05T21:59:00.000Z

OOOOHHHHHHH hvað það er ógeðslegt að vera með ælupest.............

Gréta var með ælupest fyrir hálfum mánuði og ældi á 40 mín fresti allan daginn, greyið skinnið, ég vorkenndi henni ekkert smá. Hún vildi ekkert borða þrátt fyrir að ég væri alltaf að atast í henni og bjóða henni ristað brauð með engri skorpu, hún neitaði alltaf en ég jagaðist í henni allan liðlangan daginn (ætli hún hafi ekki bara gubbað út af mér???...muahhhh).
Hún var dugleg að drekka kók og vatn og bláan Poweraid, en fyrir ykkur sem ekki vita það þá er það algjör töfralausn við magakveisu og gubbupest.

Í gær var svo Bolludagur og ég fékk mér að sjálfsögðu (bakarís)bollu í kaffinu í vinnunni. Eftir vinnu fór ég heim og við Gréta skelltum okkur í Leikbæ til að klára að kaupa grímubúning og þegar við vorum komnar þangað varð mér skyndilega svona heiftarlega illt í maganum. Ég byrjaði að hitna og svitna og leið nú ekki betur þegar ég áttaði mig á því að ég varð líka að fara í Hagkaup. Nú við brunuðum svo heim og ég fór beint upp í sófa með þessar líka skruðningar í maganum en Gréta fór upp til ömmu og afa að undirbúa bolluveislu.
Ég fékk síðan þessa frábæru gubbupest og ældi eins og múkki og var því heima í dag :(
mikið óskaplega sem mér leiðist þetta og segi bara eins og Gréta: ég vildi að ég væri öðruvísi veik, ég þoli ekki að gubba.

En ég þakka um leið fyrir að þetta gengur fljótt yfir og er ekki alvarlegt.

Annars átti Gréta mín besta momentið í gær. Ég rauk inn á bað til að gubba og þessi elska kom á eftir mér og spurði hvort ég væri að gubba og þegar hún sá það klappaði hún mér á bakið og strauk mér. Svo þegar ég var búin, leit hún á mig og sagði með kaldhæðni í röddinni: viltu ekki fá þér eitthvað að borða?
Ég leit illilega á hana og sagði nei, og þá sagði hún: Nei einmitt, nú veistu að maður vill ekki fá neitt að borða þegar maður er með gubbupest!!!!!!!!!!!!!!!!!!!!!!!!!
Oh hvað ég skal muna það næst elskan að tuða ekki í þér í miðri gubbupest að fá þér ristað brauð með engri skorpu!!!!!!!!!!

Það er svo skrýtið

2008-01-31T22:18:00.000Z

Að sitja inni á bar og sjá ekki neitt,

segi ég öllum, mér finnist ei leitt.

En raunin er sú, ef ráðum við í,

að reyndar við höfum ei gaman að því.

Það er einmanaleikinn, sem á mig og þig,

vera innan um fólk - þörfin örmagnar sig.

Ég augum lít fólkið - ályktun dreg.

Bara einmana mannverur, rétt eins og ég.

Það er nú svo skrýtið, er á það ég lít,

sú örvænting stóbrotin, segja ég hlýt,

þegar finn ég það út, ef fast ég brýt hugann

um ferðalag okkar á þessari storð,

alveg er sama hve ánægður dvel

í allsnægtum - mér verður ekkert um sel.

Hamingjan drukknar sem dægurflugan

í draumum um meira á allsnægtarborð.

Lag: Magnús Eiríksson

Texti: Vilhjálmur Vilhjálmsson

1430 blaðsíður

2008-01-26T21:17:00.001Z

Ég sagði það hér þegar Bókatíðindi birtust, og ég var svona lauslega búin að renna í gegnum það og merkja við þær bækur sem ég var pottþétt á að vilja lesa, að þetta væru 35 bækur og mér reiknaðist til að það yrðu þá að meðaltali 3 bækur á mánuði (en það voru sko bara bækur úr Bókatíðindum....burtséð frá ítölskum bókum sem ég á enn eftir að lesa sem og skólabækurnar!!)
Ég held svei mér þá að ég megi auka við og bæta á listann því nú er janúar bara að verða búinn og 5 bækur liggja í valnum, alls 1430 blaðsíður!!!!!

Búin að lesa Ösku, Harðskafa, Nornina frá Portobello og Þúsund bjartar sólir.

Að auki læddist inn bókin sem mamma og pabbi gáfu Grétu í jólagjöf en hún heitir Loforðið og fékk barnabókaverðlaun. Ég grét og grét þegar ég las hana en ég las helminginn á laugardagsmorgni og restina um kvöldið. Bókin fjallar um tvær 11 ára vinkonur sem voru nánast óaðskiljanlegar en í upphafi bókarinnar er önnur þeirra dáin. Bókin segir síðan frá öllu, kistulagningu, jarðarför, tilfinningum, hugsunum, söknuði og eftirsjá þeirrar sem lifir og hvernig henni tekst að halda áfram eftir slíkan missi. En hún segir jafnframt frá hugsunum, tilfinningum og ótta þeirrar sem deyr af völdum hræðilegs sjúkdóms.
Bókin er alls ekki bara barnabók og ég mæli með henni ef þið hafið ekkert annað að gera og þurfið að losna við smá tár!!!!

Bækurnar á náttborðinu eru Fröken Bovary og Miskunnsemi Guðs, ásamt ítölsku bókinni
Il Mistero di Via Gatteri!!!

Góðar lestrarstundir ;)

Þarna þekki ég þá ;)

2008-01-23T20:45:00.000Z

sko...vissi ég ekki...það hlaut að koma að því að strákarnir okkar myndu taka sig saman í andlitinu og sýna hvað í þeim býr. Hrikalega voru samt síðustu 20 mínúturnar hrikalega lengi að líða...hélt að klukkan væri bara eitthvað biluð...þorði ekki að fagna eða neitt á meðan, hélt nánast niðri í mér andanum síðustu 15 mínúturnar.

Allavega hafði ÉG ekki trú á öðru, þetta er kannski full seint í rassinn gripið EN með sigri á morgun og hagstæðum úrslitum..hehheehe...nei nei...ég er allavega fegin að strákarnir sýndu sitt rétta andlit og gott að sjá þá brosa út í annað og glotta yfir góðum mörkum.
Frábært að sjá Snorra Stein hreinlega blómstra og skorar allsstaðar af vellinum, það hlaut að koma að því Snorri!!!
Óli ekki með nógu góð skot en bætti það með því að fiska víti og náttúrulega með sínar stórkostlegu sendingar, hann er alger snillingur!!
Hreiðar eins og klettur í markinu, Sigfús tröllið í vörninni og Guðjón með gullvængina...hehehehe.
Játs nú er kátt í höllinni, við gætum náð í topp 10!!!!!!
Yndislegt að hlusta á Adolf Inga og Ólaf lýsa leiknum, hlusta á hvað strákarnir okkar eru nú magnaðir og stórkostlegir ;)

En að öðru.....

...Gréta er búin að vera tala um að hana langi að fara að æfa fótbolta og í gær drifum við okkur að fygjast með æfingu hjá 7.flokki kvenna hjá Þrótti og stelpan bara alveg ákveðin í að fara að æfa fótbolta. Ég er náttúrulega hoppandi glöð yfir því, enda æfði ég sjálf bæði hand-og fótbolta á mínum yngri árum. Nú... í dag fórum við því á stúfana og keyptum innanhússkó, legghlífar, stuttbuxur og háa sokka og Gréta var svona líka ánægð með þetta og montin.

Ég hins vegar dauðöfunda hana að eiga þetta allt eftir, ég vildi óska að ég hefði verið ákveðnari sem unglingur þá hefði ég kannski enst lengur í boltanum...þótt ég væri náttúrulega hætt í dag heheheh... en mér þótti ákaflega gaman að æfa og hef enn mjög gaman af því og væri alveg til í að vera á svona oldgirls æfingum þar sem mér þykir þetta miklu miklu skemmtilegra en fara í ræktina. Æ upplifi þetta bara í gegnum barnið ;)
Geri mér samt grein fyrir því að ég var og er betri áhorfandi en leikmaður :( en það verður einhver að vera í því :)

Ég hef gaman af því að taka fótbolta og leika mér og vona að Gréta endist eitthvað í boltanum. Hlakka til að vera gólandi á hliðarlínunni, fara í ferðalög, þvo búninga, finna til í töskuna og svona....það eina sem ég hlakka ekki til er fjáröflunardæmin.....finnst þau hreinlega ekki skemmtileg...en....maður verður víst líka stundum að gera það sem manni finnst ekki gaman!!

Reykjavíkur-ruglið

2008-01-22T14:30:00.000Z

Reykjavík hlýtur að eiga aldeilis nóg af peningum þar sem hún verður með 2 borgarstjóra á biðlaunum, og einn á fullum launum, eitthvað hlýtur það að kosta þar sem laun borgarstjóra eru ekkert slor.
Maður spyr sig hvort það sé ekki einhver leið til að stöðva þennan skrípaleik? Er enginn sem getur gripið inn í og bjargað saklausum íbúum borgarinnar frá þessum bjánum??? Eða er okkur bara ekki viðbjargandi?

En jæja...nenni ekki að rausa meira um þetta....það er annar skrípaleikur sem bíður...nefnilega handboltinn....ætla rétt að vona að það verði þýskur skrípaleikur, nóg er nú komið af íslenskum skrípaleik í bili, og Ísland nái að sýna sitt rétta brosmilda andlit og halda því!!!
Nettur fiðringur kominn í magann, smá skjálfti og spenna.....KOMA SVO ÍSLAND!!!!!

Skrípaleikur

2008-01-21T19:17:00.000Z

Hvað verður það næst?????????
Ég á ekki til eitt einasta orð.....ætli það verði borgarstjóraskipti í Reykjavík á 100 daga fresti??
Ég er ákaflega fegin að eiga ekki vini og vandamenn í pólítík því ég efast hreinlega um að menn komist heilir frá þeim störfum.
Mér virðist sem menn selji sálu sína þeim sem býður hæst, hoppa á milli eftir því hver býður best og hvað ég græði á því, menn skipa í nefndir og ráð og borga himinhá laun fyrir það eitt og hvað gerist?????? Akkúrat ekki neitt nema það að þetta fólk hefur greiðan aðgang að fjölmiðlum og gerir ekki annað þar en sanna það að pólítík er mannskemmandi, sjá þetta Framsóknargrín sem sjónvarpsstöðvarnar og blöðin bjóða okkur upp á þessa dagana, hversu langt á þetta að ganga og hversu lengi á að bjóða okkur þetta?? Voru keypt föt eða voru ekki keypt föt? Hvað kostuðu fötin....ji ég get ekki sofið vegna þessara mála!!!!!!!!!!!!!!!
Við hljótum að komast í heimspressuna og Spaugstofan hlýtur að koma sterk inn á laugardag!!!
Baktjaldarmakk og ekkert annað er það sem pólítík er, ojbara og fussumsvei.
Allir viðurkenna að þetta sé farsakennt og allir taka þátt í þessu og enginn veit neitt....

Við Gréta vorum heima í dag þar sem hún var með gubbupest og ég horfði á endursýningu á Sunnudagskvöldi með Evu Maríu og þar hitti Ármann Jakobsson naglann á höfuðið þegar hann talaði um að hafa lagst undir feld til að ákveða hvort hann vildi fara á þing og komst að sömu niðurstöðu og ég eftir að hafa fylgst með þessum skrípaleik í dag.....það kemst enginn heill út úr pólítikinni.

Sem betur fer var komið í veg fyrir annan skrípaleik í dag með að jarða Fisher í Laugardælum en ekki á Þingvöllum, þá hefði ég nú ekki átt til orð...það er fallegt í Laugardælum og þar liggja amma mín og afi, blessuð sé minning þeirra!

Hvað er að???????????

2008-01-20T18:01:00.000Z

Æjjjjjj.....fyrir nokkrum dögum var ég með öran hjartslátt, gæsahúð og líkaminn allur uppspenntur en það var sko vegna þess að EM 2008 var að byrja. Ég elska að fylgjast með strákunum okkar og hef ákaflega gaman að því að horfa á handboltann.
Ég hækka sjónvarpið í botn og þegar Ísland lék við Svíþjóð fannst mér stákarnir koma einbeittir til leiks, ég fékk gæsahúð og kökk í hálsinn af þjóðarstolti þegar þjóðsöngurinn var spilaður og maður sá og heyrði stuðninginn sem strákarnir fengu. Svo byrjaði leikurinn og kökkurinn og gæsahúðin vegna spennunnar og gleðinnar breyttist í kökk og gæsahúð vegna vorkunnar.
Jesús minn.....hvað er að gerast í liðinu??
Strákarnir virðast ekki hafa mikið sjálfstraust, sem ég skil ekki, vegna þess að þarna eru leikmenn sem eru allir atvinnumenn, flestir hafa verið lengi í landsliðinu, farið á allmörg stórmót, og nokkrir hafa verið valdir í heimsliðið svo það er ekki eins og þetta séu einhverjir nýliðar sem eru blautir bak við eyrun.

En við erum svo sem ekki þekkt fyrir að fara létt með leikina okkar á stórmótum, mér finnst við oftar en ekki komast áfram á kostnað annarra, þurfum oft að stóla á hagstæð úrslit í öðrum leikjum og svona...þannig að einhver heppni þarf oftast að vera með í för, vildi samt óska að hún væri með okkur í leikjunum sjálfum :(

Maður veltir því fyrir sér hvað sé í gangi hjá strákunum því þó mér þyki leitt að segja það þá er eins og þeir virðist ekki vera með hugann við efnið, hvað því veldur þætti mér gaman að vita.
Það er ótrúlegt að sjá leik þeirra því þeir geta svo miklu miklu meira en þeir sýna.
Ætli Séra Pálmi Matthíasson sé ekki með í för eða einhver sem getur rifið þá upp úr þessum djúpa dal????
Alfreð hlýtur að hafa eina góða spólu með í neyð og ég bara trúi því ekki að við komum heim með skottið á milli lappanna eftir þetta mót, þótt það virðist stefna í það.

En það er ekki öll nótt úti enn og sigurinn í gær og óhagstæð úrslit Slóvaka gera okkur kleift að komast í milliriðil en þar komumst við pottþétt ekki upp með að spila svona leik og í hreinskilni sagt þá ættum við ekki skilið að komast neitt áfram ef við ætlum að halda áfram að spila svona....þannig að nú er ekkert annað í stöðunni en að taka sig saman í andlitinu og nota stuðninginn í höllinni, stuðninginn héðan heima og koma tvíefldir til baka í milliriðilinn.....gefumst aldrei upp þótt móti blási segir í laginu og ég hef enn trú á strákunum okkar.....koma svo Ísland!!!!!!!

Ég er frík

2008-01-17T17:40:00.000Z

Ok...ég veit að ég get stundum verið stórfurðuleg, ég tek upp á skrýtnum hlutum stundum eins og að telja hluti sem skipta akkúrat engu máli...og ég sem er ekki einu sinni sleip í stærðfræði.
Einu sinni var ég á leið til Akureyrar og mér leiddist og ég fór að telja stikur!!!!!!
Svo á ég það til að telja stafi í orðum og hætti ekki fyrr en ég fæ ákveðna tölu....svo lá ég einu sinni í hvíldinni í vinnunni og þar sem ég lá varð mér litið til lofts og þar eru plötur með svona rifum í og ég taldi allar rifurnar, lagði þær saman og margfaldaði!!!!!!!!!!!!!
Kom svo fram og hét því að segja aldrei neinum frá þessu!!!!
Nema hvað...um jólin lá ég uppi í rúmi þegar Gréta kemur og kúrir hjá mér. Allt í einu sé ég hvar hún fer að benda og telja og hvað haldiði???????????
Barnið er að telja plöturnar í loftinu hjá ömmu sinni og afa!!!!!!!!!!!!!!!!!!
Ó já, sjaldan fellur eplið langt frá eikinni!!!

En....mér datt þessi della í gær, þar sem ég er haldin annarri ruglun en hún er sú að fara frekar þá leið þar sem ég get verið meira á ferðinni en þá leið þar sem ég þarf meira að bíða.....skiljiði???
Þegar ég fer heim úr vinnunni á ég það til að fara hinar ýmsu krókaleiðir, ekki endilega til að stytta mér leið heldur er minni bið...heldur en fara t.d. bara Miklubrautina og vera jafnlengi en þar þarf ég að bíða svo mikið....alltaf bíll við bíl.....en allavega...ég er svo búin að finna mér góða leið til að komast heim úr vinnunni og fer hana daglega og yfirleitt er engin umferð þar og eins og fáir viti af þessari leið NEMA í gær. Þá var allt á kafi í snjó og snjókoma og ég hugsaði mér gott til glóðarinnar að komast fljótt og vel heim en þá voru bara allir að fara mína leið...og ég þurfti sem sagt að bíða....og þar sem ég beið fylgdist ég með bílunum í kringum mig og ég get sagt ykkur það að af 20 bílum voru 6 sem voru búnir að skafa BARA af framrúðunni (ekki hliðarrúðunum, afturrúðunni, hliðarspeglunum eða ljósunum) og 4 sem voru búnir að skafa vel af bílnum sínum, restin var svona la la!!

Ég heyrði svo í morgun að það hefðu orðið í kringum 50 umferðaróhöpp í borginni og mér finnst það bara ekkert skrýtið, ef fólk nennir ekki að skafa af bílnum til að sjá betur út þá er ekki nema von að það lendi í óhöppum.
Mér finnst persónulega að það eigi að sekta fólk fyrir að skafa ekki almennilega af bílnum sínum!!

En nóg um ruglið...EM er að byrja og ég ræð mér ekki fyrir kæti...ÁFRAM ÍSLAND OG STRÁKARNIR OKKAR!!!!!!!!!!!!!!!!!

1 stk dverghamstur, takk fyrir!!

2008-01-14T22:27:00.000Z

Þá kom að því....dóttir mín er smeyk við hunda og ketti en fékk tvo fiska þegar hún var 5 ára en þeir dóu.

Í haust fékk hún svo þá flugu í höfuðið að vilja endilega fá dverghamstur, og í fyrstu hélt ég nú ekki en hugsaði svo með mér að hún mætti nú alveg fá eitthvað lítið dýr sem hún hefði gaman af og sem væri ekki of erfitt fyrir hana að eiga og sjá um, hvað þá fyrir mig!!!!!!!!!!!!

Svo ég fór og kynnti mér dverghamstra og þeir eru svona líka þægilegir tíhíhí.....eru bara í búrinu og engin læti í þeim og lítil sem engin lykt.

Ég sagði svo Grétu að hún mætti fá dverghamstur er hún myndi geta safnað sjálf fyrir honum og búrinu. Stelpan er búin að vera svona líka dugleg að safna peningum svo sl. laugardag var hún komin með nóg og þá var bara að standa við stóru orðin...við örkuðum í Dýraríkið og sáum þar krúttlegan 2ja mánaða dverghamstur sem er svo ogguponsupínulítill og svona líka gasalega sætur!!! Gréta féll strax fyrir honum og ég meira að segja líka!!!

Nú, við versluðum búr og því fylgdi allt tilheyrandi; matardallur, hús og bómull til að setja í húsið, og hlaupahjól. Svo urðum við að kaupa sag í botninn, kalkstein, vítamínstein, mat og vítamíndropa í vatnið hans.

Gréta skírði hann svo MOLA en við vitum samt ekki kynið fyrr en hann verður 6 mánaða!!!

Gréta mín er með frekar lítið hjarta og þorir ekki enn að halda á krílinu og kippist við allar hreyfingar hans en henni finnst ákaflega gaman að fylgjast með honum. Fyrsta sólarhringinn hans hér áttum við að láta hann sem mest í friði, máttum fylgjast með honum en ekki vera að taka hann upp og passa að hræða hann ekki.

Stelpan í Dýraríkinu sagði okkur líka að dverghamstrar væru meira á ferðinni á nóttunni en á daginn og það hefur sko komið á daginn. Gréta var alltaf að kíkja á hann fyrsta kvöldið hans en hann var alltaf inni í húsinu og sást lítið og svona hefur þetta verið síðan hann kom. En á hverju kvöldi, þegar hún er sofnuð fer hann á kreik og hleypur eins og óður í hlaupahjólinu sínu :( greyið hún, missir alltaf af því. Í kvöld fór hún frekar seint að sofa og ég heyrði að hann var að hlaupa og hún stökk inn í herbergi, nokkrar ferðir, en hann hætti alltaf þegar hún kom!!!!!!!!

En það kemur að því að hann gerir þetta fyrir hana...hehehhehe....

Þannig að við erum bara komnar með lítinn sætan dverghamstur í fjölskylduna og hann er bara alger dúlla!!!

Púðinn fallegi

2008-01-12T18:47:00.000Z

Í dag fékk ég þennan glæsilega púða sem Gréta mín gerði í Textíl í skólanum, svona líka ofsalega flottur hjá henni :)

Mikið sem maður er stoltur af barninu sínu, hún valdi ensku í vali í haust og er bara búin að læra helling af orðum auk þess sem ég reyni að kenna henni ný orð á ítölsku. Svo er hún afskaplega dugleg að lesa, skrifa, teikna, reikna og hún er bara svo vakandi og vel með á nótunum. Henni gengur vel í skólanum og á vini sem hún leikur við. Maður getur varla beðið um meira þar sem maður hefur sjálfur orðið vitni að því hvernig sumt í skólakerfinu virkar þegar eitthvað bjátar að hjá börnum...úfffff segi ég nú bara.

Mér datt þetta allt í hug í dag þegar ég horfði á endursýninguna á þættinum með Stephen Fry og geðhvarfasýkina og enn og aftur þakka ég fyrir að Gréta sé heilbrigð. Ótrúlegt að sjá og heyra með bræðurna tvo sem komu fram í þættinum og sjá magnið af lyfjunum sem þeir þurfa að taka, það tekur móður þeirra um klst á hverjum degi að gera lyfjaskammtin þeirra fyrir daginn. En ég er reyndar sammála því sem Stephen sagði að það hlýtur að vera betra að taka öll þessi lyf ef þau hjálpa manni heldur en vera eins og þeir eru án lyfjanna, ég meina sjá eldri manninn sem vill ekki auka lyfjaskammtinn og gekk í veg fyrir vöruflutningabíl, það var hrikalegt að sjá fótleggina á honum.

Það sem mér finnst samt ótrúlegast við svona þætti og eins við blogg og frásagnir þeirra sem glíma við allskonar veikindi og sjúkdóma er að margir þeirra segjast oft ekki viljað hafa misst af þessari reynslu, þetta kennir þeim öllum eitthvað og þessi maður í þættinum einmitt var búinn að missa allt en sagðist samt ekki vilja hafa verið án þessa sjúkdóms.....ég get ekki skilið það og mun ekki skilja það nema lenda í þessum aðstæðum sjálf.
Ég held að það séu sérstakar persónur sem lenda í svona aðstæðum, eða kannski eru það einmitt aðstæðurnar, veikindin eða sjúkdómarnir sem gera fólk að því sem það er, svona sérstakt?
Ég veit það er ekki fallegt að segja svona en ég er fegin á meðan það er ekki ég, held ég sé alls ekki nógu sterk til að takast á við alvarleg veikindi/sjúkdóm.

Back to school ;)

2008-01-09T23:05:00.000Z

Jæja...þá er komið að því að fara aftur í skólann eftir stutt hlé frá námi en langt hlé frá þessu námi ;)
Í fyrramálið byrja ég aftur í ítölsku í HÍ eftir 8 ára hlé...huhumm.....fæ allar 32, 5 einingarnar mínar metnar og á þá bara 27,5 einingar eftir í 60 einingar...það er ekkert svo mikið!!!! Þarf svo að skoða 30 einingar í viðbót og þá er BA prófið í höfn...held ég??????????

Ég er gasalega spennt og hlakka ofsalega mikið til að byrja aftur og ekki skemmir að það er sami kennari sem kennir mér núna og kenndi mér 1999-2000 og hann er gasa hress og skemmtilegur. Svo er bara að vona að það sé jafn skemmtilegt fólk og ég sem er í þessum kúrsum hahahahaha. Haustið 1999 var Ingunn með mér og það var sko ekki leiðinlegt skal ég segja ykkur, en ég hlakka samt til að fara ein og óstudd og kynnast nýju fólki og læra meira.
Ég tek bara tvö fög, Ítalskt mál og málnotkun 4 og Ritun 2, gaman gaman...gott að byrja rólega, tvö fög og bara 1x í viku!!!

Ég er samt svo skrýtin og vil oft það sem ég ekki get fengið, akkúrat núna er ég svo spennt fyrir náminu og hlakka svo til að ég myndi helst vilja fara á fullt í ítölskuna í HÍ og klára þetta...en maður lifir víst ekki á loftinu einu saman og ég vildi óska að ég gæti fengið launin mín en samt verið í námi, væri það ekki dásamlegt, að fá borgað (þurfa ekki námslán og/eða yfirdrátt) fyrir að vera í námi?????
En ég á svo skemmtilega vinnufélaga að ég veit að ég myndi sakna þeirra voðalega ef ég hætti og færi á fullt í nám.
Ég er því núna í svona haltu mér-slepptu mér ástandi þar sem það eru spennandi tímar framundan í vinnunni, eitthvað sem ég myndi alls ekki vilja missa af.....úfffff....af hverju finnst manni grasið oft grænna hinu megin???

Hef því í huga þessi fleygu orð.....You can´t always get what you want....vitandi samt að ég fæ það sem ég vil með einhverju móti og góðir hlutir gerast hægt!!! Þolinmæði og skipulag eru lykilorð í þessu samhengi :)

En jæja...er farin að sofa.....mikilvægur fyrsti skóladagur á morgun...hehhheheehe.....buona notte!

Árið 2007 - uppgjör ;)

2008-01-05T23:34:00.000Z

Árið 2007 var mér alveg hreint hið ágætasta, betra en 2006 fannst mér, ég var glöð að sjá árið 2006 hverfa og nýtt taka við þar sem ég var eitthvað deprimeruð í lok árs 2006. Ég var reyndar líka eitthvað niðurlút í lok 2007 en samt öðruvísi....æææææ...þetta meikar engan sens.
Alla vega sá ég smá eftir gamla árinu þegar það hvarf af skjánum en ég hlakka líka til ársins 2008, held það verði merkilegt og skemmtilegt....er hrifnari af sléttum tölum!!!!!!!

Alla vega...árið 2007 var fínt og ég gerði margt skemmtilegt á því ári, ég byrjaði í ræktinni eftir ansi langt frí og skemmti mér bara ágætlega enda í frábærum félagsskap Ingunnar ;).

Nú svo gerði ég svakalega skemmtilegt lokaverkefni í KHÍ með alveg hreint frábærum stelpum, þeim Villu og Sollu og svo útskrifuðumst við með stæl í júní. Ég sótti um í Mastersnám í menntunarfræðum í Kennó, fékk inn en hætti við. Sótti um ítölsku í HÍ og fékk inn og byrja á fimmtudaginn.....hlakka bara mikið mikið til!!!!

Árið 2007 fór ég í nokkrar fermingar, eitt gæsapartý, eitt brúðkaup og eitt brúðkaupspartý (á Ítalíu).

Tvær utanlandsferðir voru farnar á árinu, ég, Gréta og Óli bróðir fórum til Tenerife í 2 vikur og höfðum það gasalega svakalega gott og svo skruppum við Ingunn til Ítalíu í 10 daga þar sem ég hitti marga vini og lét Tarot spána frá því í Róm 2007 rætast ;)
Ítalska fjölskyldan mín kom til mín og var hjá mér í 2 vikur og við ferðuðumst um landið og Marco og Jorunn komu í sólarhringsferð til okkar.
Dóra Hanna, Sighvatur og synir komu líka heim í sumar og hittumst við aðeins og mér þykir alltaf svo vænt um það!!
Kristborg frænka kom heim frá Svíþjóð í ferminguna hennar Söru, alltaf gott að sjá hana líka.

Nú, ég las slatta af bókum sl. ár en ætla að bæta um betur og lesa allavega 35 bækur á þessu ári plús kannski nokkrar skólabækur!!!

Menningarlífið mitt var ágætt, skellti mér á nokkra tónleika m.a. Josh Groban, Andrea Bocelli, Eivör og Stórsveit Reykjavíkur, Léttsveit Reykjavíkur, Jólagestir Björgvins Halldórssonar og Kvennakóratónleikar í Hallgrímskirkju svo einhverjir séu nefndir.
Skrapp nokkrum sinnum í bíó en var frekar slök í leikhúsferðum og ætla að bæta úr því á nýju ári vegna þess að það er það skemmtilegasta sem ég geri.

Við mæðgur fluttum í aðra íbúð í október og erum bara búnar að koma okkur þokkalega vel fyrir.

Og til að toppa þetta alltsaman fékk ég dásamlegan prins í afmælisgjöf frá Hörpu og Jóni Gunnari

Svo ég hef ekki undan neinu að kvarta, er við hestaheilsu, á yndislega dóttur og góða fjölskyldu og vini og þakka Guði og góðum vættum fyrir það ;)
Hlakka því bara til að taka því sem árið 2008 færir mér ;)

Janúarbyrjun

2008-01-04T23:37:00.000Z

Enn einum jólunum að ljúka, enn ein áramótin að baki og enn einn janúar tekinn við. Ég þakka fyrir að fá að vera hér, að sjá og finna tímann fljúga áfram sérstaklega er ég hugsa til þess að í dag, 4.janúar, eru 9 ár síðan Kristbjörg mín dó, 9 ár....hugsa sér.
Ég finn það nú að tíminn læknar og söknuðurinn er öðruvísi en hann er samt alltaf til staðar.
Ég hugsa mikið til hennar og hún berst oft í tal, hvort sem ég er hjá mömmu eða í góðra vina hópi. Þannig lifir minning hennar í hjarta mínu. Ég er líka með mynd af okkur saman og kveiki á kerti nánast á hverju kvöldi, svo hún er aldrei langt undan þessi elska.
Ég fer alltaf að leiðinu hennar þegar ég er í Vestmannaeyjum og fer þá oftast með kerti eða blóm (fer eftir árstíðinni) og einn lítinn hlut (engil eða garðálf eða eitthvað þannig).
Mér þykir gott að koma við hjá henni og setja eitthvað fallegt á leiðið hennar en mér finnst það samt alltaf erfitt og óréttlátt að hún skuli hafa þurft að yfirgefa okkur. Þó þykist ég viss um það að hennar beið afar mikilvægt hlutverk á þeim stað sem hún er í dag, þótt okkur sé kannski ekki ætlað að skilja það.

Ég ákvað að fara í kirkjugarðinn kl.14 á aðfangadag (hef aldrei gert það áður) en þá eru prestarnir í kirkjugarðinum og segja nokkur orð og svo fer fólk að leiði ástvina. Þetta var falleg stund og ég var ánægð með að hafa drifið mig. Ég fór svo að leiðinu hennar og setti kertið mitt þar og stuttu seinna komu þar foreldrar hennar, systkini og frændsystkini. Það var ljúfsárt að standa með þeim þarna við leiðið hennar, ég var ánægð að hitta þau en ég neita því ekki að það var erfiðara en að vera ein hjá henni þar sem ég finn svo til með þeim. Ég gat ekki hætt að hugsa um að svo gæti ég farið heim og verið í faðmi allrar fjölskyldunnar minnar, og á leiðinni frá leiðinu streymdu tárin.

Þrátt fyrir að tíminn lækni og deyfi þá er það samt sem áður á svona stundum, hátíðum og merkistímum sem maður saknar hennar meira, eða öðruvísi.
Ég hugsa líka til þess hvernig vináttu okkar væri háttað í dag ef hún væri hér enn í dag.

Guð geymi þig elsku vinkona.

Leti og lestrarhátið

2007-12-29T22:07:00.000Z

Ég get svarið það, ég hef toppað sjálfa mig í leti um jólin. Ég hreinlega hélt að ég gæti ekki legið svona mikið fyrr en ég væri komin undir græna torfu en...annað kom á daginn. Og mikið svakalega finnst mér þetta gott...það skelfir mig samt!!!

Allavega....við Gréta komum mömmu aldeilis á óvart á 22.des þegar við flugum til eyja en hún hélt að við værum í Herjólfi. Vélin átti að fara frá Rvk kl.16.45 en fór svo ekki fyrr en 19.30 og þá var næstum hætt við flugið vegna snjókomu í eyjum. Plottið okkar var næstum að fara út um þúfur og ég alltaf að hringja í pabba og mamma alltaf að spurja hann hver væri alltaf að hringja. Óli bróðir hringdi svo í mömmu úr Þorlákshöfn og sagði að við værum öll komin þangað og um borð í Herjólf...hehehehe. Svo laumaðist pabbi út og sótti okkur á flugvöllinn og ég get svarið það að ég hélt að mamma fengi áfall þegar við birtumst hér á Vestmannabrautinni. Hún vissi ekkert hvað var að gerast og hélt fyrst að Gréta væri Birta en sá mig svo og var bara orð-og sviplaus í svona 15.sek og hrópaði svo bara HVAÐ ER AÐ GERAST HÉRNA??? hehehehe....en gladdist svo auðvitað óendanlega þegar hún var búin að ná sér og átta sig á því að þetta værum við!!!!!

Nú...síðan var bara verið að gera og græja og undirbúa jólin og áttum við bara yndislegt aðfangadagskvöld og maður þakkar fyrir að geta verið í faðmi fjölskyldunnar og notið jólanna saman. Að vera við hestaheilsu og geta notið lífsins áhyggjulaust er eitthvað sem maður lærir að ganga ekki að sem gefnum hlut.

Bókalistinn minn fyrir árið 2008 er að styttast þar sem ég er þegar búin með 2 bækur af honum, og árið 2008 ekki enn komið!!! Eflaust bætast aðrar bækur við á nýja árinu!!!
Ég fékk náttúrlega nokkrar bækur í jólagjöf, allt bækur sem voru á listanum mínum góða en það voru:

Harðskafi e. Arnald Indriðason
Nornin frá Portobello e. Paolo Coelho
Í öðru landi e. Eddu Andrésdóttur
Þúsund bjartar sólir e. Khalid Hosseini

En ég byrjaði á að lesa bók sem Óli fékk í afmælisgjöf og það var bókin ASKA eftir Yrsu Sigurðardóttur. Hún var þrælfín og skemmtilegt að lesa hana þar sem hún gerist hér í Vestmannaeyjum. Nú og svo er ég búin með Harðskafa eftur Arnald og leist mér mjög vel á hana. Hún er aðeins öðruvísi en hinar bækurnar hans, maður fær að vita meira um Erlend og svona....spennó.

Svo ég hvet ykkur til að velja ykkur eina bók og byrja að lesa!!!!

Jólin eru að koma

2007-12-21T22:42:00.000Z

KÆRU BLOGGVINIR!

GLEÐILEG JÓL OG FARSÆLT KOMANDI ÁR.

TAKK FYRIR SKEMMTILEG BLOGG OG GÓÐ KOMMENT Á ÁRINU SEM ER AÐ LÍÐA!!

HLAKKA TIL AÐ "LESA" YKKUR ÁFRAM Á KOMANDI ÁRI!!

JÓLAKVEÐJA,

ÍRIS DÖGG

Menningarleg á aðventunni líka

2007-12-15T19:18:00.000Z

Við mæðgur erum heldur betur búnar að vera menningarlegar í desember. Við fórum á jólaball Seðlabankans 9.desember og dönsuðum þar í kringum jólatréð, gæddum okkur á góðum veitingum og svo komu Skoppa og Skrítla og auðvitað tveir jólasveinar.

Nú, við fórum líka á jólaball flugfélagsins Geirfugls þar sem tveir jólasveinar komu í flugvél á jólaballið, það var ótrúlega gaman líka.

Þá fórum við út að borða með Óla á föstudaginn fyrir viku þar sem hann kom okkur heldur betur á óvart, hann var búinn að kaupa sér 2 miða á Jólagesti Björgvins Halldórssonar en svo var honum boðið í afmæli svo hann vildi endilega að við Gréta myndum skella okkur....sem við og gerðum með glöðu geði. Það var mjög gaman og frábærir gestir með honum. Fallegir og skemmtilegir tónleikar.

Við fórum líka út að borða með Óla í gær og skelltum okkur svo öll þrjú á tónleika í Hallgrímskirkju en þar voru 3 kvennakórar saman komnir og fluttu okkur falleg jólalög héðan og þaðan. Afskaplega hátíðlegt og fallegt.

Ég fór á jólahlaðborð FS á Hótel Loftleiðum síðustu helgi og að því loknu skellti ég mér í bíó með Birgittu og Óla bróður. Við fórum að sjá myndina um Edith Piaf og mikið svakalega er hún góð, þvílíkt líf sem hún hefur átt (já já Herdís ég veit að allar þessar stjörnur hafa átt ömurlegt líf og það er nóg að sjá eina svona mynd...hehehehhehe). Leikkonan sem leikur Edith fer á kostum og það er svo sannarlega satt sem stendur á kynningarblaði myndarinnar að þarna sé að sjá eina stórkostlegustu umbreytingu sem sést hefur í kvikmyndahúsum. En ég verð að játa að Brynhildur var óáðfinnanleg sem Edith í sýningunni um Edith Piaf í þjóðleikhúsinu. Mér fannst sú sýning svo stórkostleg að ég hefði getað farið á allar sýningarnar!!!!

Nú í dag röltum við mæðgur svo Laugaveginn, sendum pakkana til Ítalíu, keyptum nokkrar jólagjafir og fórum svo á Segafredo og fengum okkur heitt súkkulaði og ítalskt brauð og kökur....mæli eindregið með þeim stað!!!!

Á morgun er svo ferðinni heitið til Keflavíkur að skoða jólaljós, hitta ótrúlega skemmtilegt fólk og borða góðan mat, ekki slæmir tímar þetta.

Algjör snilld og svoooo rétt og satt....

2007-12-08T12:12:00.000Z

Gréta var lasin um daginn og við lágum uppi í rúmi og lásum bók þar sem meðal annars má finna þessa snilld:

Stundum er erfitt að fá Sollu til að sofa. Einu sinni heyrði Varði af því, að hægt væri að láta hænur sofna með því að láta einhvern hlut fara í hringi fyrir augunum á þeim. Þá verða þær alveg ringlaðar og sofna. Þetta prófuðu þeir á Sollu. Þeir settu nagla í stuttan bandspotta og sveifluðu honum fyrir framan Sollu. Solla varð að vísu alveg rugluð en hún hresstist bara. Þegar þeir voru að reyna þetta, kom Aðalbjörg á loftinu. Hvað eruð þið að gera við barnið? spurði Aðalbjörg hissa. Við erum bara að reyna að svæfa hana, sagði Varði og hélt áfram að sveifla naglanum. Það sem þessum börnum dettur í hug, sagði Aðalbjörg hneyksluð. Þetta verð ég að segja henni mömmu þinni. Svo fór hún með Sollu upp til sín. Og það var prýðilegt. En þessi síðasta athugasemd Aðalbjargar varð þeim heilmikið umræðuefni. Alltaf er þetta svona, sagði Palli. Fullorðna fólkinu finnst allt svo vitlaust, sem okkur dettur í hug. Já, alltaf, sagði Varði. Kaupir mamma þín eitthvert blað? spurði Palli. Ha? Já, já við kaupum eitthvert blað, sagði Varði og fannst þetta greinilega undarleg spurning. Komdu með það, sagði Palli ákveðinn. Þá skal ég sýna þér hvað sumum öðrum dettur í hug. Varði sótti blaðið. Palli tók blaðið og leit yfir það. Sjáðu nú til, sagði hann. Það er sko sitt af hverju sem öðrum dettur í hug. Svo byrjaði hann að lesa. Rauðum Fiat stolið við hús við Laugateig. Heldurðu að krakkar hafi gert það? Nei. Varði hristi höfuðið. Sjónvarpstæki stolið úr íbúð við Barmahlíð. Heldurðu að krakki hafi gert það? Varði skildi þetta ekki alveg ennþá. Nei, sagði hann. Krakki loftar ekki einu sinni sjónvarpi, sagði hann hróðugur. Nei aldeilis ekki, sagði Palli. Svo las hann áfram: Þrír menn hengdir í Libýu, það er eitthvert land, sagði hann. Heldurðu að krakkar hafi hengt þá? Ha? Nei, það var Varði viss um. Í þessu kom Aðalbjörg aftur með Sollu, sem var glaðvakandi. Þrjátíu og sex ára gamall maður hálshöggvinn á Indlandi, las Palli. Ósköp eru að heyra þetta, sagði Aðalbjörg. Hvað ertu að segja barn? Ný sprengja komin fram, las Palli. Ný sprengja komin fram, las Palli. Sprengja þessi eyðir öllu lífi í ákveðinni fjarlægð, en lætur mannvirki óskemmd, las Palli. Hvað ertu að lesa þennan óþverra! sagði Aðalbjörg. Börn eiga ekki að lesa svona lagað. Við erum bara að lesa um allt það, sem fullorðna fólkinu dettur í hug, Aðalbjörg mín, sagði Palli. Fullorðna fólkinu? Ég skil ekkert hvað þú ert að segja Palli minn, sagði Aðalbjörg. Þú sagðir áðan, að börnum dytt alls konar vitleysa í hug, eða eitthvað svoleiðis sagðirðu þegar við vorum að nota hænuaðferðina á Sollu, sagði Palli til útskýringar. Hænuaðferðina! hrópaði Aðalbjörg. Ég hef nú aldrei heyrt annað eins. Aðalbjörg, sagði Palli. Hefurðu nokkurn tímann hugsað um hvað fullorðna fólkinu dettur margt vitlaust í hug? Og hræðilegt? Aðalbjörg horfði á Palla. Lestu bara blöðin, sagði Palli.

Þið megið geta úr hvaða bók þetta er, hver er svona mikill snillingur!!

En þegar ég var að lesa þetta datt mér svo margt í hug. Mér datt í hug umræðan um bleiku og bláu fötin á fæðingardeildinni. Það er verið að tala um að við séum að stimpla börnin um leið og þau fæðast. Málið er að við erum öll ólík, ef við værum öll sett í hvítt væri þá ekki verið að reyna að steypa okkur öll í sama mót, að allir ættu að vera eins???? Hefur eitthvað barn hlotið skaða af því? Ég var með Grétu á fæðingardeildinni í innan við sólarhring, ekki hlaut hún neinn skaða af því að vera í bleikum galla rétt á meðan.

Umræðan um Barbie, að ef stelpur leika sér með Barbie fái þær anorexíu og vilji verða eins og hún í vextinum. Ég lék mér með Barbie og er ekkert skemmd eftir það, það liggur annað að baki, það eru vandamál fyrir. Ég er reyndar sammála því að Barbie er ekki beint besta fyrirmynd

Stubbarnir áttu að vera "hættulegir" þar sem einn af þeim er með merki samkynhneigðra á höfðinu. Er eitthvað barn sem veit það? Kom sú athugasemd frá barni?

Því spyr ég...kemur þetta frá börnunum eða fullorðna fólkinu?????
Svei mér þá ef það er ekki bara satt sem segir í laginu...ÞETTA FULLORÐNA FÓLK ER SVO SKRÝTIÐ!!!!!!!!!!!!!!!!!!!!!!!!!!!!!!!!!!!!!!!!

Jóla jóla!!

2007-12-04T19:51:00.000Z

Við mæðgur vorum heima í dag þar sem ég þurfti að sækja Grétu í skólann í gær þar sem hún var með hálsbólgu, hausverk og bara ískalt. Við drifum okkur bara heim og hún upp í sófa að horfa á mynd og hafa það huggulegt.
Í dag var hún örlítið hressari og við notuðum tímann vel, hlustuðum á jólageisladiskana okkar og bökuðum piparkökur.
Gréta verður með vinahóp á fimmtudaginn en þá koma 3 bekkjarfélagar hennar heim til okkar og við gerum eitthvað skemmtilegt. Vonandi komast allir og við getum gert eitthvað gaman saman!!!

Ég er nánast að verða búin með 700 bls. ítölsku spennusöguna...ekkert smá spennandi...fjöldamorðingi gengur laus í Montecarlo og fláir andlitið af fórnarlömbum sínum til að finna rétt andlit á bróður sinn sem brann inni. Morðinginn gróf hann upp úr kirkjugarðinum og fór með hann á leynistað og er að reyna að finna nýtt andlit á hann....ú la la...þeir sem eru spenntir verða bara að bíða eftir bókinni í íslenskri þýðingu minni....muahhhhhhhhhh......

Annars eru ótrúlega margir geisladiskar líka sem mig langar í...væri sátt við bækur, geisladiska og dvd diska í jólagjöf!!!!!!
Lá í flensu um daginn og horfði á 7 dvd myndir nánast í röð....misgóðar reyndar!!!
Horfði á Dances with wolves sem er alltaf góð, Elizabethtown sem var svolítið öðruvísi en samt sæt, Along came Polly sem var svona bara la la, Desperate measure sem var bara ágætis spennumynd, My love, my life (minnir mig) sem er voða falleg saga, Must love dogs ágætismynd svo sem, og svo horfðum við Gréta saman á High School Musical sem Gréta bara elskar!!!
Ekki beint allt myndir sem voru á verð-að-sjá-listanum en þegar maður er veikur og liggur í rúminu allan daginn þá horfir maður næstum á hvað sem er....eða svona þannig....nenni ekki að horfa á Leiðarljós...sama hversu veik ég er eða hversu mikið mér leiðist...það er alveg á hreinu!!!!!

Langar að sjá Jesse James myndina...kannski maður skelli sér í bíó fyrir jól?????????

Bókalistinn minn fyrir árið 2008

2007-12-02T19:32:00.000Z

Jæja, þá er ég svoleiðis búin að liggja yfir Bókatíðindum 2007 og merkja við þær bækur sem mig langar til að lesa. Sumar langar mig að eiga en aðrar ætla ég bara að taka á bókasafninu.
Bækur sem ég ætla pottþétt að lesa á árinu 2008 eru eftirfarandi (ekkert endilega í þessari röð samt):

Aska e. Yrsu Sigurðardóttur
Dauði trúðsins e. Árna Þórarinsson
Englar dauðans e. Þráinn Bertelsson
Harðskafi e. Arnald Indriðason
Kalt er annars blóð e. Þórunni Erlu Valdimarsdóttur
Land þagnarinnar e. Ara Trausta Guðmundsson
Ógn e. Þórarinn Gunnarsson
Ósagt e. Eyvind Karlsson
Rimlar hugans e. Einar Már Guðmundsson
Saga af bláu sumri e. Þórdísi Björnsdóttur
Sautjándinn e. Lóu Pind Aldísardóttur
Sandárbókin e. Gyrði Elíasson
Tímavillt e. Berglindi Gunnarsdóttur
Hefurðu séð huldufólk? e. Unni Jökulsdóttur
Stalíngrad e. Antony Beevor
Þriðji hver e. Adam Wishart
Þú ert það sem þú hugsar e. Guðjón Bergmann
Hjartað sem slær í brjósti mér er ekki mitt e. Aline Feuvrier-Boulang
Í öðru landi e. Eddu Andrésdóttur
Hvítt á svörtu e. Ruben Gallego
Snert hörpu mína-Avidaga Davíðs Stefánssonar e. Friðrik G. Olgeirsson
Um langan veg e. Ishmael Beah
Þegar ljósið slokknar e. Clare Dickens
Alexis Sorbas e. Nikos Kazantzakis
Hermaður gerir við grammófón e. Sasá Stanisic
Hótel Borg e. Nicola Lecca
Hundshaus e. Morten Ramsland
Hver er Lou Sciortino? e. Ottavio Cappellani
Í landi karlmanna e. Hisham Matar
Krabbagangur e. Gunter Grass
Kæri Gabríel e. Halfdan Freihow
Nítján mínútur e. Jodi Picoult
Nornin í Portobello e. Paolo Coelho
Skyggður Máni e. Alice Sebold
Þúsund bjartar sólir e. Khaled Hosseini

og margar margar aðrar...þetta eru bara 35 bækur, 3 bækur á mánuði!!!!! En á náttborðinu eru líka Frú Bovary, Á ég að gæta systur minnar og Leitin að tilgangi lífsins auk þess sem ég er að klára tæplega 700 bls bók á ítölsku og keypti mér líka nokkrar aðrar í Ítalíu í haust!!!!!!!!!!!!!

Skólinn eftir jólin

2007-11-26T19:51:00.000Z

Nú styttist í jólin, upplestrarfrí að fara að skella á og svo próftarnir....kemur mér lítið sem ekkert við þetta árið og ég get ekki sagt að ég sakni þess beint, enda hlakka ég gasalega mikið til að geta átt próflausan desember og hellt mér áhyggjulaust í jólaundirbúningin með Grétu minni, laus við stress og andvökunætur...nema þá að þær tengist því hvað ég á að gefa hverjum í jólagjöf??????

En ég er samt sem áður á leiðinni í nám EFTIR jól...hehehe...þarna var ég skynsöm!!!
Ég er semsé búin að sækja um í Ítölsku í HÍ...þeir ætla að svara mér innan 15 daga...og ég ætla að taka 2 kúrsa eftir áramót og hlakka gasalega mikið til. Ef ég fæ allar einingarnar metnar þá á ég BARA 27,5 einingu eftir í ítölskunni....en vantar náttúrulega aukagreinina en það er aukaatriði!!!!
Ég fór til námsráðgjafa í HÍ í síðustu viku til að athuga hvort ég fengi allar einingarnar mínar metnar, þessar sem ég kláraði 1999-2000 og í framhaldinu þurfti ég að senda póst til skorarformanns og greinarformanns. Ég endaði svo bara á því að tala beint við greinarformanninn þar sem hann kemur til með að kenna þá kúrsa sem ég vil taka og kenndi mér þegar ég var í ítölsku hér um árið...hann var bara glaður að sjá mig og bauð mig velkomna aftur....svo ég hlakka bara til að fara aftur af stað!!!!!!!!!!!!!!

Ætla nú bara samt að byrja rólega því ég er náttúrulega að vinna og þetta nám er meira til að uppfylla minn persónulega draum...en í þetta sinn ætla ég að klára hann líka því þegar ég byrjaði á að láta hann rætast var ekki hægt að taka BA próf í ítölsku svo ég tók bara allar þær einingar sem voru í boði....og svo þarf ég að velja mér aukagrein...en það er nægur tími til þess!!!!!!!

Spennó spennó....hlakka bara svaka mikið til!!!

Að gleðjast yfir litlu hlutunum...

2007-11-19T17:32:00.000Z

...er eitthvað sem maður heyrir sagt svo oft en hvaða litlu hlutir eru þetta?

Heilsan er ekki lítill hluti því án heilsunnar gerir maður býsna fátt, peningar eru ekki heldur lítill hluti því án þeirra væri ég án matar, fatnaðar, heimilis og margs fleira, fjölskyldan er ekki heldur lítill hluti því hún er mér nánast allt og hvað er þá eftir????

Jú litlir hlutir sem eru kannski ekki mikilvægir og maður gæti alveg verið án en finnst samt gott eða gaman að hafa.
Júbb ég gleðst yfir litlum hlutum eins og t.d. fatahenginu sem ég fékk gefins (og geri þeir grín sem vilja hahahaha) og svo BÓKATÍÐINDUM sem komu í dag.....jibbý jeiiiiiiiiiiiiii

Ég myndi/gæti aldrei...

2007-11-17T15:09:00.000Z

Hversu oft segir maður ekki eitthvað svona?
Að maður myndi aldrei gera hitt og þetta eða aldrei geta hitt og þetta??
Og hversu oft segir maður aldrei að segja aldrei?

Ég segi þetta oft en um daginn var ég að velta þessum setningum fyrir mér og mér varð þá ljóst að ég hef oft gert eitthvað sem ég sagðist aldrei ætla að gera eða hélt að ég gæti aldrei gert.
Þrátt fyrir að maður þekki sjálfan sig ansi vel þá kemur maður meira að segja sjálfum sér oft á óvart.

Mér datt þetta í hug þar sem ég lá á skurðarborðinu hjá lækninum á miðvikudaginn og lét taka af mér tvo fæðingarbletti, hef þurft að láta gera það tvisvar sinnum áður og fannst þetta svo sem ekkert mál. Það var allt hvítt og steriliserað og eina hljóðið sem heyrðist var tikkið í sekúnduvísinum. Þá hugsaði ég til þess hvað ég væri heppin að hafa aldrei þurft að liggja á spítala, nema þegar ég átti Grétu og það var bara gaman.

En þar sem ég lá þarna varð mér líka hugsað til afa míns. Fóturinn var tekinn af honum fyrir nokkrum árum og hann hafði mikinn áhuga á að sýna manni þetta allt saman (dauðan fótinn og neglur að detta af og svona) og segja manni frá...því hann var vakandi og fylgdist með þegar fóturinn var tekinn af!!!!!!!!!! Ég gæti það aldrei!!!!!!!!!!! En læknarnir vildu meina að þetta væri sálræn aðferð þar sem hann myndi sættast betur við að missa fótinn ef hann myndi horfa á hann tekinn!!!

Frænka mín fékk meðgöngusykursýki og þurfti að sprauta sig á hverjum degi...eitthvað sem ég held að ég gæti aldrei, sprautað sjálfa mig (en eflaust gæti ég það ef ég þyrfti að gera það).

Eins segi ég oft að ég gæti örugglega aldrei hnoðað mann og blásið í hann þrátt fyrir að vera búin með skyndihjálparnámskeið. En ég held ég gæti heldur ekki staðið hjá og látið mann deyja.

Ég segi líka oft að ef einhver myndi gera barninu mínu eitthvað ógeðfellt myndi ég drepa hann, en ég efast samt um að ég gæti drepið einhvern.

Ég sá líka augnaðgerðina sem Inga Lind (Ísland í dag) fór í, geislana til að þurfa ekki að vera alltaf með gleraugun og mamma vildi endileg að ég færi í svona en ég sagði strax að ég gæti það aldrei...mér fannst þetta svo ógeðfellt eitthvað og óþægilegt!!!

Ég hef semsagt komist að því að margt sem tengist veikindum og spítala er eitthvað sem ég á erfitt með að þola og gæti aldrei...en ef ég nauðsynlega þyrfti myndi ég að sjálfsögðu geta það...eða er þetta kannski allt merki um veikleika?
Ég hef nefnilega dottið í þann pytt (sumir vilja meina að það sé ekki hollt fyrir mig) að lesa mikið af bloggum hjá veikum einstaklingum sem taka veikindum sínum með reisn og blogga um þau af æðruleysi og kenna okkur sem heilbrigð erum að skammast okkar fyrir að taka öllu sem gefnum hlut og vilja eignast allt og geta allt.
Og þar sem ég les þetta reglulega hugsa ég oft um hvernig ég myndi bregðast við í þessum aðstæðum og held að ég viti það en þegar á hólminn er komið held ég að viðbrögðin verði alltaf allt önnur, þrátt fyrir að maður telji sig þekkja sjálfan sig það vel.
Þess vegna borgar sig kannski ekki að vera að dæma um það sem maður myndi og myndi ekki geta eða gera...eða hvað?????????

Tónlist úr ýmsum áttum

2007-11-15T20:23:00.000Z

Ég fór í góðra vina hópi á tónleikana með Andrea Bocelli...þvílík sem þeir tókust vel og þau voru ekki síðri söngvararnir sem voru með honum. Ég vissi að hann myndi enda á Con te partiró!!!
Ég veit sko hvað ég syng!!!

Gréta gaf mér svo Under The Desert Sky, dvd og cd með Andrea Bocelli í afmælisgjöf og ég er búin að hlusta á hann nokkrum sinnum og fá gæsahúð, kökk í hálsinn og tár í augun og sér í lagi þegar hann tekur Con te partiró með söngkonunni Heather Headly og jidúddamía hvað hún getur sungið...einstök söngkona þar á ferð.

Ég skellti mér líka á tónlistarmarkaðinn í Perlunni um daginn og keypti mér það
Carpenters -Gold og setti hann strax í tækið og hugsaði til Kristbjargar minnar. Hún elskaði Carpenters og í raun kenndi hún mér að hlusta á þau og ég þakka henni það. Lög eins og Rainy days and mondays, Solitaire, Top of the world og Yesterday once more eru hreint dásamleg.

Ég datt líka niður á frábæran disk með nýja uppáhaldinu mínu, Michael Bublé. Þetta er dvd og cd, Caught in the act og þar fer hann á kostum drengurinn og fær til sín eina af mínum uppáhalds-ítölsku-söngkonum, Laura Pausini og tekst þeim ótrúlega vel upp með lagið You´ll never find another love like mine. Bublé er svo eitthvað að atast út í Josh Groban sem mætir óvænt á svæðið!!!!
Diskurinn er hin besta skemmtun og rúllaði nokkrum sinnum í röð einn sunnudaginn!!!

Þá skellti ég mér aðeins í Kringluna um daginn til að kaupa afmælisgjöf en sá þá að uppáhaldsbarnaplatan mín er loksins komin á geisladisk!!!!!!!! Ég veit ekki hversu oft við pabbi höfum rætt þetta...hvort Píla Pína eigi ekki eftir að koma á cd og jújú...loksins!!
Þetta er falleg saga og tónlistin í henni er stórkostleg....þið sem eigið lítil börn ættuð gjörsamlega að fjárfesta í þessum cd.

Mamma og pabbi gáfu mér svo Síðasta vetrardag með Síðan Skein Sól dvd og cd, stórkostlegt!!!

Næst á dagskrá eru svo tónleikar með Leone Tinganelli í Salnum á sunnudaginn!!!

Mikið er ég glöð með hvað er mikið til að hæfileikaríku tónlistarfólki sem sér mér fyrir allri þessari fallegu tónlist sem framkallar tilfinningar, minningar, tár og bros!!!!!!!!!
Þakka þeim!!!

Fatahengið langþráða

2007-11-10T18:55:00.000Z

Ég hef í mörg ár haft augastað á fatahengi úr Ikea...mér hefur alltaf þótt það flott og sérlega hentugt en þar sem ég hef búið hefur þetta ekki passað eða hentað.

Þegar ég svo skoðaði íbúðina sem ég er í núna sá ég að konan sem var hér var með svona fatahengi svo ég hugaði með mér að nú væri lag, ég færi sko í Ikea og keypti svona þegar ég væri flutt.
Síðan er mér boðið í mat hjá fyrrum nágrannakonu minni og hún var einmitt líka með alveg eins fatahengi og ég minnist á það að mig langi svo í svona og viti menn........Hún sagði að ég mætti bara fá hennar þar sem hún væri að láta smíða nýtt fatahengi fyrir sig!!!

Nágrannakonan góða kom hér í gær með fatahengið og ég var svo kát og sagði að nú hefði draumur minn ræst, mig hefði lengi dreymt um svona fatahengi!! Hún horfði þá á mig vorkunnaraugum og sagði: Íris mín, farðu nú að láta þig dreyma um eitthvað annað og stærra en fatahengi!!!!!!!!!!!!!!!!!!!!!!!

Þetta segir kannski meira en mörg orð um hvað ég er jarðbundin og nægjusöm kona....kostur eða galli???????????
Meira um það síðar....

07.11.07

2007-11-07T22:05:00.000Z

Í maí 1954 fæddist Margrét Birna, sem var systir mömmu minnar, en hún lést þann 7.nóvember sama ár.
Þann 7.nóvember 1956 fæðist síðan Ester systir hennar mömmu og þann 7.nóvember 1975 fæðist ég.

Undarlegt ha???

Og í morgun áttu svo Harpa og Jón Gunnar strák, Emil Braga. Tími til kominn að fá strák í hóp föngulegra kvenna sem eiga afmæli í dag!!! Ekki slæm afmælisgjöf það!!! Þúsund þakkir kæru vinir og til hamingju með prinsinn!!!
Við öll, ásamt rússnesku byltingunni, höldum upp á þennan dag!!!

Ég fæddist á föstudegi kl. 18.35 á Selfossi og var 3260 grömm og 51 cm með gasalega mikið og kolsvart hár.
Það fyrsta sem mamma sagði þegar ég kom í heiminn var: Hvort var það?
Stelpa! var svarið og þá spurði mamma hvort allt væri í lagi. Pabbi hins vegar sagði bara: Skelfing ertu eitthvað rauð og grettin greyið mitt!!!!!!!!!!

Núna, 32 árum síðar, er ég orðin gráhærð, farin að skreppa saman en ennþá með unglingabólur!!!!!!!!!!
Ég þakka fyrir hvern afmælisdag sem ég á og þessum degi fagnaði ég með fjölskyldu og vinum!!

Takk fyrir öll sms-in, e-meilin, hringingarnar og afmæliskveðjurnar....þið eruð frábær!!!

Ítalía - Lokahluti - Parma

2007-11-06T22:12:00.000Z

Eftir Cremona lá leiðin til Parma þar sem við heimsóttum nokkra vini hennar Ingunnar!!!
Nokkrir þeirra hafa þegar komið til Íslands og verið á þjóðhátíð, smakkað Opal, Tópas, íslenskt brennivín og hákarl með óskemmtilegum afleiðingum.
Þeir vildu því launa henni gestrisnina og ég get svarið það...ég hef sjaldan borðað eins mikið af prosciutto crudo og í þessari ferð...enda er Parmaskinkan frá Parma!!!!!!!!!!!
Þessar elskur voru með þvílíkt hlaðborð fyrir okkur, það var skinka og salami, brauð, spalla cotta (soðin öxl!!!!), hvítvín, rauðvín, desertvín, kaffi og kökur og ég veit ekki hvað og hvað!!!!

Stórt svínslæri hékk uppi við í "hellinum" og við hangandi við hlið þess......ÍSLENSKI FÁNINN!!!

Ég held að þetta sé breiðasta tré sem ég hef séð....

...og stærsta kaffikanna sem ég hef séð!!!

Parma er falleg og hrein borg og við gengum hana þvera og endilanga í leit að geisladiskabúð, bókabúð og í leit að pepperoncino. Allt fannst þetta á endanum!!

Enrico var þokkalega þolinmóður og sýndi okkur allt það helsta, fór meira að segja með okkur í nærfatabúð og sagði okkur hvað honum litist best á fyrir okkur!!!!!!!

Í þessari ferð minni til Ítalíu bættust tvær nýjar borgir í safnið, báðar fallegar og skemmtilegar að heimsækja, eins og Ítalía náttúrulega er öll!!

Hvað ætli ég eigi þá marga staði eftir að heimsækja á Ítalíu???????????

Ítalía III.hluti - Cremona

2007-11-04T12:20:00.001Z

Cremona er ítalski heimabærinn minn. Lítill, rólegur bær á ítalskan mælikvarða. 120.000 íbúar og er bærinn nokkuð alþjóðlegur og þá einkum vegna þess að þar er fiðluskóli, liutaio, þar sem fólk kemur víðs vegar að úr heiminum til að læra að smíða fiðlur. Antonio Stradivari sem talinn er hafa verið einn fremsti fiðlusmiður heims fæddist og bjó í Cremona og er skólinn nefndur eftir honum. Myndin hér að ofan er af Il duomo, dómkirkjunni í Cremona. Þetta er einn af mínum uppáhaldsstöðum því þarna á dómkirkjutorginu eyddi ég talsverðum tíma þegar ég var í Cremona fyrir 13 árum!!Þetta var aðalsamkomustaður barnapíanna og þarna kynntist ég fullt af fólki, aðallega ömmum þó!!!
Mér þykir mjög vænt um þennan stað og það sem mér finnst einna best er að kirkjan er nánast alltaf opin og maður getur komið og farið eins og manni sýnist. Mér leið alltaf vel þarna inni, þvílíkt sem hún er falleg og íkonin og málverkin og allt inni í henni er svo fallegt. Það fer um mig svo undarleg tilfinning þegar ég kem þarna inn, ótrúleg ró og friður.

Ég fór sem au-pair til Ítalíu í fyrsta sinn í maí 1994 og var bara í 3 1/2 mánuð því ég þorði ekki að vera lengur þar sem ég kunni ekki stakt orð og vissi ekkert hvernig þetta yrði allt saman. Þessi stelpa er ástæðan fyrir því að ég fór til Ítalíu. Hún var bara 18 daga þegar ég kom til þeirra í fyrsta skiptið. Mamman var mjög óörugg og pabbinn mikið að heiman. Ég hafði verið í vist frá því ég var 10 ára, búin að taka Barnfóstrunámskeið Rauða Krossins og þóttist nú kunna heilmikið á börn sem reyndist svo bara vera meira en satt. Ég stóð mig eins og hetja vægast sagt, gekk um gólf með blessað barnið langt fram á nótt og flautaði vestmannaeyjalög fyrir hana þegar hún var með magakveisu, gaf henni kamillute í pela, nuddaði á henni magann, lék við hana og svæfði hana. Brottfararstundin var því erfið fyrir alla. Þessi dvöl hefði verið mjög erfið ef ég og mamman, Grazia, hefðum ekki náð svona vel saman. Við vorum strax miklar vinkonur og eyddum heilu kvöldunum að kjafta. Hún var mjög forvitin um Ísland og líf mitt þar og ég sagði henni frá frystihúsinu, lífinu í Vestmannaeyjum, fjölskyldunni minni og mörgu öðru. Hún kenndi mér ítölsk orð og setningar og skammaði mig fyrir að fara út með blautt hárið...það gerir það enginn á Ítalíu!!!!!!!! Við höldum mjög góðu sambandi og þegar ég var hjá þeim núna vorum við að tala um fyrir hvor aðra værum við systirin sem við áttum aldrei!!!!!

Á sumrin er mikið af ungu ítölsku fólki sem ferðast og því gafst mér ekki tækifæri til að kynnast mikið af ungu fólki og því náði ég ekki að læra ítölskuna svo vel. Því ákvað ég að fara heim eftir þessa 3 mánuði, klára stúdentinn og fara aftur, sem ég og gerði. Í ágúst 1995 fór ég aftur til Cremona, til sömu fjölskyldunnar og var þá í 1 ár. Þau voru þá búin að finna skóla í Cremona þar sem var ítölskunám fyrir útlendinga og bærinn borgaði það allt. Þannig að ég fór í skóla 3x í viku og lærði heilan helling í ítölsku og kynntist fullt af skemmtilegu fólki.

Núna hefur þessi gaur bæst í hópinn!! Raul er jafngamall Grétu minni, 7 ára og er þokkalega líflegur og hress. Þakka fyrir að það var ekki hann sem ég var að passa, efast um að ég hefði þá farið aftur..hehehe... Hann er skemmtilegur karakter, frábær eftirherma og mikill húmoristi.

Í Cremona fékk ég bestu og stærstu pizzu sem ég hef smakkað!!! Pizza með prosciutto crudo og mozzarella....Mmmmmmmmmmmmmmm....

...og það er svo fyndið að þar sem pizzastaðurinn er var einu sinni prjónabúð þar sem Marie vinkona mín vann og við eyddum talsverðum tíma þar hér einu sinni!! Það var því skemmtilegt flashback að sitja þarna og borða pizzu og drekka rauðvín í desert í stað þess að vera að skoða garn!!!!!

Il Torazzo er eitt af því sem Cremona er þekkt fyrir. Turninn er 112 metrar og það eru 502 tröppur upp í topp!!! Trúið mér, ég hef farið þetta 3x, fór í þriðja skiptið núna með vini mínum sem hefur búið í Cremona í 7 ár en aldrei farið upp!!!!

Við skelltum okkur því upp en því miður var svolítið mistur yfir borginni og útsýnið því ekki eins og best verður á kosið. En samt sem áður var þetta þess virði og gaman að sjá niður á torgið fyrir neðan og aftan á dómkirkjuna og eins að sjá öll húsþökin.

Ég eyddi núna 4 dögum í Cremona með fjölskyldunni minni og gömlum vini mínum. Það var mjög gaman og hefur bærinn minn lítið breyst, nokkur ný hverfi risið og nokkrar nýjar búðir komnar. Ég fór alein í miðbæinn einn eftirmiðdag, eins og ég gerði svo oft hér í denn, og leið bara mjög vel. Ég kíkti í gömlu búðirnar mínar, bókabúðir, hljómplötuverslanir og Coin Casa sem er búð með vörur fyrir heimilið, uppáhaldsbúðin mín.

Svo fór ég með að sækja börnin í skólann, fór með Raul í klippingu og upplifði svolítið þeirra daglega líf sem var virkilega skemmtilegt.

Næst verður Gréta mín að fá að koma með og það líður ekki á löngu þar til ég sný aftur...það er á hreinu!!!

Allt tekur enda.....

2007-10-28T18:44:00.001Z

Ég fór fyrst sem au-pair til Ítalíu árið 1994 og fór svo aftur 1995 og í millitíðinni hafði ítalska fjölskyldan mín finnska au-pair, Mari. Ég kynntist henni þegar ég kom aftur árið 1995 og við skrifuðumst á í nokkurn tíma. Þegar ég kom aftur heim og var ófrísk af Grétu fór ég í ítölsku í háskólanum og þá sendi Mari mér nafn og heimilsfang ítalskrar pennavinkonu sinnar, Cristina, og bað mig um að setja það á töfluna í háskólanum því Cristina langaði svo að eignast íslenskan pennavin. Ég ákvað að skrifa henni sjálf og sé sko ekki eftir því. Eftir nokkur bréf fór hún að hringja í mig og smám saman urðum við svona líka góðar vinkonur. Cristina er hress og kát og svo sannarlega frábær vinkona. Við skrifuðumst á og hringdumst á og hittumst loks í fyrsta sinn við Gardavatn árið 2003 en þá fór ég með Grétu, mömmu og pabba til Ítalíu. Síðan þá urðu bréfin og símtölin fleiri og fleiri og í fyrra komu þau svo til Íslands, Cristina, kærastinn hennar hann Stefano, Marco vinur þeirra og Ambra vinkona þeirra. Öll höldum við góðu sambandi og með Msn, Skype, Facebook, tölvupósti og símanum höldum við góðu sambandi og heyumst allavega 1x í viku...með einum eða öðrum hætti!!!!!
Núna er ég svo búin að fara til þeirra, svo staðan er 1-1....hehehehe...stefnan er að fara aftur á næsta ári því þau öll og Jorunn, konan hans Marco urðu öll ástfangin af Grétu minni svo nú bíða þau eftir að ég komi með hana með mér!!!!!!

Anyway.....þegar við vorum við Miramare kastalann var veðrið alveg hreint dásamlegt og ég var svo ánægð með að hafa skellt mér til þeirra en jafnframt leið yfir því að vera svona langt í burtu. En eins Cristina sagði svo réttilega þegar ég kvaddi hana á lestarstöðinni í Trieste með tárin í augunum og kökkinn í hálsinum:
tutto finisce per ricominciare sem þýðir að allt tekur enda til þess eins að hefjast aftur!!!

Þessar fallegu sólseturmyndir segja það sem segja þarf...sólin sest til að rísa á ný, ekki satt???
Svo við munum hittast aftur, ég og Cristina og ég og Ítalía!!!!!!

Kl. 16:12 Kl. 16:13

Kl. 16:14

Kl. 16:15

Kl. 16:16

Ítalía - II.hluti - Trieste í góðra vina hópi.

2007-10-27T23:07:00.000Z

Netið er eitthvað að stríða mér og það gengur eitthvað hægt að setja myndir inn...verður að bíða betri tíma!!!

Ástæðan fyrir þessari ferð var fyrst og fremst sú að vinir mínir Marco og Jorunn giftu sig í Osló í september og ákváðu svo að hafa brúðkaupsveislu...eða meira svona partý...í Trieste í október. Ég mátti velja hvort ég kæmi til Osló í athöfnina eða til Trieste í veisluna, ég var því tilneydd að skella mér og fékk Ingunni til að koma með mér...þurfti alveg að snúa upp á handlegginn á henni...NOT!!!!

Við eyddum laugardeginum í að rölta um Trieste og á laugardagskvöldið var svo veislan. Þar var mikið gaman og frábært að hitta allt þetta fólk sem maður hefur heyrt svo mikið um og eins fannst þeim gaman að kynnast okkur íslendingunum. Við fengum geggjað gott að borða, hvað annað...Prosciutto crudo, salami, brauð og eðalvín með....gerist ekki betra!!

Eftir að veislunni lauk var brunað á diskó og þá hófst fjörið. Ýmis ný dansspor urðu til...flest þó þannig að maður sparaði orku...dansspor sem líkist því að skrúfa ljósaperu, hreyfa bara tunguna eða fingurinn og að pumpa!!!Þó sást líka mjaðmahnykkur og veiðitilþrif!!!

Á sunnudeginum sáum við Barcolana-bátakeppnina og skoðuðum Miramare kastalann og fórum svo upp í sveit að borða. Allan tímann vorum við í góðra vina hópi og kynntumst svo skemmtilegu fólki að það hálfa væri nóg!!!

Frábær tími með frábæru fólki og frábær matur!!!!!!!!!!

Ítalía-I.hluti-Borgin Trieste í máli og myndum

2007-10-26T23:49:00.000Z

Við Ingunn skelltum okkur til Ítalíu þann 12.október og eyddum 9 dögum í þessu dásamlega landi. Mikið svakalega sem við höfðum það gott. Við eyddum þessum dögum í góðum félagsskap, borðuðum heilan helling af prosciutto crudo (hráskinka) og töluðum ítölsku út í eitt!!!

Við flugum með British Airways til Gatwick, London og komumst ekki að því fyrr en seint og síðar meir að maður drekkur frítt um borð!!!!!!!!!! Frá Gatwick tókum við EasyJet á Marco Polo flugvöllinn í Venezia (Feneyjum) og þar biðu okkar vinir mínir Cristina og Stefano!! Við brunuðum að sjálfsögðu beint á pizzastað og þar hófst hið mikla prosciutto crudo át okkar vinkvennanna!!!

Laugardeginum og sunnudeginum eyddum við í að skoða Trieste og nágrenni og um það fjallar þessi fyrsti hluti ferðabloggsins!!!

Myndirnar mínar koma alltaf í vitlausri röð....það er kannski betra að byrja neðst og skrolla upp....ef maður er smámunasamur allavega!!!!!!!!!!!

Útsýnið úr garðinum við Miramare kastalann í Trieste. Ekki amalegt...hvorki útsýnið né að eiga kannski bara svona lítinn sætan bát og geta dólað sér á hafi úti í sólinni.....hummmmmm...

Garðurinn í kringum Miramare kastalann er ekki nema 22 hektarar og þar má finna fallega flóru og samansafn af skemmtilegum skúlptúrum.

Castello di Miramare - Miramare kastalinn sem var byggður í kringum 1860 og var byggður að ósk Massimiliano D´Asburgo en hann vildi byggja hann fyrir ástina sína. Ástarsögu þeirra lauk þar sem hann lést á skipi sínu við innsiglinguna og því náðu þau ekki að eyða lífi sínu saman í kastalnum. Hugnæm saga og dramatísk....that´s amore!!!

http://www.castello-miramare.it/indexmir.htm

Piazza dell´Unitá, hjarta Trieste.

Il palazzo del governo- Stjórnarráð Trieste á Piazza dell´Unitá torginu.

Á hverju ári er skútukeppni í Trieste, Barcolana. Þetta var 39. keppnin og alls tóku 1833 bátar þátt. BáturAlfa Romeo vann og setti meira að segja nýtt met (55 mín og 30 sek.). Við fórum á fætur og skelltum okkur upp í vitann, Faro della vittoria, til að fylgjast með herlegheitunum. Það var ákaflega gaman að sjá allar þessa báta og verða vitni að þessari sögulegu stund...hehehehe.
http://www.barcolana.it/2007/index.asp

Í Trieste blæs oft vindur sem kallast BORA. Morguninn sem Barcolana var var Bora og því var startinu frestað um klst. Það var frekar mikill vindur en ekkert Stórhöfðaveður sko!!!!!
Það var samt gott að finna að grasið er ekki alltaf grænna hinu megin og Ítalía getur stundum verið eins og Ísland!!

Trieste.

Ég og Stefano, heimsmeistari!!

Alveg hreint dásamlegar þessar litlu þröngu ítölsku götur!!!

Gamalt rómverskt leikhús í Trieste. Það var svo gott veður þennan dag og við örkuðum upp margar hæðir til að skoða borgina. Það var vel þess virði, enda borgin falleg og hreinleg.

Næsti hluti mun fjalla um Trieste í góðra vina hópi!!!

Flutningur og ferðalag

2007-10-11T15:59:00.000Z

Úfffff....er búin að vera netlaus í marga marga daga en sem betur fer bara segi ég því þá varð mér eitthvað úr verki!!
ERum alveg fluttar, tæmdi síðustu bílana í gær...ó já...vinnubíllinn hans pabba og Hyundainn voru enn fullir af drasli!!! Jólaskrautið er sem sagt komið í hús og mér var skapi næst að setja það bara upp en ekki í geymsluna!!
Talandi um geymsluna....jidúddamía hvað ég og Gréta eigum mikið af drasli....tók rækilega til hendinni og henti og henti....fór með í Sorpu og Góða hirðinn...gott ef einhver getur notið góðs af því sem ég er hætt að nota!!

Annars er ég á leiðinni til Ítalíu í fyrramálið, við Ingunn æltum að skella okkur í brúðkaupsveislu hjá vini mínum og skemmta okkur konunglega og borða geggjað góðan mat allan tímann!!!

La vita é bella....Life is beautiful...Lífið er yndislegt!

Ciao a tutti!!!!!

Fluttar ;)

2007-10-01T00:54:00.000Z

Jæja þá erum við svo gott sem fluttar. Allt "litla" dótið okkar komið á Sundlaugarveginn en stóru hlutirnir eru eftir hér á Hraunteignum.
Mér líkar bara betur og betur við nýju íbúðina, hún er gasalega gul og krúttleg, bara mjög hlýleg og skemmtilega uppgerð. Fullt af frábærum fídusum eins og innbyggt útvarp og sjónvarp í eldhúsinu, allir skápar í eldhúsinu útdraganlegar, innstunga sem kemur út með skúffunni á baðinu (frábært fyrir sléttujárn og hárblásara), innbyggðar hillur í stofunni fyrir videóspólur, dvd og geisladiska. Svo er ég með heimreið...bílastæðið mitt er alveg upp við útidyrnar....eftirlæt pabba það samt kannski ef hann verður almennilegur...ég meina hann er nú orðinn 56 ára!!!!!

En mikið svakaleg á maður mikið af dóti...hvað á maður að gera við þetta allt saman???
Og ótrúlegt hvað 7 ára gamalt barn á mikið af alls konar dóti...jidúddamía sko....það er ekkert venjulegt. Það verður spennandi að sjá hvernig mér á eftir að takast að koma þessu öllu fyrir...úff!! En þá koma skipulagshæfileikarnir bara enn betur í ljós..híhíhí.

Jæja er alveg komin með rugluna og þreytuverki í bakið og lappirnar....jæts!!

Verð eflaust netlaus í nokkra daga....bið að heilsa ykkur í bili!

Brandarar

2007-09-29T14:48:00.000Z

Af því ég er hér í miðjum flutningum, að pakka á fullu og henda og flokka og ég veit ekki hvað og hvað og hef engan tíma til að láta mér detta eitthvað sniðugt í hug ákvað ég að senda þessa brandara ekki áfram í tölvupósti heldur smella þeim hérna inn......þakka þeim sem fann upp COPY-PASTE ,alger snilli!!!!
Góða skemmtun!!

Prestur nokkur var í sumarfríi á Spáni. Á útimarkaði rakst hann á einkar vel gerðar styttur af guðspjallamönnunum fjórum. Hann keypti stytturnar og gaf kirkjunni sinni þegar hann kom heim. Þar var þeim komið fyrir á sérstöku borði. Á því var pappaskilti með áletruninni "Guðspjallamennirnir Matteus, Markús, Lúkas og Jóhannes". Skömmu síðar var brotist inn í kirkjuna og einni styttunni stolið. Ekki lét prestur það slá sig út af laginu. Hann bjó til nýtt skilti á borðið hjá styttunum sem eftir voru og stóð nú á því: "Vitringarnir þrír, Kaspar, Melkjör og Baltasar". Enn lét kirkjuþjófurinn til sín taka og stal styttu. Presti datt ekki í hug að játa sig sigraðan fyrir þessum misyndismanni og enda þótt styttunum hefði fækkað um helming skrifaði hann á skiltið við þær: "Postularnir Pétur og Páll". Þjófurinn var ekki síður staðfastur en klerkur og í þriðja skiptið fór hann inn í kirkjuna í leyfisleysi. Þá lét hann sér ekki nægja að stela öðrum postulanum heldur fékk hann útrás fyrir skemmdarfýsn sína á styttunni sem hann skildi eftir, braut m. a. af henni hausinn og hafði á brott með sér. En prestur dó ekki ráðalaus. Nú stóð á skiltinu á styttuborðinu: "Jóhannes skírari daginn eftir að hann var hálshöggvinn"
--------------------------------------------------------------------------------------------------------------------------------------
Einn daginn fékk maðurinn minn skyndilega þá köllun að fara að sinna heimilisstörfunum og í einhverju bjartsýniskasti ákvað hann að þvo stuttermabolinn sinn. Hann var varla kominn inn í þvottahús þegar hann kallaði á mig "Á hvaða stillingu set ég þvottavélina elskan?" Það fer eftir því hvað stendur á bolnum" kallaði ég til baka. "Húsasmiðjan" gargaði hann...
Og svo segja þeir að ljóskur séu heimskar.....
--------------------------------------------------------------------------------------------------------------------------------------
Flugvél flaug í gegnum talsvert óveður. Ókyrrðin var mikil og ekki skánaði ástandið þegar eldingu laust niður í annan vænginn. Ein kona tapaði sér alveg. Hún stóð upp fremst í vélinni og öskraði "Ég er of ung til að deyja!!". Síðan kallaði hún "ef ég á að deyja núna þá vil ég að síðustu mínútur mínar í þessu jarðlífi verði minnisverðar. Er einhver hér í flugvélinni sem getur látið mér líða eins og sannri konu?" Það sló á þögn í vélinni og fólkið starði á örvæntingarfullu konuna fremst í vélinni. Þá stóð karlmaður frá Texas upp aftarlega í vélinni.Hann var myndarlegur, hávaxinn, vel vaxinn. Hann gekk rólega fram ganginn og byrjaði að hneppa frá sér skyrtunni, einni tölu í einu. Enginn annar hreyfði sig. Hann fór úr skyrtunni og hnyklaði brjóstvöðvana. Hún tók andköf...Þá sagði hann..."Straujaðu þessa og færðu mér bjór"
---------------------------------------------------------------------------------------------------------------------------------------

Upprifjun

2007-09-24T21:10:00.000Z

Stelpan bara byrjuð að pakka...ekki seinna að vænna...flytjum líkast til á mánudag!!
Pökkunin gengur ekki alveg nógu hratt fyrir sig þar sem ég er alltaf að finna eitthvað gamalt dót og þarf að skoða það svona aðeins... þannig að það tefur!!

Var til dæmis að skoða möppur með teikningunum hennar Grétu en ég setti flestar teikningarnar hennar frá yngri árum í plast og svo í möppu. Það er svo gaman að fletta þessu núna og sjá þróunina, og líka frá því hún byrjaði að skrifa...maður minn!!!!

Ýmsar myndir poppa líka upp ásamt bæklingum og öðru. Las meira að segja yfir fæðingarskýrsluna mína, þ.e. síðan ég átti Grétu hehe...ekki síðan ég fæddist!!!! Ótrúlegt hvað þetta rifjast allt upp fyrir manni þegar maður les þetta..hehehe. Fletti í gegnum mína Dagbók barnsins og las það sem mamma hafði skrifað, hehehee..mikið svakalega var ég gott og fallegt barn!!

Las líka minningargreinar um Kristbjörgu mína, ömmu Boggu og Simba frænda svona af því ég var að fara yfir skúffuna þar sem ég geymi þetta. Jamm ég er gasalega skrýtin!!!

Það er ótrúlega gaman að því að líta aðeins yfir farinn veg, það hjálpar mér að sjá hver ég var hver ég er orðin og hver ég vil vera. Ég hef breyst að mörgu leyti síðastliðin ár og sumar breytingarnar kann ég vel við, annars sakna ég. En eins og maðurinn sagði You can´t have it all!!!!

Farin að pakka....ciao!!

Flytja...enn og aftur!!!

2007-09-15T20:25:00.001Z

Ég flutti hingað í Hraunteiginn fyrir 17 mánuðum síðan en bjóst við að vera hér bara í 1 ár. Þegar leigusamningurinn rann út stóð mér til boða að vera hér þar til 1.október og síðan annaðhvort kaupa íbúðina, þar sem það á að fara að selja hana, eða flytja eitthvað annað.
Okkur líður svakalega vel hér, staðsetningin er frábær, nágrannarnir meiriháttar, mikið af börnum í hverfinu og ótrúlega mikill og fallegur gróður hér. Stutt í skólann, ræktina, til Ingunnar, til pabba og þetta er bara ótrúlega þægilega miðsvæðis.

Að flytja er ekki kannski það skemmtilegasta sem maður gerir en þó er margt jákvætt við það. Meðal annars það að maður hefur tækifæri til að fara í gegnum draslið sem maður nær einhvern veginn alltaf að sanka að sér, maður kynnist ólíkum einstaklingum (nágrannar), maður lærir að meta það sem maður hefur, það sem maður hafði og hvað manni langar að hafa í framtíðinni.

Hver íbúð sem maður býr í hefur sína kosti og galla. Íbúðin sem ég er í er fín, ég myndi gjarnan vilja kaupa hana og sé marga skemmtilega möguleika en hún kostar of mikið fyrir mig auk þess sem hún þarfnast nokkurra endurbóta fyrr en seinna. Og þar sem ég er ekki til í að drepa mig á því að kaupa mér íbúð eins og fasteignaverð er í dag verð ég bara að halda áfram að leigja og reyna að safna!!!!!

Íbúðin sem ég er búin að fá hins vegar er nýtekin í gegn, með upphituðu gólfi, gaseldavél (sem hræðir mig þó nokkuð), tveimur svefnherbergjum svo ég get hætt að sofa í "stofunni", parket og flísar, stofa og borðstofa!!!!
Hinsvegar eru engar svalir þar sem hún er á jarðhæð og hún er ekki eins björt og þessi sem ég er í en allt hitt vegur á móti, you can´t have it all!!!!!
Nágrannarnir eru ekki heldur af verstu gerð þar sem pabbi gamli býr í íbúðinni fyrir ofan þá sem við erum að fara að flytja í!!!!!! Já ég er pabbastelpa...hahahaha....

En allavega....ég er himinlifandi yfir að vera komin með aðra íbúð...var farin að örvænta svolítið en nú er ég bara góð!!!
Svo....best að hætta þessu babli og skella sér í geymsluna að ná í kassa.....og fara að fara að pakka...eina ferðina enn!!!!!

Barnaland

2007-09-08T12:20:00.000Z

Nokkrum sinnum hefur maður heyrt fréttir af því að foreldrar hafi þurft að kalla til lögreglu þar sem unglingar fengu brjálæðiskast og rústuðu heimilinu af því foreldrarnir ýmist sögðu upp internetinu eða meinuðu börnunum aðgangi að tölvu.
Dóttir mín er 7 ára og er bara ansi fær á tölvu þannig lagað. Mikið hefur verið rætt um að foreldrar fylgist með tölvunotkun barna sinna og unglinga þar sem mikið er af ósóma á netinu.

Þá kem ég að því sem liggur mér á hjarta...

Þannig er mál með vexti að við höfum verið með heimasíðu fyrir Grétu á barnalandi og henni hefur alltaf þótt gaman að skoða síðuna sína, skipta um bakgrunn, velja myndir, lesa kveðjur í gestabókinni og annað. Þá hefur hún einnig gaman af því að skoða heimasíður vina og vandamanna á barnalandi. Síðan hennar var alltaf opin en í vor ákváðum við að setja lykilorð, maður veit jú aldrei hvað fólki dettur í hug!!

Sjálf fer ég bara inn á barnaland til að uppfæra síðuna hennar Grétu, ég skoða aldrei barnalandssíðuna (spjall, umræður, auglýsingar eða annað) en oft hefur maður heyrt sögur af því sem fram fer þar og ég verð að játa að ég lét undan forvitninni um daginn þar sem ég hafði heyrt þessar sögur og hefur fólk sem tengist mér orðið fyrir barðinu á gjammandi kjaftakellingum þar og það var ekki fallegt. Þannig að ég ákvað að kanna sjálf hvað væri til í þessu og renndi yfir nokkra spjallþræði og átti ekki til orð.

Nú ætla ég ekki að vera bara neikvæð og leiðinleg, það er vissulega frábært að svona spjall sé til þar sem sumt af því sem var verið að spyrja um eða ræða var gott og gáfulegt (spurningar eins og hvernig á að þykkja sósu? hvaða pollagallar eru bestir fyrir leikskólabörn? og annað í þeim dúr) EN margt þarna var gjörsamlega óviðeigandi fyrir síðu sem kallast BARNALAND og ætla ég ekki að útlista það hér þar sem dóttir mín getur líka lesið mitt blogg!!!! Þið verðið bara að fara sjálf þar inn!!!!
Mér þykir bara alls ekki við hæfi að umræða eins og fyrirfinnst á barnalandi sé þar og opin öllum, skárri væri að hafa lykilorð til að komast inn í umræðuna og lesa það sem þar er skrifað og skrifa þann ósóma sem þar er skrifaður.

Ef barnið mitt er ekki "óhult" á síðu sem heitir BARNALAND þá er nú netheimurinn orðinn ansi slakur.

Því hef ég í mótmælaskyni ákveðið að flytja heimasíðuna hennar Grétu af barnalandi yfir á 123.is. Ný síða er í vinnslu og þegar hún er komin af stað læt ég vini og vandamenn vita af slóðinni og lykilorði!!

Luciano Pavarotti

2007-09-06T20:04:00.000Z

Þá er hann fallinn frá blessaður kallinn.

Á mínum yngri árum hafði ég lítinn sem engan áhuga á óperu en vissi samt alltaf hver Pavarotti var og hafði oft heyrt á hann minnst og um hann talað. Svo fór ég náttúrulega til Ítalíu og þá var náttúrulega ekki annað hægt en kynna sér svolítið Pavarotti, söng hans og náttúrulega það sem skrifað var um hann í slúðurblöðunum auk þess sem hann var iðulega í sjónvarpinu.

Pavarotti hélt árlega tónleika, Pavarotti & Friends og voru þeir til að safna fé til styrktar börnum sem minna mega sín. Á þessum tónleikum söng hann með hinum og þessum tónlistarmönnum, hann söng með þeim þeirra lög og þeir sungu með honum hans lög. Meðal þeirra voru Spice Girls, Bono, George Michael, The Corrs, Jon Bon Jovi, Tracy Chapman og fleiri og fleiri auk náttúrulega ítalskra tónlistarmanna. Með þessu fór hann óhefðbundnar leiðir og var ófeiminn við það að syngja hvaða tegund tónlistar sem var, rokk, fönk, rapp og popp :)
Auk þess voru barnakórar sem sungu með og ég lýg engu þegar ég segi að ég var með gæsahúð alla tónleikana, kökk og tárin í augunum.

Eftir að ég kom heim eignaðist ég nokkra geisladiska með Pavarotti og einnig með Tenórunum þremur. Ég held að ég ljúgi engu þegar ég segi að Pavarotti er einn af fáum karlmönnum sem hefur komið öðrum karlmönnum til að gráta, ég trúi því að háu tónarnir í Nessun Dorma snerti hjörtu allra, kvenna og karla.

Þegar Gréta mín var ungabarn og ég var með hana heima spilaði ég oft Pavarotti fyrir hana og þegar hún var farin að hafa meira vit og farin að velja tónlist vildi hún oft að ég spilaði fyrir hana Pavarotti í staðinn fyrir barnadiskana sem hún átti. Hennar uppáhaldslag var Funiculí, Funiculá og þegar ég spurði hana hvernig Pavarotti syngi söng hún alltaf brot úr þessu lagi.

Það er mikill missir fyrir tónlistarheiminn, já og okkur tónlistaraðdáendur, að sjá á eftir þessum stórfenglega manni og til heiðurs honum og til minningar um hann hef ég sett videóspóluna mína með Pavarotti & Friends síðan 1995 (held ég) í videótækið og hækkað allt í botn!!!

Megi minningin um Pavarotti lifa og hvíli hann í friði.

Einn klukkutími

2007-09-04T21:28:00.000Z

Það er ótrúlegt hvað einn klukkutími skiptir oft miklu máli.

Ég er að vinna núna aðra hverja viku frá 8-16 og hina frá 9-17. Þar sem mér finnst ótrúlega gott að sofa þá var ég að spá í að tala við umsjónakennarann hennar Grétu og athuga hvort hún mætti ekki bara mæta kl.9 aðra hverja viku, þá gætum við sofið klukkutíma lengur!!!!!
En þetta er náttúrulega bara grín, ég er ekki svona sjúk...nema bara að hafa dottið þetta í hug!!!!!

Allt hefur þetta sína kosti og galla, mér finnst gott að fara með Grétu í skólann og geta svo farið heim og græjað mig, það gengur mun betur hjá mér milli kl. 8 og 9 en milli kl. 7 og 8, og mér finnst bara vera komið hádegi þegar ég mæti klukkan 9.
En gallinn er hins vegar sá að það er gasalega gott að vera búin að vinna kl.16 og þar liggur helsti munurinn, það er frekar mikill munur að koma heim kl. 16.20 en 17.30 þar sem það er líka talsverður munur á umferðinni.
Svo á maður eftir að fara að versla eða fara í ræktina eða kannski til tannsa eins og ég gerði í gær eftir vinnu og það tók mið 30 mín að komast úr vesturbænum í Hamraborgina!!!!!!!!

Þannig að það munar töluvert um klukkutíma en það fer eftir því hvaða klukkutími það er!!!!

Ísland er land þitt

2007-08-26T17:46:00.000Z

Ég hef undanfarin tvö ár ferðast töluvert um Ísland og séð ótrúlega margt fallegt.

Landið mitt kemur mér alltaf jafnmikið á óvart og ég skil vel hvers vegna útlendingar streyma hingað. Samt hef ég ekki séð nærri því allt. Ferðin mín í fyrra með ítalana var mögnuð, við keyrðum 2500 kílómetra á 8 dögum og stoppuðum á fleiri hundruð stöðum. Mér þykir ótrúlega vænt um landið mitt og er ánægð með að vera Íslendingur. Hérna eru nokkrar af mínum uppáhaldsmyndum, sem ég hef tekið í mínum ferðum um landið!!

Njótið vel!!!

Vestmannaeyjar.

Þessi mynd er í miklu uppáhaldi þar sem ég tók hana

sjálf út um gluggann á flugvélinni sem pabbi minn flaug :)

Dyrhólaey, ágúst 2006.

Ótrúlega magnaðir klettar!!

Hvítserkur í Húnafirði.

Brimrofið hefur gatað helluna svo hún hefur

yfirbragð steinrunninar ófreskju.

Ótrúlega magnað náttúrufyrirbæri.

Þingvellir,

einn af mínum uppáhaldsstöðum.

Vestmannaeyjar,
sér einhver fílinn??

Jökulsárlón 2007.
Hrapaði flugvél í Jökulsárlón?

Gullfoss.

Takið sérstaklega eftir berginu,
eða klettunum eða hvað sem
þetta kallast,
mér finnst þetta svo magnað!!!

Malarif
á Snæfellsnesi. Ótrúlega magnað bergið þarna.

Reykjanes
Ótrúlega magnaðir klettar við
Álfubrúna á reykjanesskaganum.

Malarrifsviti

á Snæfellsnesi.

Þegar ég var búin að setja allar myndirnar inn sá ég að þær eru flest allar af fjöllum, klettum og bergum. Spurning um að skella sér í jarðfræði og finna út hvað þetta heitir alltsaman. Jah, eða bara fletta því upp í bókinni sem er að verða besta vinkona mín, Vegahandbókin góða!!

Óvissu - og dekurdagur

2007-08-25T18:33:00.000Z

Ingunn vinkona bauð mér í "óvissuferð" í dag, og þvílíkt sem við erum búnar að hafa það gott!!!!!!

Við hittumst í Laugum í morgun kl 11 og þá var Ingunn búin að græja aðgang fyrir okkur að Baðstofunni. Við skelltum okkur í æfingagallann og hituðum upp eins og við gerum vanalega en svo tók óvissan við, ég hélt að við værum að fara okkar venjulega hring í Hraðbrautinni en nei nei, Ingunn var ekkert á þeim buxunum heldur var það SALSA tími!!!!!
Fyrstu tvö sporin voru auðveld en það sem svo tók við...jedúdda mía...ég var í dansskóla þegar ég var lítil EN það sást svei mér ekki í morgun þar sem ég var eins og belja á svelli...en skemmti mér konunglega og er alveg til í að prófa þetta aftur!!!!

Úr Salsatímanum lá leiðin í armbeyjur og teygjur og þaðan í gufur og sána, ííííiískalda sturtu, nuddpottinn og þaðan lá leiðin í Laugar Café þar sem við fengum okkur hvítvínsglas og gasalega góðan mat.
Skelltum okkur svo í slökun og þvílíkt sem það var gott. Ég lá þarna á bekknum, innan um slatta af ókunnugu fólki og það kom mér svakalega á óvart hversu mikilli slökun ég náði þarna, á sundfötunum og baðsloppnum innan um ókunnugt fólk. Það voru fleiri en ég sem náðu góðri slökun því sumir voru farnir að hrjóta!!

Eftir að hafa farið í góða sturtu, borið á mig body lotion, blásið á mér hárið, meikað, púðrað og maskarað, smellt mér í sokkabuxur og kjól var haldið af stað í bæinn.
Næsti liður í óvissuferðinni var Nornabúðin þar sem Ingunn verslaði galdur handa okkur og svo var það bara kakó og vaffla á Café París eftir að hafa kíkt í Pennann.

Kom svo heim og hafði það gott en hver veit hvað kvöldið ber í skauti sér!!

Elsku Ingunn mín...takk fyrir mig, takk fyrir frábæran dag og takk fyrir að vera hluti af mér og mínu lífi!!

Tarnir

2007-08-21T19:00:00.001Z

Ég á það til að taka svona tarnir....þegar ég var yngri las ég allar Nancy-bækurnar í einum rykk, en þegar ég var orðin eldri (bara í hitteðfyrra hahaha) las ég margar James Patterson bækur í röð, svo tóku við margar Paolo Coelho bækur í röð, tók svo aðra törn og las margar "sjálfshjálparbækur".

Í fyrra fór ég í stelpuferð til Köben og við skelltum okkur á tónleika með Eivöru Páls í Tívolíinu og ég sé sko ekki eftir því, hún er algerlega alger snillingur stúlkan!! Og á laugardaginn datt ég inn í Norræna húsið þar sem Eivör og LayLow voru að syngja "You are my sunshine" og svo tók Train-lagið við og ég stóð þarna með kökk í hálsinum, nasavængina útþanda til að halda aftur af tárunum auk þess að vera með gæsahúð dauðans....mikið gasalega eru þær magnaðar og Eivör er alveg stórkostleg að mínu mati (sitt sýnist hverjum náttúrulega en sumir hafa þurft að éta ýmislegt ofan í sig hvað Eivöru varðar...ha Herdís!!!!!!!)
Þannig að eftir að hafa hlustað á þær stöllur fara á kostum þarna skellti ég mér á útsöluna hjá 12 tónum og keypti mér Krákuna og Eivör diskinn með Eivöru og svo gaf Óli bróðir mér nýjasta diskinn. Þannig að nú er Eivör-törn heima hjá mér!!!!

Ég er ekki með Stöð 2 og sé því ekki Grey´s Anatomy þættina, en hef heyrt ótrúlega mikið um þá og Óli bróðir kom mér á bragðið og lánaði mér fyrstu tvær seríurnar og ég hef núna tekið Greys´Anatomy-törn og er hálfnuð með þriðju seríuna... (sem Óli reddaði mér líka...þúsund þakkir Heiða mín!!!!) Ég er semsagt óstöðvandi núna og hef ekki fallið í þessa gryfju síðan við mamma sóttum hverja Return to Eden spóluna á fætur annarri í Videóklúbbinn í eyjum fyrir möööööörgum árum síðan hahahahahahaha...
Ætli það sé merki um að ég sé að eldast að mér finnst Patrick Dempsey bara sjúklega sexý í þessum þáttum?????? Er það kannski bara karakterinn????

Hversdagsleikinn...

2007-08-20T21:20:00.000Z

...er tekinn við og allt að komast í fastar skorður.
Ég er búin að vera að vinna í viku, skólasetning hjá Grétu á miðvikudag og svo byrjar skólinn hjá henni á fimmtudag. Við fengum bréf frá frístundaheimilinu í dag þar sem okkur var tilkynnt að hún fengi pláss, það var nú léttir!!!!

Ég er 100% sátt við þá ákvörðun að halda ekki áfram í námi, allavega ekki þessu námi. Og mér líður vel og ég lít jákvæðum augum á veturinn, vinnuleg séð allavega og þrátt fyrir að við séum í svipaðri stöðu og aðrir leikskólar hvað manneklu varðar hlakka ég til að fara að vinna og nýta mér það sem ég hef lært á undanförnum árum. Ég hlakka líka til að geta eytt meiri tíma með Grétu, farið í ræktina og gert hluti án þess að vera með samviskubit yfir að eiga eftir að læra eða vera að læra og vera með samviskubit yfir að geta ekki gert meira með Grétu!!

Fyrir nokkru horfði ég á myndina "The Secret" og þar kom ótrúlega margt fram sem er svo magnað, þrátt fyrir að maður viti nú sumt af því. Ég er nú samt á leiðinni að kaupa mér bókina þar sem ég tel að allar svona bækur séu af hinu góða (eins og bækurnar hans Paolo Coelho, Munkurinn sem seldi sportbílinn sinn, Lífsgleði njóttu og margar fleiri) og ef maður tekur það úr bókunum sem maður telur að henti manni nýtist það manni til góða.

Þannig að það er best að byrja á því að velta vöngum yfir því hvað það er sem maður raunverulega vill í þessu lífi og koma því á Vision board og sjá hvað gerist!!

Hið eðlilega líf

2007-08-13T16:52:00.000Z

Byrjaði að vinna í morgun eftir 6 vikna frí....já svona geta leikskólakennarar haft það gott muahhhhhhh!!!!!!!!!!!!

Það var bara aldeilis frábært að komast í vinnuna og mína eðlilegu rútínu.
Fór bara nokkuð snemma að sofa í gær, vaknaði fyrir klukkan sjö í morgun og fór í sturtu ÁÐUR en ég fór í vinnuna...gæti eflaust komist í heimsmetabók Guinnes fyrir það!!!!
Mér þykir ekkert eðlilega gott að sofa (er B týpan...held ég...get vakað lengi og sofið lengi) og vil nota allan tíma sem ég get til þess....EN á hverju hausti (já er ekki að koma haust?) hugsa ég með mér að nú sé rétti tíminn til að gerast A manneskja (eru það þá ekki þeir sem fara snemma að sofa og snemma á fætur?), fara á fætur einum og hálfum tíma áður en ég á að mæta í vinnuna, fara í sturtu, blása og slétta á mér hárið, bera á mig krem og svona, fá mér gasalega hollan morgunmat, lesa blöðin og hlusta á fréttirnar EN...svo kemur haustið og ég geri þetta ALDREI!!!! Kannski af því þetta er aðeins of mikið af því góða...nægir mér að fara bara á lappir klukkutíma áður!!

Ég snooza þar til ég hreinlega verð að drattast á lappir svo Gréta verði ekki of sein í skólann (vil alls ekki að hún komi of seint, er meira sama um mig...ég ber ábyrgð á henni og mér sjálfri!!) og mæti nánast með koddafar á kinninni í vinnuna!!! Ég er samt ekkert alltaf of sein í vinnuna...bara mæti akkúrat....væri oft gott að mæta mínútu fyrr...hehehehe....

Munkurinn sem seldi sportbílinn sinn sagði að það tæki mann 21 dag (minnir mig) að breyta venjum sínum...og nú geri ég aðra tilraun til þess að gerast A manneskja...engar öfgar samt, bara að hætta að snooza og drattast á lappir klukkan sjö, ég er nefnilega ekki týpan til að blása og slétta á mér hárið og mála mig áður en ég fer í vinnuna...en þetta með koddafarið er leiðinlegra hehehehehe!!!

Sjáum hvað setur....er alltaf að reyna þetta en það mistekst alltaf....er samt betur stemmd í þessari tilraun en hinni....og er svo líka ekki að fara í skólann þannig að maður þarf ekki að vera að læra til 1 og 2 á nóttunni svo maður ætti að geta drattast í rúmið á skikkanlegum tíma!!!

Tómlegt

2007-08-12T19:32:00.000Z

Gærdagurinn var svona "bitter-sweet" dagur, ég keyrði ítölsku fjölskylduna mína á Keflavíkurflugvöll í svarta þoku og á heimleiðinni var ég ein í svartaþoku á Reykjanesbrautinni með tárin í augunum (á svona líka bágt með að kveðja) og með tónlistina í botni. Söknuðurinn var mikill þrátt fyrir vissuna um að hittast á ný á þessu ári meira að segja.

Fyrir 13 árum fór ég sem au-pair til þeirra og við náðum strax vel saman. Vináttan hefur haldist og styrkist í hvert sinn sem við hittumst. Þau eru alveg frábær og mér líður svo vel með þeim, þau eru opin og einlæg og segja nákvæmlega það sem þeim finnst. Þau eru svo dugleg að hrósa mér og benda mér á þá kosti sem ég hef að bera auk þess að fá mig til að líta jákvæðari augum á allt það góða sem ég hef í lífi mínu. Eftir þessar tvær vikur kann ég miklu betur að meta það sem ég hef og ætla að reyna að halda áfram að vera jákvæð og þakka fyrir það sem ég hef.

Þau bentu strax á það...sem ég þó vissi... að ég er umkringd af fólki sem gerir allt fyrir mig mamma og pabbi lánuðu mér bílinn sinn, til að lána ítölunum hann, í 2 vikur auk þess að snúast í kringum okkur og elda ofan í okkur í eyjum, Diddi bróðir lánaði okkur bílinn (til vara), Óli bróðir lánaði mér sængur og bauð okkur öllum út að borða og í ísbíltúr á eftir, Birgitta lánaði mér kælibox, Ester og Einar lánuðu okkur húsið sitt í eyjum þar sem þau voru hjá Kristborgu frænku í Svíþjóð og Þórey gaf okkur kjúkling og rauðvín. Gréta mín var best allra barna og lánaði ítölunum allt sem þau báðu um (gameboy, dvd, i-podinn, dót og hvaðeina).

Þúsund þakkir öllsömul fyrir hjálpina!!!!

Þessar 2 vikur sem fjölskyldan mín var hér var mikið ferðast og margt brallað. Við byrjuðum á að fara til Vestmannaeyja daginn eftir að þau komu til landsins og eyddum þar 3 dögum. Pabbi keyrði okkur um eyjuna á lítilli rútu, við röltum um bæinn og kíktum í búðir en hátindur ferðarinnar fyrir þau var að komast í íslenskt frystihús og sjá hvernig við vinnum fiskinn (ég var svo mikið búin að tala um frystihúsin og vinnuna þar þegar ég var hjá þeim). Mamma tók á móti okkur í Godthaab og leiddi þau í allan sannleika um fiskiframleiðslu Íslands auk þess að sýna þeim hvern einasta fermeter í frystihúsinu. Þá versluðum við bæði saltfisk og hinn margrómaða harðfisk (Böddabita) sem sló rækileg í gegn á Ítalíu.
Mamma og pabbi elduðu mat sem féll ítölunum misvel, kjötsúpan sló í gegn en lundinn ekki, hangikjötið sló í gegn en sviðakjammarnir ekki, nýjar kartöflur slóu í gegn en rúgbrauð ekki!!!

Nú...þegar við vorum svo aftur komin á fast land skoðuðum við Reykjavík city; Laugaveginn, Hallgrímskirkju + turninn, leikskólann minn, Fjölskyldu-og húsdýragarðinn, Grasagarðinn og Kaffi Flóru (þar sem heimsins besta kjúklingasalat fæst).
Auðvitað fórum við svo Gullna hringinn (Þinvellir, Geysir, Gullfoss og Kerið) með viðkomu í Eden, fórum að Garðskagavita, Álfubrúnni, Reykjanesvita og enduðum í Bláá Lóninu, skuppum svo í Jökulsárlón og gistum eina nótt í sumarbústað á Hörgslandi, tókum léttan hring um Nesjavelli og kíktum svo í Borgarfjörðinn og á Hvanneyri þar sem margar frábærar minningar rifjuðust upp.

Veðrið var bara aldeilis ágætt og þau voru mest ánægð að fá einn góðan og einn slæman dag í Eyjum því þá fannst þeim þau skilja lífið þar og fólkið mun betur. Margir sólardagar voru, nokkrir vindasamir og örfáir skýjaðir dagar, svo þegar á heildina er litið var þetta bara aldeilis ágætt!!

Mörg comment hafa fallið um land og þjóð og munu þau kannski birtast hér á allra næstu dögum...hehehe...

En semsagt...við mæðgur erum bara tvær í kotinu og lífið að fara í fastar skorður...byrja að vinna á morgun og skólinn hjá Grétu byrjar eftir 10 daga!!

Efins??

2007-07-27T23:48:00.000Z

Og einmitt þegar ég er alveg ákveðin kemur þessi grein

http://www.mbl.is/mm/frettir/frett.html?nid=1282406

Menntun er menntun sama hvaða menntun það er en launin eru hins vegar allt annað mál!!
Undarlegt samt að með mína menntun, háskólapróf, gæti ég fengið betur launaða vinnu í öðrum geira en menntun mín tilheyrir??

Ég er stolt og ánægð með mína menntun, er bæði með stúdentspróf og B.ed gráðu og stefni á BA gráðu í allt öðru. Hvort Masterinn fær að fljóta með verður tíminn að leiða í ljós...stend samt við fyrri ákvörðun og ætla ekki áfram í haust!!

Er annars búin að vera á fullu í dag....margt jákvætt við daginn í dag, sól og blíða, ég búin að ryksuga bílinn minn og þrífa mömmu og pabba bíl, búin að kaupa mér dýnu til að sofa á meðan gestirnir eru, þrífa íbúðina alla og fara með gögn í bankann...mikið sem manni líður vel þegar maður gerir eitthvað af viti!!!

Á morgun kl 19.05 lendir svo Del Bello fjölskyldan og ég geeeettttt varla beðið...er búin að vera með fiðrildi í maganum af spenningi síðustu daga og spennan er að ná hámarki......ciao!!!

Pælingar út og suður

2007-07-26T17:41:00.000Z

"Þessar aðstæður geta breytt þér til hins betra en einungis ef þú leyfir sjálfri þér að breytast. Hreinsaðu líf þitt af neikvæðni" sagði stjörnuspáin mín í Blaðinu í dag.

Þetta kom vel á vondan og nú er lag...ætla að losa mig við neikvæðnina og breytast til hins betra...er bara að spá í eitt....hvaða aðstæður er átt við? Maður er í mörgum aðstæðum hverju sinni...

Hey og fyrst ég er byrjuð að losa mig við neikvæðnina og snúa mér að jákvæðninni þá er hér eitt jákvætt...hef tekið ákvörðun og er algerlega alveg ákveðin og sátt við hana...það hefur ekki gerst í langan tíma þar sem ég þarf alltaf að velta öllu fyrir mér í tíma og ótíma og helst líka í óratíma....EN...
...þannig er mál með vexti að ég sótti um í Mastersnám og fékk inn og ætlaði að halda áfram og taka allavega kennsluréttindin...og var alveg ákveðin í því...EN... þar sem ég hef haft nægan tíma til að hugsa minn gang í sumarfríinu þá komst ég að því að hugur minn liggur ekki þar, mig langar, sem stendur, ekki að fara í meira nám, allavega ekki á þessu sviði.
Mig langar frekar að nýta mér það nám sem ég hef nú þegar og bæta mig í starfi með þeim hætti. Leikskólinn er minn vettvangur og mig langar að vinna mína vinnu betur og sinna henni og öllum þeim þáttum sem lúta að henni.
Ég hef svo sannarlega verið að læra margt sl. 4 ár og finnst tími til kominn að nýta mér það mun betur.

Nú...í sumarfríinu hef ég líka fundið að sl. 4 á hafa verið geysilega erfið og það er meira en að segja það að vera í svona löngu námi, sinna barni og búi og hafa tíma til að lifa lífinu. Í skólanum er oft bara kannaður toppurinn á ísjakanum og maður hefur oft ekki tíma til að fara dýpra þótt maður glaður vildi þar sem mörgu er að sinna.
Ég var aðeins að vinna í sumarfríinu og lesa frábært efni tengt vinnunni og mig langar að geta einbeitt mér að því og kannað það til hlítar því það kemur til með að nýtast mér gasalega vel í vetur og nú finn ég að þar liggur hugur minn og nú ætla ég að fylgja sannfæringu minni.

Tíminn er það dýrmætasta sem við eigum sagði einn prófessor og ég finn það að núna er námstíma mínum, í þessum skilningi er lokið í bili og við tekur vinnutími, en í honum felst meðal annars að vinna úr því sem ég hef verið að læra. EN...tíminn sem er dýrmætasti tíminn af öllum tíma er tími með og fyrir dóttur mína...honum vil ég núna eyða án þess að hún þurfi alltaf að "bíða aðeins, gera þetta á eftir, bíða þar til ég er búin að lesa/læra/skrifa/prenta....hitt og þetta"

Ég fann nefnilega á síðustu önninni að metnaðurinn var ekki sá sami og á fyrri önnum og ég dröslaðist áfram síðustu metrana til að klára þetta.
Ég naut námsins upp að vissu marki en komst einnig betur að því að nám er vinna og vinna er nám og maður á að njóta þess. Fer kannski bara í masterinn þegar ég get unnið minna..hahaha... og Gréta þarf ekki eins mikið á mér að halda...verð þá líka komin með enn lengri starfsreynslu og mun eflaust vita ennþá betur hvar hugurinn liggur!

Svo er draumurinn alltaf að klára BA í ítölsku svo það er næsta mál á dagskrá...er búin að senda póst á námsráðgjafa í HÍ og ætla að sjá hvert það leiðir mig...hvort og hvað ég fæ metið og hvað er í boði...huhumm...kannski kominn tími til að láta einhvern draum raunverulega rætast...ekki sitja bara á rassinum og gera ekki neitt!!!!

Ár aftur í tímann :)

2007-07-24T11:24:00.000Z

Fyrir 13 árum fór ég fyrst sem au-pair til Ítalíu og var mjög heppin með fjölskyldu. Þetta voru hjón með eitt barn og barnið var bara 18 daga þegar ég kom til þeirra.
Með okkur öllum tókst mikill vinskapur og ég var sátt við fólkið og allt en þegar kom að heimferð var ég ekki alveg sátt þar sem ég hafði ekki kynnst neinum ítölum á mínum aldri (þar sem þeir voru allir í Interrail á sumrin, hehe) og því ekki lært neitt af ráði í ítölsku. Ég tók þá ákvörðun að fara heim til Íslands, klára stúdentinn og fara svo aftur, sem ég og gerði.
Ég fór aftur, á sama stað, sömu fjölskyldu og nú voru hlutirnir öðruvísi. Þau voru búin að finna skóla í borginni þar sem var ítölskunám fyrir útlendinga og þangað fór ég, 2x í viku í 9 mánuði og fékk frábæran kennara og var fljót að læra og dugleg að æfa mig. Eftir 3 mánuði var ég farin að tala ítölsku og meira að segja farin að blaðra á ítölsku í símann þannig að þá mátti bara tala ensku í neyð!!!!!!
Það var afskaplega erfitt að kveðja alla þegar ég fór heim, mér þótti svo vænt um fólkið og allir höfðu reynst mér svo vel og við vissum ekkert hvenær við myndum hittast aftur.

Síðan þá hef ég heimsótt þau 2x, árið 1997 og svo árið 2003 en þá komu Gréta, mamma og pabbi með mér og það var ótrúlega gaman fyrir alla. Mömmu og pabba hafði lengi langað að sjá hvar ég var, sjá ítalska heimilið mitt og hitta allt fólkið sem ég haf'ði kynnst.
Mér var tekið svo vel að pabbi sagði að það væri eins og ég væri drottningin af Íslandi, þvílíkar móttökur og nokkur tár féllu hér og þar.

Nú er svo komið að fjölskyldan mín, hjónin og tvö börn, er að koma til Íslands í FYRSTA skipti!!!!
Þau koma á laugardaginn og við Gréta getum varla beðið....erum að skipuleggja og gera og græja.....rétt eins og í fyrra þegar ítalarnir komu!!!!

Þetta verða án efa frábærar 2 vikur og nú er bara að vona að veðurguðirnir verði áfram duglegir að útdeila góðu veðri á Íslandi!!!!

Stjörnuspá dagsins og annað crap

2007-07-19T23:35:00.000Z

Sporðdreki: Taktu ákvarðanir að hætti sporðdreka: hlustaðu eftir áliti margra, íhugaðu þau og hlustaðu svo á innsæið.

Stundum hittir stjörnuspáin alveg í mark...undanfarna daga hef ég verið að velta mörgu fyrir mér, er nefnilega í sumarfríi og hef ekkert að gera nema velta ýmsu fyrir mér...er ótrúlega góð í því...

...EN...

...ég hef sem sagt þrennt að velta mér upp úr núna, eitt hef ég reyndar ákveðið svo það er enn tvennt sem ég get velt mér upp úr...annarsvegar húsnæðismál, hins vegar nám...

...EN...

...þannig er mál með vexti að ég er einstæð móðir, nýbúin með 4ra ár háskólanám og er í fullri vinnu, minn starfsvettvangur er þannig að ég held að ég þurfi ekki að óttast atvinnuleysi, þori að fullyrða að ég get fengið vinnu hvar sem er og hvenær sem er með mína menntun og reynslu. Ekki það að mig vanti vinnu, er fullkomlega ánægð með þá vinnu sem ég er í...

...EN...

...ég geri mér grein fyrir að peningar eru ekki allt og maður kaupir ekki hamingju, enda þarf ég ekki að kaupa mér neitt til að verða hamingjusöm, ég er það nú þegar...

...ENNNNNNNNNN...

...peningar gera samt ýmislegt...til dæmis er ég núna í þeirri stöðu...eins og í fyrra...að það er verið að fara að selja íbúðina sem ég er að leigja...ok...núna hugsa flestir...og af hverju kaupir þú hana ekki bara???...

...EN...

...ég átta mig bara ekki alveg á því þegar fólk segir að það sé svo auðvelt að kaupa...hef lauslega sett dæmið upp og gæti keypt fyrir 12 milljónir...og hvað fæ ég fyrir það??? Kannski 30 fermetra ósamþykkta íbúð, það er ef ég ætla ekki að steypa mér í skuldir, og þótt ég ætlaði að steypa mér í skuldir þá hefði ég ekki heldur efni á því...

...EN...

...þá kem ég að öðru....leigumarkaðurinn er ekkert skárri kostur...á leiga.is eru íbúðir og leigan er ekki nema 130-150 þús fyrir 70-90 fermetra!!!!!
Og það sem meira er...af því ég er svo HÁlaunuð þá taka þeir bara af mér húsaleigubæturnar...jamm...mátt bara hafa það ok á Íslandi, mátt ekki hafa það of gott nema þú sért ógeðslega ríkur og þurfir að hafa það betra!!!!
En ef þú ert bara í lægri kantinum í millistéttinni máttu ekki hafa það OF gott...ó nei...mátt bara hafa það skítsæmilegt!!!

Svo ætli það sé ekki best að taka saman draslið og flytja úr borginni, ef maður ætlar að lifa af??????? Kannski maður ætti bara að flytja af landi brott? Er grasið grænna hinu megin??

Svo þið sjáið að ég hef meira en nóg að gera í sumarfríinu!!!!!!!

Pakkað upp og niður...

2007-07-15T21:47:00.000Z

Heil og sæl...þá er 2ja vikna dvöl okkar á Tenerife lokið og við bara svona líka ánægð með hana. Hótelið var rosa gott og herbergið okkar á 4.hæð aldeilis gott. Við vorum mjög afslöppuð og ekkert að rífa okkur upp eldsnemma, sváfum út og höfðum það bara notalegt.

Óli var ekki með nema 9 bækur með sér og hann las held ég 5 bækur og ég las 6 bækur á tveimur vikum.

Bækur, höfundur og stjörnugjöf hér rétt á eftir (mest hægt að fá 5 stjörnur) hehehehe...

Sér grefur gröf e. Yrsu Sigurðardóttur ****skemmtileg flétta en svolítið langdregin

Skipið e. Stefán Mána ***** klikkuð spennusaga og horror.....

5.riddarinn e. James Patterson *** auðlesin og skemmtileg afþreying

Í upphafi var morðið *** e. Árna Þórarinsson og Pál Kristin Pálsson *** auðlesin og svolítið langdregin

Viltu vinna milljarð e. Vikas Swarup ***** frábær bók sem allir ættu að lesa, ótrúlega skemmtilega sett upp og meiriháttar lesning.

Las eina bók í viðbót sem ég man í augnablikinu ekki hvað heitir en það kemur síðar. Svo las ég reyndar líka eina ítalska....sem var meiriháttar góð líka.

Við komum semsagt heim á fimmtudagsmorguninn, 2ja tíma seinkun á fluginu svo við vorum að skríða hér inn um kl. 06 um morguninn...svona líka hress. Það er frábært hvað Gréta er dugleg og það er svo lítið mál að ferðast með hana. Hún sofnaði bara 40 mín e. flugtak og svaf þar til það var klukkutími eftir!! Komum svo heim um kl 6 og sváfum frá 7-12.

Ég var varla búin að rífa upp úr töskunum þegar Ingunn hringdi og bauð okkur að koma með henni og strákunum í bústað á Arnarstapa. Við létum svona gott tilboð ekki sleppa og eyddum helginni í bongóblíðu á Arnarstapa í góðum félagsskap.

Nú bíðum við bara eftir að ítalska fjölskyldan mín komi til landsins...

2007-07-08T13:38:00.000Z

Nae ekki asetja titil á bloggid.....

Hellúúúú....hér er bara sama blídan og sídast tegar ég skrifadi og ekkert útlit enn fyrir rigningu en mikid er madur samt takklátur fyrir skýin hér...svona af og til allavega.
Vid erum ekkert ad tapa okkur hér, sofum bara út og hofum tad gasa kósy....nema ad vid bordum svo ógedslega mikid af gúmmínammi og drekkumsvooo mikid kók ad tad er hreinlega óbjódur...Grèta er búin ad stofa heilsuklúbb...henni ofbýdur tetta nammi og kók magn sem í sig er látid hér og vid Óli erum rekin úr klúbbnum!!

Erum búin ad fara í geggjadan Jungle park, hrikalega flottan dýragard og tókum helling af myndum og fórum í BOB sleda og Jungle ride líka...verdid bara ad bída eftir myndunum sem ég mun setja á heimasíduna hennar Grétu er vid komum heim.
Saelunni fer ad ljúka, komum heim á midvikud....eda sko eiginlega á fimmtudagsmorgunin...flugid á frekar ókristilegum tíma en hvad um tad....erum í fríi!!

Vonum ad tid hafid tad eins gott og vid.....kossar og knús...the Tenerife fat asses

Tenerife weekly :)

2007-07-04T19:52:00.000Z

Halló halló halló....af okkur er allt gott ad frétta, gasalega mikill hiti og sól og allt eins og ég vil hafa tad. Gréta er ordin alger hetja í lauginni, farin ad hoppa, fara í kollhnís í vatninu og í dag sleppti hún kútunum og var ad aefa sig í ad synda kútalaus....alger hetja og tad gekk svaka vel.

Vid erum oll ordin voda brun...mismikid samt....Oli var adallega raudur, Gréta brún og ég bara nokkud brún líka...hehehe..er ad vinna brúnkukeppnina allavega.

Fórum í vatnsrennibrautagard í gaer og tad var meiriháttar gaman, ég fór meira ad segja nokkrar ferdir og skemmti mér konunglega :)

Annars bordum vid bara úti á hverju kvoldi og skiptumst á ad ráda og velja stadi, kíkjum stundum á skemmtidagskrána hér á hótelinu eda bara roltum um. Hotelid er svakalega fínt og ekkert nema gott um tad ad segja.
Vid erum í algerri afsloppun, sofum bara út..til ca 10 og svo bordum vid bara morgunmat og skellum okkur svo í sólbad til svona 17.30. Tá heldur afsloppunin bara áfram, sturta, skipt um fot, hairdo og svona og svo út ad borda.
Er búin ad versla mér adeins í Mango og Gréta búin ad versla sér svolítid líka....aetlum á markadinn á morgun...tad verdur gaman!!

Vonum ad tid hafid tad gott heima og tad týdir ekkert ad vera ad senda okkur sms med einhverjum hitametstolum frá Íslandi...tad toppar ekki vedrid hér....hehehehhehe....

Kossar og knús!!!

The Golden Circle and the Blue/Green Lagoon

2007-06-24T19:52:00.000Z

Það má með sanni segja að við mæðgur höfum verið í túristaleik um helgina, eða kannski túristagæd leik alla vega. Þannig er mál með vexti að við eigum ítalskan vin sem heitir Marco og hann kom til okkar í fyrra og með honum hinir ítölsku vinir okkar, Cristina, Stefano og Ambra.

Marco á norska kærustu sem heitir Jorunn en hún komst því miður ekki með þeim til okkar í fyrra svo þau, Marco og Jorunn, brugðu á það ráð að skreppa hingað til okkar um helgina!!!!!!
Og það var bara gaman :)

Við Gréta vorum mættar á Keflavíkurflugvöll kl.9 í gærmorgun að sækja þau og við brunuðum svo öll hingað heim, fengum okkur brunch, skiptum um föt, settum nýju myndavélina mína í töskuna og brunuðum svo af stað á Þingvelli. Þar var mikil sól en líka mikill vindur!!!!
Þingvellir eru í miklu uppáhaldi hjá mér, mér finnst gasalega fallegt þar og svo er bara svo mikil saga þar. Við eyddum talsverðum tíma í gær í að labba um Þingvelli og skoða og spjalla og ég elska að fá ítali í heimsókn og geta spjallað ítölsku...virkileg þörf fyrir það..hehehe....

Við skelltum okkur svo líka að Geysi og sáum þann merka hver gjósa allnokkru sinnum og mikið gasalega svakalega ofsalega er gaman að vera þar innan um Kínverja, Japani, Spánverja, Ítali, Frakka, Bandaríkjamenn og aðrar þjóðir þegar hverinn gýs....það er ómetanlegt og íslenska hjartað slær aukaslag af þjóðarstolti þegar ferðamennirnir stynja og hrópa og vá-a og klappa og hreinlega bresta í grát yfir þessum ógnarkrafti og fegurð íslenskrar náttúru, já þetta er stórmerkileg jörð.

Og svo var það Gullfoss....stór og kraftmikill og sérlega fallegur og Kerið í bakaleiðinni :)

Í dag gerðum við okkur dagamun og skelltum okkur í Bláa Lónið...sem reyndar var Grænt í dag...sá það meira að segja í Fréttunum að þörungarnir hafa það svo gott að vatnið skipti hreinlega bara um lit...en hvort sem það er Blátt eða Grænt er það svona líka endurnærandi og húðin eftir náttúrulega maskann er svo mjúk og endurnærð. Eini gallinn við Bláa Lónið er að ég verð alltaf svo gasalega svöng þar, er varla komin ofan í Lónið þegar ég finn fyrir svona líka svakalegu hungri...en það reddast alltaf....SS pylsa, Kók og Nizza þegar upp úr var komið....ja...hefði kannski verið betra að segja Skyr, salat og hollt snakk....en neibbb....svo gott var það ekki!!!

Úr Lóninu lá leiðin á Keflavíkuflugvöll því Marco og Jorunn fóru aftur í dag :( stutt stopp en miklu afrekað....elska að fá svona gesti, þau eru svo opin og einlæg og finnst allt svo frábært sem er gert fyrir þau, sama hversu lítið og sjálfsagt það er.

Þannig eru sannir og einlægir vinir og það gerir manni ekkert nema gott að umgangast svona fólk....ohhhhhhh.......þarf endilega að komst til þeirra til Trieste......vediamo in futuro......og það magnaðasta er að bestu 2 vikurnar veðurfarslega séð í fyrrasumar voru þessar 2 þegar þessir ítölsku vinir okkar voru hér og gærdagurinn og dagurinn í dag voru ekki sem verstir...er því búin að biðja Marco að koma sem oftast því svo virðist vera sem góða veðrið fylgi honum...þannig að ef þið vitið um lausa stöðu hjá Icelandair/IcelandExpress eða öðru íslensku flugfélagi get ég fengið Marco til að vera um kyrrt og Ísland verður besta sólarlandaeyjan í heiminum...hvað segiði um það??????????

Maður má alltaf láta sig dreyma....ekki satt???

Hafið það gott og hugsið vel um vini ykkar...íslenska og erlenda!!!

Gréta Dögg 7 ára

2007-06-21T22:14:00.000Z

Þann 21.júní 2000 varð jarðskjálfti rétt eftir miðnætti og rétt fyrir klukkan 9 um morguninn vorum við komin upp á fæðingardeild. Ljósmóðirin athugaði með hríðarnar og fannst þær ekkert svo harðar svo hún bjóst við að ég mætti bara fara aftur heim, en ákvað svo að skoða mig betur. Ég var þá bara komin með 7 í útvíkkun og ekkert á leiðinni heim og rétt á eftir missti ég vatnið svo ég var alls ekkert á leiðinni heim.

Á leiðinni upp á spítala hugsaði ég með mér hvað þetta væri ótrúlegt....ljósmóðirin sem var með okkur í mæðraskoðun og á foreldranámskeiðinu hafði sagt við mig að hún hefði svo góða tilfinningu fyrir þessu öllu hjá mér, að ég myndi fara í gegnum þetta allt án nokkurra vandkvæða og þetta myndi reynast mér létt, það væri oft þannig hjá grönnum og háum konum sagði hún. Hún sagðist hafa þannig tilfinningu að ég færi í gegnum þetta lyfjalaust og þegar hún sá dagsetninguna sem sónarinn sagði til um sór hún nánast að barnið kæmi í heiminn á þessum degi, þar sem 21.júní er sumarsólstöður, lengsti dagur ársins og hún vildi meina að staða sólar og tungls og þess háttar hefði áhrif.

Allt þetta reyndist rétt hjá henni, Gréta fæddist 21.júní og allt gekk þetta vandræðalaust fyrir sig.

Nokkru áður en Gréta fæddist hafði ég oft heyrt lag í útvarpinu og var Þórir búinn að reyna að ná í það á netinu en gat það einhverra hluta vegna ekki. Lagið var "Could I have this kiss forever" með Whitney Houston og Enrique Iglesias. Mér fannst lagið svo ofsalega flott og þegar við vorum á fæðingardeildinni settum við útvarpið á og í miðjum hríðum heyrði ég þetta lag og sagði við Þóri að þetta væri lagið...og var þá náttúrulega að meina lagið í útvarpinu en hann greyið var ekki alveg að átta sig á þessu enda upptekinn við að stjana við mig og hélt eflaust að ég væri að meina að hann væri að standa sig!!!! Ég þurfti því að útskýra fyrir honum og ljósmóðurinni að það væri lagið í útvarpinu sem ég væri að tala um!!!

Ljósmóðurinni fannst þetta frekar fyndið, að kona í miðjum hríðum væri að pæla í hvaða lag væri í útvarpinu en þetta er mér sérlega minnisstætt.

Þess vegna fannst mér það ótrúleg tilviljun að í dag þegar ég var á leiðinni heim úr vinnunni og leit á klukkuna og sá að hún var 16.15 ,en Gréta fæddist einmitt klukkan 16.15, að þá hljómaði á Léttbylgjunni þetta sama lag á þessum sama tíma!!!!!!!!!!

Ég greip símann og hringdi í Grétuna mína og sagði henni að hlusta á lagið, en við eigum það í tölvunni og ég spila það oft og rifja upp þennan stórkostlega dag fyrir 7 árum þegar yndislega dóttir mín fæddist.

Elsku Grétan mín, til hamingju með daginn og takk fyrir að vera besta stelpan í öllum heiminum :)

Elska þig milljón trilljón billjón endalaust :)

Útskriftardagurinn sjálfur

2007-06-20T20:49:00.000Z

Laugardagurinn 16.júní 2007 verður mér eftirminnilegur þótt ég hafi látið svona eins og ég lét!!

Dagurinn var tekinn snemma, vaknað kl.8...brunað til Óla bróður í "sléttun" og við mæðgur vorum svo heppnar að Laufey var mætt og hafði "ekkert" að gera svo hún gat fléttað Grétu svona líka gasalega fínt!!
Skelltum okkur svo þaðan í Kópavoginn þar sem Helga sæta málaði mig aðeins og svo var brunað heim, skipt um föt og skartið sett upp!!!
Mamma og pabbi röltu svo hér yfir og ég fór í Laugardalshöllina, þau komu svo stuttu seinna með Grétu.
Brautskráningin gekk eins og í sögu og þakka ég þeim fjölmörgu sem gerðu það sem ég ætlaði mér að gera, að vera fjarverandi...því það var töluverður fjöldi fjarverandi og því gekk þessi upptalning á nöfnum ansi vel fyrir sig hehehe
Atriðin voru skemmtileg og hátíðleg og ekkert nema gott um það að segja.

Við mæðgur brunuðum svo aftur í Kópavoginn í myndatöku og svo var bara kaffiboð hér síðdegis. Ég fékk ótrúlega margt fallegt í útskriftargjöf, m.a. nýja digital myndavél, skartgripi, blóm og gjafabréf...þúsund þakkir allir saman fyrir að fagna með mér og vera best í heimi!!

Humarhalarnir á Humarhúsinu voru svona líka gasalega góðir og ég er enn með hvítlauskbragðið í munninum....á meðan pabbi er enn með óbragðið af hrefnukjötinu í munninum...muahhhhh

Við vorum alveg búnar á því og sofnaðar fyrir kl 23.00 á laugardagskvöldið, sáttar og sælar :)

Öfganna á milli???

2007-06-13T20:10:00.000Z

Huhumm...þegar ég átti að skrá mig í Lokaverkefni í Kennó fór ég að hugsa um útskriftardaginn. Mér fannst þetta ekkert merkilegur dagur, ég ætlaði mér ekki einu sinni að mæta í útskriftina heldur bara láta senda mér plöggin mín í pósti.
Við ræddum þetta, við stelpurnar og þær áttu ekki til orð yfir þessum fíflalátum í mér en þetta var (og er) mín skoðun á málinu og ég sagði þeim það:

Ég nenni ómögulega að hanga þarna í Laugardalshöll í 2 klst til að hlusta á einhvern rektor sem ég þekki ekkert og þekkir mig ekkert rausa um hve stoltur hann sé af því að brautskrá svona föngulegan hóp og bla bla bla. Hvað þá síður að hlusta á fleiri hundruð nöfn þulin upp af ólíkum brautarstjórum sem hafa jafnvel ekki kennt manni neitt og þekkja engin deili á manni þar sem ég hef eytt 4 árum í fjarnám!!
Ég ætla ekki að eyða peningum í föt til að láta þau krumpast á meðan ég bíð eftir að nafnið mitt sé nefnt og það sem er verst af öllu....að ég ræð ekki hjá hverjum ég sit...það fer mest af öllu í taugarnar á mér...en auðvitað skil ég að það verði að vera skipulag á þessu öllu saman og allt það...en samt!!!!
Ég myndi vilja sitja hjá fjölskyldunni minni þar sem það er henni að þakka að ég á þennan dag, ekki samnemendum mínum eða kennurum.

Ég hef unnið vel flest hópverkefni með frábærum stelpum, þeim Sollu og Villu og þeim fannst þetta algerlega út í hött hjá mér, auðvitað væri þetta merkilegur dagur og ótrúlega mikil vinna sem liggur að baki þessum áfanga og ég ætti ekki að gera lítið úr því. Og þær ætluðuð sko ekki að hlusta á þetta bull í mér því þær myndu koma og draga mig út á hárinu ef ég ætlaði að halda þessari vitleysu áfram!!
Þetta væri sko einn fyrir alla og allir fyrir einn!! Enda höfum við verið sérlega duglegar við að peppa hvor aðra upp þessi 4 ár sem námið hefur staðið yfir og á ég þeim margt að þakka!!!

Þannig að....staðan í dag er þessi...

ég er að láta sérsauma á mig dress fyrir útskriftina :)
ég fékk skó frá London :)
er búin að fá lit og plokkun/lit og klippingu :)
förðun og greiðsla :)
veisla :)
við Gréta ætlum í myndatöku
fjölskyldan fer öll saman út að borða

Þannig að daginn sem ég ætlaði ekki að gera neitt er ég búin að plana út í ystu æsar!!!

Mikið er rætt um virðingu fyrir því starfi sem ég hef valið mér og ef ég ber ekki virðingu fyrir því og þeirri menntun sem ég hef náð mér í þá veit ég ekki hver ætti að gera það....svo ég mæti stolt og upprifin í mína eigin útskrift (en er samt sömu skoðunar og hér að ofan).

Ég er ekkert nema hræsnin!!!!!

Til eyja með rellu frá Rvk

2007-06-12T18:24:00.000Z

Pabbi bauð okkur Grétu að fljúga með sér til eyja sl. föstudagskvöld sem við og gerðum auk annars flugmanns.

Veðrið var eins og best verður á kosið, algert logn og bjart. Því var virkilega gaman að fljúga með pínulítilli rellu (4-5 manna vél) og geta séð landið svona vel.

Ég er svoddan skræfa, er svo gasalega lífhrædd og greyið pabbi heldur að ég treysti honum ekki...en það er ekki það...þetta er bara lífhræðsla, hræðsla um að eitthvað hræðilegt muni gerast...svona er ég og hef alltaf verið og verð eflaust alltaf, sama hvað ég reyni að losa mig við þessar óþarfa áhyggjur!!

Ég tók nokkra kippi í skýja-þokubakkanum sem við flugum í...alltof lengi að mínu mati...og svo var dálítið misvinda á brautarendanum og svolítill hristingur og hjartað í mér tók kipp en Gréta sat bara alveg kyrr, leit svo á mig og sagði: SKRÆFA!!!!

Eins gott að barnið erfir ekki þennan aumingjaskap móður sinnar!!

Og hún bætti um betur þegar við komum í flugstöðina og mamma sagði að ég væri alger hetja að þora þessu og spurði svo hvort ég hefði verið hrædd en ég neitaði því og þá heyrist í Grétu: jú víst mamma, þú varst skíthrædd!!!!!!

Dvölin í eyjum var notaleg að vanda, humari í hádegismat, grillað lambakjöt í kvöldmat, videokvöld, settar niður kartöflur og við pabbi röltum svo Skansfjöruhringinn...mikið gasalega er gott að vera í eyjum í svona kyrru veðri, sé að LOGN er það sem skiptir mestu máli. Það var svo gott að fara Skansinn í logni og úða.

Kom svo heim með Herjólfi á sunnudagskvöld en Gréta mín er enn í eyjum, hjá ömmu og öðrum ættingjum og vinum og hefur það svona líka gott. Hún og mamma koma svo á fimmtudag til að hjálpa til við að undirbúa útskriftarveisluna okkar Grétu!!

Útskriftir

2007-06-07T21:20:00.000Z

Gréta mín "útskrifaðist" úr 1.bekk með stæl í morgun, vitnisburðurinn alveg til fyrirmyndar og verkefnin hennar stórglæsileg.

Ég er svo stolt af litlu/stóru stelpunni minni og finnst hún orðin svo stór og veraldarvön eftir fyrsta árið í grunnskóla. Hún er alveg fluglæs, farin að tala og skrifa eins og fullorðin og orðin fær um að bjarga sér að svo mörgu leyti sjálf.

Sjálf er ég að útskrifast úr KHÍ þann 16.júní og hef verið að velta fyrir mér hvað ég eigi að gera af því tilefni, hvort ég eigi að hafa veislu eða eitthvað og núna er Gréta að velta fyrir sér hvað eigi að gera í tilefni af því að hún er búin með 1.bekk :) auðvitað þarf að gera eitthvað fyrir hana þannig að útskriftarkaffiveislan sem ég ætlaði að hafa í tilefni af minni útskrift er núna orðin að allsherjar 1.bekkjar-leikskólakennaraútskrift og það verður bara gaman!!

Hef nú alveg ákveðnar skoðanir á þessari útskrift minni og læt þær flakka næst...

Ég er svoooo löt!!

2007-05-28T17:57:00.000Z

jiiiiii....er hægt að vera latari en ég hef verið síðustu tvær helgar???

Ég held bara ekki, ég er ekki búin að gera neitt af viti, bara liggja í leti, horfa á sjónvarpið, lesa bækur, hlusta á tónlist og hafa það huggulegt!!

Tími til kominn kannski?
Að hvíla heilann og safna kröftum fyrir sumarið...sem er vonandi á næsta leiti...annars er mér svo sem sama þar sem ég hyggst yfirgefa klakann í tvær vikur von bráðar til að sleikja sólina, borða góðan mat, fara í sund og SLAPPA AF....hehehe...ef það er hægt að slappa meira af....gott ef ég dey ekki bara úr leti!!

Verð eflaust áfram löt svo ég veit ekki hvort það verður eitthvað af viti hér á þessu bloggi fyrr en með haustinu....

Einu merkilegu fréttirnar eru þær að við fengum 8,5 fyrir lokaverkefnið og vorum ekki sáttar...vildum fá 9,o en svona er þetta....you can´t always get what you want!!